YAHYA 16:23 - KITABI HABARI MOPIOHE

²³ Todulahu boito, timongoli diilalo mohintu wolo-wolo poli ola-U̒. Pomalacayalo: Penu boli wolo upohile mola limongoli toli Paapa-U̒ to tanggulu-U̒, uito mawohi mai li Paapa-U̒ olemu.

YAHYA 16:23 ပူးပေါင်းရင်းမြစ်များ

YESAYA 65:24

Tou̒ timongolio diipo momolohone Wau̒ molametai; tou̒ timongolio diipo lapato modua̒, Wau̒ malo dungohei dua̒ limongolio.

MATIUSI 21:22

Boli wolo u pohile limongoli todelomo dua̒mu, timongoli mamo lolimo mao̒, asali timongoli palacaya.”

MATIUSI 7:7

“Pohile, yi timongoli mamo olimo. Pololohu, yi timongoli mamoo̒tapu. Pongokoo̒, yi huhebu mahuo̒walio olemu.

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 14:22

Tei Yudas (diila tei Yudas Iskarioti) lohintu mao̒ li Isa, “Eeya, yilongola Eeya motohilaa mopoi̒laalo batanga lo Eeya to mongowatotia wau diila ode dunia?”

YAHYA 14:5

Lapatao̒ tei Tomas loloi̒ya mao̒ odeli Isa, “Eeya, diila otaawa lo mongowatotia ode utoonu ponao̒wa lo Eeya, woloolo mola otaawa lo mongowatotia dalalio?”

YAHYA 15:7

Wonu timongoli debo motituwau wola-U̒ wau pongaajali-U̒ debo todelomo hilaamu, pohileaalo odeli Paapa-U̒ boli wolo u otohilaa limongoli; hihiile limongoli boito mapoo̒ poluo-Lio mai.

YAHYA 16:19

Otaawa li Isa timongolio motohilaa mohintu o-Lio. Oditolio Tio lotahuda mao̒, “Engonti tilahuda-U̒ mai, ‘Bolo ngopee̒ mola, timongoli diilalo moo̒onto ola-U̒, wau olo bolo ngopee̒ mola timongoli mamoo̒onto ola-U̒’. Maa uito u heposua̒lia limongoli towolota limongoli?

YAHYA 16:26

Tou̒ boito timongoli mamohile li Paapa-U̒ to tanggulu-U̒; ototai mao̒, Wau̒ diila tamohile monto li Paapa-U̒ duo̒lo olimongoli,

YAHYA 16:30

wau otaawa lo mongowatotia deu̒ otaawa lo Eeya totoonulalo u hitua-tuawua. Diila palalu penu boli ngotaa mao̒ mohintu wolo-wolo ode Eeya. Sababu uito mongowatotia palacaya to Eeya dungga-dungga mai lonto Allahu Taa̒ala.”

EPESUS 2:18

Wolo lotimbulude li Almasi, ito ngoa̒amila – mopio taulo Yahudi meaalo tadiila Yahudi – wolo Rohullah u tuwau mowali modudulo odeli Paapa.

1 YAHYA 2:1

Mongo walau̒! Watia moluladei utie ode limongoli alihu timongoli diila mao̒ mohutu dusa. Bo wonu woluo tamohutu dusa, yi ito o ngotaalio tamo poduulua, deu̒ito-yito ti Isa Almasi taa̒adili boito; Tio mamo molohone mola olanto totalu lo Allahu Taa̒ala.