YAHYA 17:12 - KITABI HABARI MOPIOHE

¹² Tou̒ Watia donggo pee̒-pee̒enta woli mongolio, Watia malodaha olimongolio wolo okokawasa tangguli Paapa – tanggulo uilohi mai li Paapa olaa-Tia. Watia malodaha olimongolio wau diaaluo penu boli ngotaa mao̒ limongolio tailooli, ngopohia tio tameemangi musiilio mooli; alihu woleeto boito motoduwolo mai wolo u tulatuladu todelomo Kitabi.

YAHYA 17:12 ပူးပေါင်းရင်းမြစ်များ

JABURU 41:9

Uali mongolio, “Ngongotio tiluhua daa̒, tio diila pongalo aakali muli mobongu mai.”

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 18:9

Wolo lotahuda mao̒ odito, lotoduwolo mola wolo u mapilo tahuda li Isa tou̒ dipo-dipolulio: “Paapa, monto tau-tauwala tailudu mai li Paapa olaa-Tia, diaaluo penu boli ngota mao̒ tailooli.”)

YAHYA 6:37

Ngoa̒amila tailudu mai li Paapa ode ola-U̒ mamonao̒ mai ode ola-U̒. Wau̒ diila tamopo touli boli tatoonu tamonao̒ mai ode ola-U̒.

PILIPI 2:9

Sababu uitolo Allahu Taa̒ala lomudua̒ o-Lio lolai-laio̒olo mao̒, wau longohi o-Lio okokawasa ulebe udaa̒ mao̒ wolo ngoa̒amila okokawasa uwewo.

2 TESALONIKA 2:3

Penu boli woloolo mola olo, diila mao̒ polulia tau mohimbulo olimongoli. Sababu tou̒ diipo meidungga mai Dulahe boito, mamusi motoduwopo mai sua̒li botie: Dadaata taa mamolapi iimanilio, momaahu li Almasi; wau Manusia Moleeto tamaa leimulo tilantu mai lo Eeya u tumuwoto ode nalaka, mamopo bilohei lobatanga.

IBRANI 2:13

Ti Isa loloi̒ya olo, “Wau̒ mamopo wunela halapani-U̒ ode Allahu Taa̒ala.” Wau Tio loloi̒ya olo, “Uti-utieelo Wau̒ pee̒-pee̒enta wolo mongo walao̒ tamailudu mai lo Allahu Taa̒ala de Olau̒.”

1 YAHYA 2:19

Mumuu-suwaalo li Almasi boito yito tau-tauwalo tamaa lololaa mao̒ olanto, sababu timongolio otutuulio mao̒ memangi diila taunto. Wonu timongolio taunto, tantu timongolio debo pee̒-pee̒enta wolanto. Bo timongolio lololaa mao̒ olanto, alihu mopatatolo mai deu̒ diaaluo penu boli ngotaa mao̒ limongolio tatio̒otutua meituwoto to kaumunto.

WAHI 19:12

Mato-Lio debo odelo lei̒to tulu wau tolunggo-Ngio Tio pakepake makuta dadaata. To batanga-Lio tulatulade tanggulo tuwau; wau bo Tio lohihilao tamotota tanggulo boito.