YAHYA 17:10 - KITABI HABARI MOPIOHE

¹⁰ Ngoa̒amila miliki lo Watia yito miliki li Paapa olo; wau ngoa̒amila miliki li Paapa yito miliki lo Watia olo. Watia pilopo udaa̒ towolota limongolio.

YAHYA 17:10 ပူးပေါင်းရင်းမြစ်များ

YAHYA 10:30

Wau̒ wau ti Paapa-U̒ yito tuwau.”

YAHYA 11:4

Tou̒ ti Isa lao̒dungohe habari boito, Tio lotahuda mao̒, “Ngongoto botie diila tamoo̒pate. Utie lotoduo mai alihu Allahu Taa̒ala pou̒daa̒alo, wau alihu woleeto olo Walao̒ Allahu Taa̒ala pou̒daa̒alo mola.”

YAHYA 12:23

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

WUNGGULI LOMONGO RASULU 19:17

Ngoa̒amila taulo Yahudi wau taa bangusa wewo tahi biluloa̒wa to Epesus loo̒dungohe ulotoduo boito, lapatao̒ timongolio mailoohe. Yi tangguli Isa Eeya malebe hepo pujiaalio.

GALATIA 1:24

Yi timongolio malomuji Allahu Taa̒ala sababu watia.

PILIPI 1:20

U tio̒otutua otohilaa wau halapuo lowatia yito alihu watia sama-samaata diila bolo dia ohuna todelomo tuugasi lowatia. Bolii̒o mao̒ watia hemo halapu timii̒du saaa̒ti, laba-labaalo mopiohe daa̒ masaatia, watia mowali opii̒li buheli tilinggula wolo jiwa wau batanga lealeaatulo mao̒ lowatia – mopio watia tumutumulo meaalo watia mate mao̒ – ti Almasi polaio̒lo.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

2 TESALONIKA 1:10

ngoa̒amilalo boito mamotoduo todulahe de Tio meidungga mai u pou̒daa̒alo lo umati-Lio wau u hulumatio lo ngoa̒amila taa palacaya. Boli timongoli olo maamaito towolota umati lo Allahu Taa̒ala boito, sababu timongoli malo malacaya tohabari upilopo tunggulai lamiaatia ode limongoli.

2 TESALONIKA 1:12

Lou̒ odito Eeyanto Isa pou̒daa mola limongoli, wau timongoli olo podaa̒ li Isa sababu opopiohe hilaa lo Allahu Taa̒alanto wau Eeya Isa Almasi.

1 PETRUS 2:9

Bo timongoli yito bangusa tatilulaoto, mongo iimamu tamomaya li olongia, bangusa tamantali, tolomodu duo̒lo Allahu Taa̒ala, umati lo Allahu Taa̒ala lohihilao. Allahu Taa̒ala lolulaota olimongoli wau lotianga olimongoli yilumuwalo lonto u modio̒lomo u tumuwoto ode delomo baa-Ngio ulaba-labaalo mobaango, wolo makusudu alihu timongoli mopololadu habari pasali lo totoonulalo huhutuu-Lio upolu-polutuo̒.