YAHYA 16:22 - KITABI HABARI MOPIOHE

²² Odito olo woli mongoli: Botia timongoli osuusawa lohilao, bo Wau̒ mamuli modunggaya woli mongoli, yi hilaamu mameengahu; wau diaaluo penu boli ngotaa mao̒ tamowali mohama owengahu boito monto hilaamu.

YAHYA 16:22 ပူးပေါင်းရင်းမြစ်များ

AYUBA 34:29

Wonu bolo Allahu Taa̒ala molantu mai u motipoo̒oyo wambao̒, diaaluo penu boli ngotaa mao̒ tabuheli motulete wolo tombipidu to Eeya. Wonu bolo Eeya moluuo̒ baya-Lio, diaaluo penu boli ngotaa mao̒ tamoo̒ dungga to Eeya.

JABURU 146:2

Watia ohilaa momuji mola Eeya ngotupa lo tutumulo watia wau mopolahu mola duo̒lo Allahu Taa̒alau̒ ngotilonggadu waatia woluo.

JABURU 33:21

Ito motiwengahu sababu Eeya wau yakini to tanggulo Eeya u mantali.

YESAYA 25:9

Tou̒ boito tau mamoloi̒ya, “Tutuulio tutu, Eeyaalo Allahu Taa̒alanto; Eeyaalo tahe yimaanto, alihu ito poa̒ahuwaalo. Otutu, utieelo Eeya; Eeyaalo tahe yimaanto. Botia ito motingalaa̒ meengahu, sababu Eeya malo poa̒ahu mai olanto.”

YEREMIA 31:12

Ode Huludu Sion timongolio mamonao̒ mai wolo baya u iyo-iyomo, sambela hemopolahu mola wolo wengahu sababu ngoa̒amila wowohi-U̒ ode limongolio, deu̒yito-yito pale, winulo, angguru, sapi wau himba. Timongolio madebo odelo ilengi u pilomuloa wolo bubuu-ngawaalo u motuuheta taluhio, wau diila okuulangia lolo-loolo.

MATIUSI 28:8

Mahi alihe mongobua boito lololaa mao̒ kuubulu boito. Lou̒ laasa duiduito uu̒ulambohe wolo wengahu, timongolio mahitetea̒ mola lopo habari umalo toduo boito to tahidudua̒ li Isa.

LUKASI 10:42

lebe-lebe pomao̒ u polohuna daa̒ bo tuwau. Wau ti Maria malo lulaoto u mopiohu, udiila mowali hamaalo monto olio.”

LUKASI 16:25

Bo tei Abraham lolameto, ‘Eelai mao̒ walau̒uu̒: ngotupa lo tutumulumu yio̒ maloo̒tapu ngoa̒amila u hipiiohe, hiambola tei Lajarus loo̒tapu u hileeleeta. Masaatia tio sanangi teea, wau yio̒ sikisa.

LUKASI 19:26

Olongia boito lolametao̒, ‘Eelai mao̒: tamaa ilowoluo, too̒lio mawohialio lebe dadaata mao̒. Bo taadiila ilowoluo hitua-tuawua, wolo u mailoluo too̒lio mamuli hamaalio monto olio.

LUKASI 24:41

Wau tou̒ timongolio debo donggo diipo palacaya, sababu malo odito wengahu wau linggolabu, ti Isa malohintu olimongolio, “Wolo timongoli o ua̒alo tewe?”

YAHYA 14:1

“Diila mao̒ pobalisa hilaamu,” tahuda li isa olimongolio. “Pomalacayalo to Allahu Taa̒ala, wau pomalacayalo ola-U̒ olo.

YAHYA 14:19

Bolo ngopee̒ mola dunia diilalo moo̒onto ola-U̒. Bo timongoli mamoo̒onto ola-U̒. Wau sababu Wau̒ tumutumulo, timongoli olo matumumulo.

YAHYA 14:27

Salaamati tolaa-U̒ mao̒ olimongoli. Salaamati-U̒ lohihilao uwohi-U̒ mai olemu. Uwohi-U̒ mai boito diila debo odelo uwohi lodunia olemu. Diila mao̒ pobalisa hilaamu, diila mao̒ oohe.

YAHYA 16:16

“Bolo ngopee̒ mola timongoli diilalo moo̒onto ola-U̒, wau olo bolo ngopee̒ mola poli timongoli mamoo̒onto ola-U̒.”

YAHYA 16:20

Pomalacayalo, timongoli mahumoyongo wau mohilimuta, bo dunia mameengahu. Timongoli maa osuusawa lohilao, bo osuusamu boito mamobolia̒ mowali owengahu.

YAHYA 16:6

Botia tumbao̒ hilaamu lowali siluukali, sababu Wau̒ lopoo̒taa mai sua̒li boito olemu.

YAHYA 21:7

Muri tapilonu li Isa loloi̒ya mao̒ odelei Petrus, “Uito Eeya!” Tou̒ tei Simon Petrus loo̒dungohe deu̒ uito Eeya, tio malo pomake mola boo̒lio (sababu tio diila boo̒boo̒) tulusi lotidehulo mola ode delomo taluhu.

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

WUNGGULI LOMONGO RASULU 13:52

Tahidudua̒ to Antiokhia leengahe daa̒ wau kiluwaasa mai lo Rohullah.

WUNGGULI LOMONGO RASULU 16:25

Tanu to tomutaa̒a lou̒ hui tei Paulus walei Silas helodua̒ wau lopolahu mola puji poloi̒laalo momuji ode Allahu Taa̒ala. Tahi tahangia wewolio olo helo dungohe olimongolio hipolahua mola.

WUNGGULI LOMONGO RASULU 2:46

Timii̒du dulahu timongolio tulusi hemo tia̒mbu to Bele lo Eeya; wau hemo lamelo pee̒-pee̒enta, wolo hiwengahe wau hidupapawa lohilao to bebee-leyaalo limongolio.

WUNGGULI LOMONGO RASULU 5:41

Mongo rasulu boito lololaa mao̒ Mahakama Agama wolo wengahu sababu Allahu Taa̒ala malo nganggapu olimongolio paatuti u moo̒tapu mao̒ hihiina sababu ti Isa.

2 KORINTUS 6:10

Eleponu hilaa lamiaatia pilopo suukalilio, bo amiaatia laito motiwengahu olo. Oontonga mao̒ amiaatia mosikini, bo amiaatia maloo̒ kaya totaa dadaata. Oontonga mao̒ amiaatia diila owolo-wolo, bo tutuulio tutu amiaatia motolo miliki totoonulalo u hitua-tuawua.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

IBRANI 10:34

wau timongoli lodudua̒ loo̒laasa osuukali hilao lotaa tilutupalio. Wau tou̒ ngoa̒amila u mililiki limongoli yilambatio, timongoli lololimo uito wolo hilaa sanangi sababu otaawa limongoli deu̒ donggo woluo hitua-tuawua ulebe mopiohe, umoo̒ tahangi ohiheo-hiheolo mao̒.

IBRANI 6:18

Dulo sua̒li boito diila mowali mobolio̒: Allahu Taa̒ala diila pongalo aakali mohimbulo tomimbihu danti wau tadia-Lio. Sababu uito, ito tamaa lotiduo̒la to Allahu Taa̒ala, yiluntula-Lio daa̒ u motidihu tio̒otutua to halapani ubua̒-bua̒adu to talunto.

1 PETRUS 1:8

Timongoli motolia̒nga o-Lio, eleponu muloololio mai timongoli diila loo̒onto o-Lio. Wau timongoli palacaya to o-Lio eleponu botia timongoli diila moo̒onto olio. Uito sababuulio timongoli motiwengahe, wau molaasa hilaa meengahe u udaa̒ wau diilalo mowali loi̒yaalo.