YAHYA 16:16 - KITABI HABARI MOPIOHE

¹⁶ “Bolo ngopee̒ mola timongoli diilalo moo̒onto ola-U̒, wau olo bolo ngopee̒ mola poli timongoli mamoo̒onto ola-U̒.”

YAHYA 16:16 ပူးပေါင်းရင်းမြစ်များ

MARKUSI 16:19

Lapatao̒ ti Isa Eeya helo bisala woli mongolio, Tio bilinta-I̒o, mola ode sologa. Mola teto Tio momalenta pee̒-pee̒enta wolo Allahu Taa̒ala.

YAHYA 12:35

Ti Isa lolametao̒, “Bo u ngopee̒ mola tilango boito woluo towolota limongoli. Oditolio pononao̒lo ngotilonggadu tilango boito donggo woluo, alihu timongoli diila mao̒ odungga lou̒ modio̒lomo. Taa monao̒ todelomo u modio̒lomo diila otaawalio ode utoonu nao̒olio.

YAHYA 13:3

Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 13:33

Mongo walaa-U̒, Wau̒ diilalo mohiheo motibiluloa̒ woli mongoli. Timongoli mamo lolohe ola-U̒, bo debo odelo umapilo tahuda-U̒ ode tahidihima kawasa lo Yahudi, odito olo potahuda-U̒ mai olimongoli; ode tambati u ponao̒wa-U̒, diila mowali onao̒wa limongoli.

YAHYA 16:10

deu̒ Wau̒ otutu, sababu Wau̒ mohualinga mola odeli Paapa wau timongoli diilalo moo̒onto ola-U̒;

YAHYA 16:22

Odito olo woli mongoli: Botia timongoli osuusawa lohilao, bo Wau̒ mamuli modunggaya woli mongoli, yi hilaamu mameengahu; wau diaaluo penu boli ngotaa mao̒ tamowali mohama owengahu boito monto hilaamu.

YAHYA 16:28

Memangi asalii-U̒ lonto li Paapa-U̒, wau malei dungga mai ode delomo dunia. Bo botia Wau̒ mamololaa mao̒ dunia u mohualinga mola odeli Paapa-U̒.”

YAHYA 16:5

Bo botia Wau̒ mamo hualinga mola ode o-Lio talolao mai ola-U̒; wau diaaluo penu boli ngotaa mao̒ monto olimongoli tamohintu mai ode utoonu ponao̒wa-U̒.

YAHYA 17:13

Botia Watia monao̒ mai odeli Paapa. Ngoa̒amilalo botie tilahuda mao̒ lo Watia tou̒ donggo todunia; alihu timongolio wolo tio̒otutua moo̒laasa owengahu lo Watia.

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

WUNGGULI LOMONGO RASULU 1:3

Lapatao̒ Tio yilate mao̒ ngotilonggadu wopato pulu hui mola laito Tio hemo pobilohe wolo dudelo u moi̒laalo daa̒ tomongo rasulu boito deu̒ Tio tutuulio tutu tumutumulo. Timongolio loo̒onto o-Lio, wau Tio helo bisala woli mongolio tomimbihu woloolo mola Allahu Taa̒ala momalenta odelo Olongia.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.