YAHYA 17:11 - KITABI HABARI MOPIOHE

¹¹ Botia Watia monao̒ mai odeli Paapa. Watia diilalo motibiluloa̒ todunia; bo timongolio woluo todunia. Paapa tamantali! Dahailo mai timongolio wolo okokawasa tangguli Paapa, deu̒ito-yito tanggulo u mailohi mai li Paapa olaa-Tia – alihu timongolio mowali tuwau, tutuuwauwa debo odelo ti Paapa wau Watia tuwau olo.

YAHYA 17:11 ပူးပေါင်းရင်းမြစ်များ

JABURU 79:9

Tulungiyalo mai mongowatotia, yaa Allahu Taa̒ala tamoo-poa̒ahua to mongowatotia, ambungualo mai duduu-sawaalo mongowatotia wau lopataalo mongowatotia domi ohurumati lo Eeya lohihilao.

POHUMAYA 18:10

Eeya boito debo odelo monara u motoheto; odito mola taa juujulu monao̒ wau moo̒tapu tambati u aamani.

YESAYA 27:3

Wau̒, Eeya, tamodaha mao̒; timii̒du wakutu hebuhuta-U̒ mao̒, hui wau dulahu hedilaaha-U̒ mao̒, alihu diaaluo tamomuyu.

YESAYA 64:2

debo odelo tulu mopolei̒ita ayu wau mohutu taluhu lumolombula. Poi̒laaloolo mai kawasa lo Eeya to mumuu-suuwaalo Eeya, tilinggula babaa-ngusawalo humuhela totalu lo Eeya.

YEREMIA 14:21

Eelailo mai danti lo Eeya, diila mao̒ hinai lo Eeya amiaatia; daantia lo Eeya wolamiaatia diila mao̒ batalia lo Eeya. Yerusalemu tambati potihuloa̒ lo Eeya u molamahu, diila mao̒ hinai lo Eeya.

YEREMIA 14:7

Umati-U̒ helo ngiibodu, ‘Yaa Eeya, eleponu dusa lamiaatia mopotulude olamiaatia bo tuulungia mai amiaatia motuuu̒de wolo danti lo Eeya. Eeya mawuwuulia lololaa olamiaatia; otutu, amiaatia ilodusa to Eeya.

YEHESKIEL 20:22

Bo Wau̒ diila lopohutu mai alihu tanggulu-U̒ diila mao̒ hinaa lo babaa-ngusawalo tamoo̒onto ola-U̒ mopolualao̒ Isirai̒lu monto Masiri.

YEHESKIEL 20:44

Wonu bolo timongoli mapilohutu-U̒ mai odito domi ohulumati tanggulu-U̒, wau diila motuuu̒de wolo pii̒limu u mobulilo wau huhutuumu u moleeto, yi mao̒taawa mao̒ limongoli taulo Isirai̒lu deu̒ Wau̒ulo Eeya. Wau̒ Taa Laba-labaalo molanggato malo tahuda mai.”

YEHESKIEL 20:9

Bo Wau̒ diila lohutu mao̒, alihu tanggulu-U̒ diila mao̒ hinaa lo babaa-ngusawalo to tambati ilowoluwoa limongolio. Sababu totalu lo babaa-ngusawalo boito, Wau̒ malo pomalalumu deu̒ bangusa lo Isirai̒lu madeloo-U̒ lumuala lonto Masiri.

MATIUSI 10:16

“Poo̒tuoti mao̒ utie: Wau̒ molao olimongoli debo odelo himba udiila olootolo ode huungo saligala u mongantau. Timongoli musi mopoo̒daha mao̒ debo odelo tulidu wau tulusi lohilao debo odelo bulungi poombo.

MATIUSI 5:48

Allahu Taa̒ala limongoli tosologa momonu mai ngoa̒amila tau wolo wimu-wimumuto ngoa̒milalo. Timongoli olo musi odito.”

MATIUSI 6:9

Oditolio podua̒alo mola odie, ‘Allahu Taa̒ala lo mongowatotia to Sologa: Eeyaalo Allahu Taa̒ala tabo Tuwa-tuwaulo. Pohileaala dua̒ Eeya tuboolo wau hulumatiolo.

YAHYA 13:1

Ngohui tou̒ diipo Dulahu Buka Paska, otaawa li Isa deu̒ maa wakutuulio Tio mololaa mao̒ dunia botie wau muli mohulinga mola odeli Paapa-Lio. Tio momonu totau-tauwalo talowali milikii-Lio todunia, wau Tio debo momonu olimongolio tunggula pulitio.

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 16:28

Memangi asalii-U̒ lonto li Paapa-U̒, wau malei dungga mai ode delomo dunia. Bo botia Wau̒ mamololaa mao̒ dunia u mohualinga mola odeli Paapa-U̒.”

YAHYA 16:33

Ngoa̒amilalo botie polele-U̒ mai alihu timongoli moo̒toduo mai moa̒ahu sababu motituwau wola-U̒. To dunia timongoli mamodutolo. Bo poo̒toheeta mola hilaamu! Dunia maa ilolaahe-U̒!”

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:6

Watia malo poo̒taa li Paapa ode tau-tauwalo lonto dunia botie tamailudu mai li Paapa olaa-Tia. Timongolio yito miliki li Paapa, wau ti Paapa malohudu mai olimongolio ode Laatia. Timongolio malo dudua̒ tahuda li Paapa.

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

WUNGGULI LOMONGO RASULU 3:21

Tio musi motibiluloa̒ tosologa tunggula Allahu Taa̒ala mopowali mai ngoa̒amilalo bohu debo odelo upilo tahuda lo Allahu Taa̒ala lotimbulude tomongo nabi-Lio tou̒ muloololio mai.

ROMA 12:5

Odito olo wolanto. Eleponu ito ngoa̒amilalo dadaata, bo ito debo odelo batanga tuwau sababu ito tuwau woli Almasi. Wau ito ngota-ngota wuwuumbuta ngota-timongota odelo popoo-ngawaa̒alo monto batanga tuwau.

ROMA 9:17

Sababu todelomo Kitabi tulatulade, “Allahu Taa̒ala lotahuda odeli olongia lo Masiri, Wau̒ mopowali olemu olongia wolo makusudu bo tuwau botie wambao̒, deu̒ito-yito alihu wolemu, Wau̒ mopo bilohei okokawasa-U̒ wau mohutu tanggulu-U̒ masa-masahulu to ngoilanggubu dunia.”

1 KORINTUS 1:10

Mongo wutato! To tanggulo Eeyanto Isa Almasi, pohile lowatia alihu timongoli ngoa̒amilalo tuwau lohuhama; alihu diaaluo polo hulinggila towolota limongoli. Mamusi timongoli motituwau, ngohilao wau ngopikiilangi.

GALATIA 3:28

Todelomo sua̒li botie diilalo pilopo woluo polohiheede towolota taulo Yahudi wau taa diila Yahudi, towolota lowato wau taa lolopato, towolota talolai̒ wau taabua. Wutato ngoa̒amilalo tuwau sababu ti Isa Almasi.

EPESUS 4:4

Bo woluo batanga tuwau, wau Rohu tuwau. Odito olo timongoli tiliyango duo̒lo tuwau halapani u tutuuwauwa.

PILIPI 2:9

Sababu uitolo Allahu Taa̒ala lomudua̒ o-Lio lolai-laio̒olo mao̒, wau longohi o-Lio okokawasa ulebe udaa̒ mao̒ wolo ngoa̒amila okokawasa uwewo.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 9:24

Sababu ti Almasi diila tilumuwoto ode Huwali Leidaa̒ Mantali huhutu lomanusia, u bo mopo bayahei Mantali u otutuulio mao̒. Ti Almasi tilimuwota mola ode sologa tutuwau; mola teto Tio masaatia lotahudeo̒ ode Allahu Taa̒ala ode polohuna daa̒ olanto.

YAKOBUS 4:4

Timongoli yito taa u diila tatapu wau molotolo hilao! Wolo otaawa limongoli deu̒ wonu timongoli mowaita wolo dunia, yi timongoli mowali musu lo Allahu Taa̒ala? Oditolio titaalo tita motohilaa mowali sahabati lodunia botie, tio mowali musu lo Allahu Taa̒ala.

1 PETRUS 1:5

Ngoa̒amilalo boito yito ode limongoli sababu timongoli palacaya to Allahu Taa̒ala. Yi timongoli dilaha-Lio wolo kawasa lo Allahu Taa̒ala alihu timongoli mololimo oa̒ahu udapa-dapato poilaaloolo de topulito lojamani.

1 YAHYA 3:12

Diila mao̒ potihutu ito debo odelo tei Kain, tamalowali walao̒ Ibilisi wau lomate wutatio lohihilao yila-yilateelo mao̒. Wolo sababuulio tei Kain lomate wutatio yila-yilateelo mao̒? Sababu susuu-aliyaalo u pilohutulio yito tilala, bo susuu-aliyaalo u pilohutu lowutatio boito otutu.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.

YUDAS 1:1

Mongo wutato tamaa tiliango wau tapilonua daa̒ lo Allahu Taa̒ala ti Paapa, wau dilaaha duo̒li Isa Almasi. Odelo wato li Isa Almasi watia – Yudas – wutatee Yakobus,

YUDAS 1:24

Allahu Taa̒ala, tamambo modaha mai alihu timongoli diila modehu, wau tamambo modelo olimongoli ode talu-Lio u molamahu wolo weengahe wau lou̒ diila oa̒aibu.

WAHI 15:4

Tatoonu tadiila moohe to Eeya, yaa Eeya? Tatoonu tadiila mohuto mopo habari odudaa̒ Eeya? Eeyaalo wambai̒o tamantali. Totoonulalo bangusa mamonao̒ mai molubo Eeya, sababu totoonulalo huhutu lo Eeya u aadili maa i̒loontonga lotaa ngoa̒amila.”

WAHI 19:12

Mato-Lio debo odelo lei̒to tulu wau tolunggo-Ngio Tio pakepake makuta dadaata. To batanga-Lio tulatulade tanggulo tuwau; wau bo Tio lohihilao tamotota tanggulo boito.

WAHI 4:8

Opato mahaluku boito, tinggai opolipio̒ wolomo, wau topalitio wau to ambahu delomio polupolu wolo mato. Hui wau dulahu mamaaha-lukuwaalo boito diila mopo huhe-huheli hemo polahu mola, “Mantali, mantali, mantalilo Eeya, Allahu Taa̒ala Laba-labaalo kawasa; tawoluo, tamawoluo, wau tawoluo malolaalaaita.”