YAHYA 17:1 - KITABI HABARI MOPIOHE

¹ Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

YAHYA 17:1 ပူးပေါင်းရင်းမြစ်များ

JABURU 123:1

Lahu jiara. Watotia motitalu mola ode Eeya yaa Eeya tahemo malenta tosologa.

YESAYA 38:14

Sualaau̒ lebe hemooli wau diila boti odungohe, debo odelo bulungi poombo wau̒ mohiide napasi mopodulohu. Matou̒ moongolo sababu yilumanggela mola ode hulungo, yaa Eeya, lopatalo mai watotia monto usuusa botie.

MARKUSI 14:41

Tou̒ ti Isa luli lohualingai ode limongolio umaa otolulio, Tio lotahuda mao̒, “Debo donggo hituluhe wau hihuheelia timongoli? Malo tuuu̒de! Malei dungga wakutuulio Walao̒ Manusia mawuduolio ode uluu̒ lotau-tauwalo odusa.

LUKASI 18:13

Bo tamootagia beya boito tilimihula tou̒ molamingo wau tumbao̒ diila buheli lumanggela ode hulungo. Sambela hemoleaapu duhelio tio maloloi̒ya, ‘Oo Allahu Taa̒ala, ponua mai watotia, taa odusa botie!’ ”

LUKASI 22:53

Ngohui-ngohui Wau̒ wolimongoli to Bele lo Eeya, timongoli diila loheu̒pa ola-U̒. Bo uti-utieelo saaa̒tilio limongoli moponao̒ uito, saaa̒ti kawasa lou̒ modio̒lomo modihu poloitohu.”

YAHYA 11:4

Tou̒ ti Isa lao̒dungohe habari boito, Tio lotahuda mao̒, “Ngongoto botie diila tamoo̒pate. Utie lotoduo mai alihu Allahu Taa̒ala pou̒daa̒alo, wau alihu woleeto olo Walao̒ Allahu Taa̒ala pou̒daa̒alo mola.”

YAHYA 11:41

Yi timongolio malo pohinggi botu boito. Lapatao̒ ti Isa yilumanggela mola ode hulungo wau loloi̒ya, “Oduo̒lo, Paapa, sababu ti Paapa malo dungohei olaatia.

YAHYA 12:23

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.

YAHYA 13:1

Ngohui tou̒ diipo Dulahu Buka Paska, otaawa li Isa deu̒ maa wakutuulio Tio mololaa mao̒ dunia botie wau muli mohulinga mola odeli Paapa-Lio. Tio momonu totau-tauwalo talowali milikii-Lio todunia, wau Tio debo momonu olimongolio tunggula pulitio.

YAHYA 16:32

Eelai mao̒! Saaa̒tilio mamei dungga, tumbao̒ malei dungga mai, timongoli mapo bubuu-ayaalio. Ngota-ngota timongoli mamo hualinga ode bele lohihilao wau mololaa mao̒ ola-U̒ tutuuwau. Bo Wau̒ diila tutuuwau sababu ti Paapa-U̒ woluo pee̒-pee̒enta wola-U̒.

YAHYA 7:30

Tou̒ boito timongolio ohilaa moheu̒pa li Isa, bo diaaluo tabuheli modihu o-Lio, sababu diipo leidungga wakutuulio.

YAHYA 7:39

Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

YAHYA 8:20

Ngoa̒amilalo botie pilotahuda li Isa tou̒ Tio donggo hemo ngaajali to Bele lo Eeya totili bubuu-luwaalo lodoi podewo. Bo diaaluo penu boli ngotaa mao̒ talo heu̒pa o-Lio, sababu diipo leidungga wakutuulio.

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.