YAHYA 16:14 - KITABI HABARI MOPIOHE

¹⁴ Tio mamopo u̒daa̒ ola-U̒, sababu wolo u pilotunggu-Lio mai olemu, tilolimo-Lio lonto ola-U̒.

YAHYA 16:14 ပူးပေါင်းရင်းမြစ်များ

JAKARIA 12:10

Lapatao̒ wali mai lei Dauda boli ulipu lo Yerusalemu mahiya-U̒ hilao u motohilaa motolia̒ngo wau motohilaa modua̒. Timongolio mamoo̒onto olio tamaa ngilamo limongolio wau hiliyongolio debo odelo taa lohiliyongao̒ opopate lo walai̒o bo tuwa-tuwaulo. Timongolio mahumoyongo wolo mooloolo daa̒, debo odelo taa u mai̒loolia lowalao̒ tamohuhula daa̒.

YAHYA 14:21

Taa mololimo totoonulalo palentaa-U̒ wau pohutuolio, tio-tiolo tamo tolia̒ngu-U̒. Ti Paapa-U̒ mamomonu mai taa motolia̒ngo ola-U̒. Wau̒ olo mamo tolia̒ngo tau boito wau mopo bilohei batanga-U̒ olio.”

YAHYA 15:26

Wau̒ mamolao mai olemu Tamoo-tulungia u asaliilio mai monto li Paapa-U̒. Tiolo Rohu tamamo poi̒laalo mai obobanali pasali lo Allahu Taa̒ala. Wonu bolo Tio meidungga mai Tio mamongohi sakusi pasali ola-U̒.

YAHYA 7:39

Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

1 KORINTUS 12:3

Musi otaawa mao̒ limongoli deu̒ tatilau̒wa lo Rohullah diila mowali moloi̒ya, “Malaa̒-laa̒natilo ti Isa!” Odito olo penu boli ngotaa mao̒ diila mowali moloi̒ya, “Ti Isaalo Eeya!” wonu tau boito diila tilau̒wa lo Rohullah.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.

GALATIA 5:5

Bo olamiaatia, amiaatia motiwunela deu̒ wolo polo tulungi lo Rohullah wau patopatoa̒ topalacaya lamiaatia li Almasi, Allahu Taa̒ala lopoluasi mai olamiaatia lopiiohe wo-Lio.

1 PETRUS 2:7

Botu boito ohalaga daa̒ ode limongoli tapalacaya. Bo ode tau-tauwalo tadiila palacaya, pohu-pohutulo aa̒a-yatiyaalo Kitabi odie mola, “Botu udiila ilopomakea lo papaa-niyaalo hudungu boito malo ilaalo lowali botu u ulaba-labaalo mopiohu,”

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

1 YAHYA 5:6

Ti Isa Almasilo tamei dungga mai ode dunia wolo taluhu popolihu-Lio wau wolo duhu lo opopate-Lio. Tio meidungga mai diila bo wolo taluhu wambao̒, bo wolo taluhu wau duhu. Wau Rohullah lohihilao tamongohi sakusi deu̒ uito otutu, sababu Rohu diila pee̒enta mao̒ mohimbulo.

WAHI 19:10

Watia leidambao̒lo mola totalu lo malai̒kati boito wau ohilaa molubo olio, bo tio loloi̒ya mai olaatia, “Diila! Diila polubo olau̒, tubowalo Allahu Taa̒ala sababu wau̒ olo wato tutuuwauwa debo odelo yio̒ wau debo odelo ngoa̒amila wutatumu tadihu-dihu tio̒otutua to ososakusi li Isa!” Sababu ososakusi li Isa boitolo u loi̒lihami mai totau-tauwalo tahipo nubuwatia.