YAHYA 16:13 - KITABI HABARI MOPIOHE

¹³ Bo wonu Rohu boito meidungga mai, deu̒ito-yito Tio tamopo ilaalo mai obobanali pasali lo Allahu Taa̒ala, timongoli madeloo-Lio u moo̒onuheo̒ ngoa̒amilalo obobanali. Tio diila tamotahuda monto batanga-Lio lohihilao bo motahuda mai wolo u mai̒lo dungohe-Lio, wau Tio mamo poo̒taa mai olemu wolo u mamowali todulahu momooli.

YAHYA 16:13 ပူးပေါင်းရင်းမြစ်များ

YESAYA 11:2

Kawasa lo Eeya mamodelo olio, wau mopowali olio obudi wau molinepo, motoloo̒ mohama putuusani wau moponao̒ mao̒; motota kahandaki lo Allahu Taa̒ala wau saale to Eeya.

YOEL 2:28

“Lapatao̒ uito de ngoa̒amila tau mapoo̒ daata-U̒ daa̒ wolo rohu-U̒. Yi walau̒mu mongo lolai̒ wau mongobua mamopo tunggulao̒ totoonulalo tahuli-U̒; mongo panggola to wolotamu mamoo̒ toduo mai tohiilopo, bibilohe mawohi ode mongo bohulotau wau mongo dulahu.

YAHYA 12:49

Sababu Wau̒ diila lotahuda mai to hilaa-U̒ lohihilao; ti Paapa talolao mai ola-U̒, mati Paapalo boito talo malentai ola-U̒ wolo uwajibu potahuda-U̒ wau u potunggulo-U̒.

YAHYA 14:17

Tio boito Rohullah tamamo poi̒laalo mai obobanali pasali lo Allahu Taa̒ala. Dunia diila loo̒tolimo o-Lio, sababu diila loo̒onto meaalo loo̒onuhe o-Lio. Bo timongoli moo̒onuhe o-Lio, sababu Tio bilu-biluloa̒ pee̒-pee̒enta woli mongoli wau tuwau woli mongoli.

YAHYA 14:26

Bo Rohullah, Tamoo-tulungia tamaa laolo mai li Paapa-U̒ to tanggulu-U̒, Tiolo tamaa mongaajali olimongoli totoonulolalo mao̒ wau mamopoe̒ela olimongoli ngoa̒amila umaa piloo̒taa-U̒ olimongoli.

YAHYA 14:6

Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 15:26

Wau̒ mamolao mai olemu Tamoo-tulungia u asaliilio mai monto li Paapa-U̒. Tiolo Rohu tamamo poi̒laalo mai obobanali pasali lo Allahu Taa̒ala. Wonu bolo Tio meidungga mai Tio mamongohi sakusi pasali ola-U̒.

YAHYA 16:12

Donggo dadaata u ohilaa polele-U̒ mai olemu, bo masaatia botie timongoli diipo mambo mololimo mao̒.

YAHYA 3:32

Tio mobisala tomimbihu wolo umaa iloontonga wau ilodungohe-Lio, bo diaaluo penu boli ngotaa mao̒ tapalacaya tou̒ silakusia-Lio.

YAHYA 8:38

Wolo u iloontonga-U̒ toli Paapa-U̒, uitolo olo upilo tahuda-U̒ mai. Hiambola timongoli mohutu wolo u pilo ngaajali lipaapamu olemu.”

WUNGGULI LOMONGO RASULU 11:28

To wolotalio woluo ngotaalio tai̒lunte Agabus. Bolo yiluntula lo Rohullah tio malo nubuwati deu̒ to ngoilanggubu dunia mamei dungga mai polobiti daa̒. (Wau sua̒li boito memangi lotoduo olo tou̒ ti Kaisari Klaudius hemo malenta.)

WUNGGULI LOMONGO RASULU 20:23

Bo wambao̒ u otaawa lowatia deu̒ to timii̒du kota, Rohullah malo popintalo lopoo̒taa mai olaatia, deu̒ watia matumuwoto ode tutupa wau mamo dutolo.

WUNGGULI LOMONGO RASULU 27:24

Malai̒kati boito lotahuda, ‘Diila mao̒ oohe, Paulus! Sababu yio̒ mamotaalua woli Kaisari. Wau sababu opiohu hilaa lo Allahu Taa̒ala olemu, ngoa̒amila tahibitea wolemu mamoa̒ahu sababu yio̒.’

2 TESALONIKA 2:12

Akibatilio, ngoa̒amila tau u motohilaa lodusa wau diila palacaya tou̒ otutu boito, mahukuumanio-Lio.

2 TESALONIKA 2:3

Penu boli woloolo mola olo, diila mao̒ polulia tau mohimbulo olimongoli. Sababu tou̒ diipo meidungga mai Dulahe boito, mamusi motoduwopo mai sua̒li botie: Dadaata taa mamolapi iimanilio, momaahu li Almasi; wau Manusia Moleeto tamaa leimulo tilantu mai lo Eeya u tumuwoto ode nalaka, mamopo bilohei lobatanga.

IBRANI 1:1

Tojamani muloololio mai poo̒-poo̒daata Allahu Taa̒ala helo tahuda mai odeli nene mayanto lotimbulude tomongo nabi wolo lomake dudelo u hidala-dalaala.

1 YAHYA 2:20

Bo timongoli malo lolimo Rohullah u tiluwatai̒ dadaata daa̒ li Isa Almasi wau uito sababuulio timongoli ngoa̒amilalo motota lo pongaajali u otutu.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.

1 YAHYA 4:6

Bo ito yito mongo walao̒ Allahu Taa̒ala; wau taa u motota lo Allahu Taa̒ala, modungohe loi̒yanto. Taa u diila miliki lo Allahu Taa̒ala, diila modungohe loi̒yanto. Odieelo mola dudelolio ito motota mao̒ hiheedio towolota lo Rohu u mongohi pongaajali u otutu, wau rohu umopo lapalo.

1 YAHYA 5:6

Ti Isa Almasilo tamei dungga mai ode dunia wolo taluhu popolihu-Lio wau wolo duhu lo opopate-Lio. Tio meidungga mai diila bo wolo taluhu wambao̒, bo wolo taluhu wau duhu. Wau Rohullah lohihilao tamongohi sakusi deu̒ uito otutu, sababu Rohu diila pee̒enta mao̒ mohimbulo.

WAHI 1:1

Tuango buku botie tomimbihu wolo u piloi̒laalo li Isa Almasi pasali popoo-lou̒tiyalo u mamotoduo mai. Allahu Taa̒ala lopoo̒taa li Almasi alihu Tio mopo biloheo̒ tomongo wato lo Allahu Taa̒ala wolo umusi hua̒a motoduo mai. Ti Isa Almasi malolao malai̒kati-Lio odelei Yahya, wato-Lio mola lopoo̒taa popoo-lou̒tiyalo boito olio.

WAHI 1:19

Sababu uito, tulade mao̒ susuu-aliyaalo u iloontongamu, deu̒ito-yito susuu-aliyaalo uwoluo masaatia botie, wau susuu-aliyaalo u de mamotoduo mai.