YAHYA 16:2 - KITABI HABARI MOPIOHE

² Timongoli malualolio monto bebee-leyaala potabiaalo. Wau mamei dungga wakutuulio deu̒ taa momate olimongoli mate-mateelo mao̒ mamo lantobu tio hemotiwato to Allahu Taa̒ala.

YAHYA 16:2 ပူးပေါင်းရင်းမြစ်များ

YESAYA 65:5

Timongolio moloi̒ya ‘Ponao̒lo molamingo, diila mao̒ podedeta olami sababu ami mantali wau leihalahu lonto olimongoli!’ Wau̒ diila loo̒taahangi loo̒onto pii̒li limongolio! Omulukaa-U̒ olimongolio debo odelo tulu udiila pee̒enta mao̒ mate.

YESAYA 66:5

Dungohilo wolo upilo tahuda mai lo Eeya, wuu timongoli tamoohe wau modungohe to Eeya, “Sababu timongoli tatapu wau molotolo hilao to Olau̒, woluo towolota lo bangusaamu tamolonua̒ olimongoli, wau diila mohuto moa̒awota woli mongoli. Timongolio mohanti-hantia̒a olimongoli wolo moloi̒ya, ‘Huliaalo mao̒ Eeya mopobolihei odua̒a-Lio, alihu ami moo̒onto owengahumu.’ Bo timongolio lohihilaolo tamoo̒tapu woolito.

DANIALI 11:33

Tau-tauwalo tahi tinepawa tamo titau̒wa to ulipu mamohutu mao̒ dadaata tau mongalati. Bo u dengolo wakutu mola hiheolio, dengolo lota towolota limongolio mao̒patea mate-mateelo mao̒ sababu popaatea meaala sababu tulu, wau dengolo lota poli malambatolio wau tawaloolo.

MATIUSI 10:28

Diila mao̒ oohe to limongolio tamomate batanga mate-mateelo mao̒, bo diila okawasa momate nyawa. Ooheelo Allahu Taa̒ala tao̒kawasa mopobinasa mai batanga wau nyawa todelomo nalaka.

MATIUSI 24:9

Lapatao̒ timongoli mawau̒polio wau wuduwolio u sikisaalo wau pateelio mate-mateelo mao̒. Ngoilanggubu dunia mamo lonui̒ mongoli sababu timongoli muri-U̒.

LUKASI 6:22

Potisangilo tutu timongoli wonu lonuo̒lio, potoulilio, hinaalio wau pitanaalio sababu Walao̒ Manusia!

YAHYA 12:42

Eleponu odito, dadaata tau, tumbao̒ towolota lo tahidihima kawasa lo Yahudi palacaya li Isa. Bo timongolio diila buheli motolongaku uito wolo juujulu, sababu timongolio moohe diila bolo taulo Parisi diila mongohi olimongolio tumuwoto ode bele potabiaalo.

YAHYA 16:25

“Ngoa̒amila botie polele-U̒ mai olemu wolo lumadu. Bo mamei dungga wakutuulio, Wau̒ diilalo momake lumadu, bo motahuda wolo juujulu pasali li Paapa-U̒.

YAHYA 16:32

Eelai mao̒! Saaa̒tilio mamei dungga, tumbao̒ malei dungga mai, timongoli mapo bubuu-ayaalio. Ngota-ngota timongoli mamo hualinga ode bele lohihilao wau mololaa mao̒ ola-U̒ tutuuwau. Bo Wau̒ diila tutuuwau sababu ti Paapa-U̒ woluo pee̒-pee̒enta wola-U̒.

YAHYA 4:21

“Pomalacayalo,” tahuda li Isa olio, “Tosaaa̒ti tuwau tau mamolubo Allahu Taa̒ala, diilalo tohuludu botie wau diila olo to Yerusalemu.

YAHYA 4:23

Bo wakutuulio mamei dungga, tumbao̒ malei dungga mai, deu̒ wolo kawasa lo Rohullah tau-tauwalo mamolubo li Paapa odelo Allahu Taa̒ala tabanali debo odelo u otohilaa li Paapa.

YAHYA 9:22

Mongo dulaa̒ lotau boito loloi̒ya mao̒ odito sababu timongolio moohe tomongo tau̒wa lo Yahudi; sababu timongolio boito malo heeluma, deu̒ tamo tolongaku mao̒ li Isa debo odelo Olongia Tamoo-poa̒ahua, diilalo mowali tumuwoto ode bele potabiaalo.

YAHYA 9:34

Tametao̒ limongolio, “Wolo? Yio̒ tapolu-polu lodusa anggadu pilotutulio mai, yio̒ mamo ngaajali olami?” Yi tumulalo mai tou̒ boito tio dilinilio tumuwoto ode bele potabiaalo.

WUNGGULI LOMONGO RASULU 5:33

Tou̒ popoo-ngawaa̒alo Mahakama Agama boito loo̒dungohe uito, timongolio loingo daa̒, wau timongolio malo tituwau u momate mongo rasulu boito mate-mateelo mao̒.

WUNGGULI LOMONGO RASULU 7:56

“Bilohi,” loi̒ya mao̒ lei Stepanus, “Watia loo̒onto mola sologa lohuo̒ wau Walao̒ Manusia tihutihula to ambahu olowala lo Allahu Taa̒ala!”

1 KORINTUS 4:13

wonu tau hemo poo̒leeta olamiaatia, amiaatia momalasi wolo tataa-heyaalo u molumboyoto. Amiaatia diila lebe lou̒ puputo lodunia botie; tunggula saaa̒ti botie amiaatia donggo he anggapuolio debo odelo bountu lohuta.

PILIPI 3:6

Watia tumbao̒ odito osumangati tilunggula watia helo ngalinaya jamaa̒. Wonu bilohela monto wimbihu Butoo̒ agama lo Yahudi, watia tamopiohe ngota tadiila oa̒aibu.

WAHI 6:9

Lapatao̒ uito Walao̒ Himba boito lomoo̒ seeheli u olimolio. Yi watia loo̒onto to walungo mesba woluo hihii-muu̒duwalo lotau-tauwalo tailate ilopatea yila-yilateelo mao̒, sababu timongolio helo poo̒toheeto tahuli lo Allahu Taa̒ala loli ososakusi limongolio.

MONGO HAKIMU 6:30

Lapatao̒ uali mongolio odelei Yoas, “Walau̒mu tamalo longgaala mesba Baal wau lopoloohubu wolihi polobayahu li Dewi Asyera u tongotuali lomesba boito. Sababu uito, delowalo walau̒mu boito lumuala odia mai. Tio musi mate!”