YAHYA 16:5 - KITABI HABARI MOPIOHE

⁵ Bo botia Wau̒ mamo hualinga mola ode o-Lio talolao mai ola-U̒; wau diaaluo penu boli ngotaa mao̒ monto olimongoli tamohintu mai ode utoonu ponao̒wa-U̒.

YAHYA 16:5 ပူးပေါင်းရင်းမြစ်များ

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 13:36

“Eeya, Eeya mamonao̒ ode utoonu?” yilintu mao̒ lei Simon Petrus odeli Isa. Ta̒metao̒ li Isa, “Ode utoonu ponao̒wa-U̒, yio̒ diila mowali modudua̒ ola-U̒ botia. Yio̒ mamodudua̒ ola-U̒ delapatio mao̒.”

YAHYA 14:28

Mai̒lo dungohe limongoli upilo tahuda-U̒ mai, ‘Wau̒ mamonao̒, bo Wau̒ mamuli mohualingai ode limongoli’ Wonu timongoli motolia̒nga ola-U̒ timongoli masanangi Wau̒ monao̒ mola odeli Paapa-U̒, sababu ti Paapa-U̒ lebe udaa̒ wola-U̒.

YAHYA 16:10

deu̒ Wau̒ otutu, sababu Wau̒ mohualinga mola odeli Paapa wau timongoli diilalo moo̒onto ola-U̒;

YAHYA 16:16

“Bolo ngopee̒ mola timongoli diilalo moo̒onto ola-U̒, wau olo bolo ngopee̒ mola poli timongoli mamoo̒onto ola-U̒.”

YAHYA 16:17

Dengolo lota tahidudua̒ li Isa mawiwiintua ngota timongota, “Wolo makusudu-Lio u Tio lotahuda olanto: ‘Bolo ngopee̒ mola timongoli diilalo moo̒onto ola-U̒, wau olo bolo ngopee̒ mola timongoli mamoo̒onto ola-U̒’? Wolo poli makusudu-Lio lou̒: ‘Wau̒ mohualinga mola odeli Paapa’?”

YAHYA 16:28

Memangi asalii-U̒ lonto li Paapa-U̒, wau malei dungga mai ode delomo dunia. Bo botia Wau̒ mamololaa mao̒ dunia u mohualinga mola odeli Paapa-U̒.”

YAHYA 17:13

Botia Watia monao̒ mai odeli Paapa. Ngoa̒amilalo botie tilahuda mao̒ lo Watia tou̒ donggo todunia; alihu timongolio wolo tio̒otutua moo̒laasa owengahu lo Watia.

YAHYA 17:4

Watia malo pou̒daa̒ mola li Paapa toitaato dunia botie wolo lopoo̒ lapato kalaja u pilopoa̒hu mai li Paapa olaa-Tia.

YAHYA 6:62

Woloolo mola waliilio dewonu timongoli moo̒onto Walao̒ Manusia muli mobotula mola ode tambati-Lio u bohulio?

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.