YAHYA 16:3 - KITABI HABARI MOPIOHE

³ Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 16:3 ပူးပေါင်းရင်းမြစ်များ

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 15:21

Ngoa̒amilalo boito mapohutuo limongolio ode limongoli, sababu timongoli muri-U̒, sababu timongolio diila moo̒onuhe o-Lio talolao mai ola-U̒.

YAHYA 15:23

Taa molonuu̒u-U̒, molonua̒ li Paapa-U̒.

YAHYA 17:25

Paapa taa̒adili! Dunia diila moo̒onuhe li Paapa; bo Watia moo̒onuhe li Paapa; wau tau-tauwala botie motota deu̒ ti Paapa talolao mai olaa-Tia.

YAHYA 17:3

Uti-utieelo tutumulo ututuulio tutu wau ohiheo-hiheolo mao̒; alihu tau motota li Paapa, tuwa-tuwaulo Allahu Taa̒ala tabanali, wau moo̒onuhe li Isa Almasi tailao mai li Paapa.

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

YAHYA 8:55

lebe-lebe pomao̒ timongoli diila moo̒onuhe o-Lio. Bo Wau̒ moo̒onuhe o-Lio. Humayaalio Wau̒ motahuda mai deu̒ Wau̒ diila moo̒onuhe o-Lio, yi Wau̒ ngotaalio lo tamoo-himbulowa, tutuuwauwa debo odelo timongoli. Wau̒ moo̒onuhe o-Lio wau modungohe tahudaa-Lio.

WUNGGULI LOMONGO RASULU 3:17

Mongo wutato! Botia mailotaawa lowatia deu̒ wolo u hepilohutu limongoli wau mongo tau̒wa limongoli odeli Isa, uito pilohutu limongoli sababu diila otaawa limongoli wolo udonggo hepohutuo limongoli.

1 KORINTUS 2:8

Diaaluo penu boli ngota mao̒ monto tahidihima kawasa tojamani botie tamotota pasali lotinepo boito. Sababu humayaalio, mai̒lotaawa limongolio, tantu timongolio diila tamopo salipu to Eeya talailao̒ boito.

2 TESALONIKA 1:8

wau wolo tulu ulei̒-lei̒ita. Tio motuhutai u mohukuumani tau-tauwalo tadiili hipo mandungia Allahu Taa̒ala wau tadiila motohilaa tumumulo motuuu̒de wolo Habari Mopiohe pasali li Isa Eeyanto.

1 TIMOTIUS 1:13

eleponu omoo̒omolu watia helo pitana wau longalinaya wau lohina o-Lio. Bo Allahu Taa̒ala lomonu mai olaatia, sababu tou̒ boito watia diipo palacaya, oditolio diila otaawa laatia wolo umusi pohutuo laatia.

1 YAHYA 2:23

Taa diila motolo akuo to Walao̒, boliilio mao̒ diila mololimo li Paapa olo. Wau taa motolo akuo to Walao̒ boliilio mao̒ mololimo li Paapa olo.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 4:8

Taa u diila motolia̒ngo, diila motota lo Allahu Taa̒ala; sababu Allahu Taa̒ala yito ponu.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.