YAHYA 16:11 - KITABI HABARI MOPIOHE

¹¹ wau deu̒ Allahu Taa̒ala malo lumula lohukuumani mai, sababu tahidihima kawasa lodunia botie mahilu-kuumani.

YAHYA 16:11 ပူးပေါင်းရင်းမြစ်များ

ILOOWALI 3:15

Yio̒ wau taabua boito mamo loloonua̒, waliilio mola wau waliimu mola mamo mumuusua laito. Waliilio mola mamopo toyopu lunggongumu, wau yio̒ mamo dengeta pai̒ limongolio.”

JABURU 68:18

Wolo pulua lolihu kaleta molotolo Allahu Taa̒ala lotibilohu towolota limongolio todelomo odudaa̒a-Lio.

MATIUSI 12:18

“Tabotieelo utoliya-U̒ Tatilulaotu-U̒, tapilonu-U̒ wau tamotuuu̒de tohilaa-U̒. Rohu-U̒ mawohi-U̒ mao̒ o-Lio, oa̒adili-U̒ mapo habario-Lio ode babaa-ngusawalo.

MATIUSI 12:36

Oditolio, poo̒toloma mao̒: to Dulahu Kiama, ngota-ngota musi momanta timii̒du uiloi̒yaalio udiila ohuna.

LUKASI 10:18

Ti Isa lolametao̒, “Wau̒ loo̒onto Ibilisi lodehu mai lonto hulungo odelo ilato.

YAHYA 12:31

Botia maa wakutuulio dunia butoo̒lo; botia takawa-kawasa todunia botie powulidulo.

YAHYA 14:30

Wau̒ diilalo mobisala mai lebe dadaata mao̒ toli mongoli, sababu mawakutuulio tahidihima kawasa lodunia botie mamonao̒ mai. Bo tio diila okawasa to batanga-U̒.

YAHYA 16:12

Donggo dadaata u ohilaa polele-U̒ mai olemu, bo masaatia botie timongoli diipo mambo mololimo mao̒.

WUNGGULI LOMONGO RASULU 10:42

Wau Tio lopoa̒hu olami mopohabari Habari Mopiohe boito ode tau-tauwalo wau mongohi sakusi deu̒ Tiolo tapiluduo̒ Allahu Taa̒ala lowali Butoo̒ totau-tauwalo tadonggo hitumula wau tau-tauwalo tamailate.

WUNGGULI LOMONGO RASULU 24:25

Bo tou̒ tei Paulus lopo tolonga mola lo bisalaalio pasali lou̒ juujulu wau mongotongo napusu wau pasali lo hukuumani to Dulahu Kiaama, tei Peliks mailoohe tulusi loloi̒ya mao̒, “Yio̒ mowali monao̒olo botia. Wau̒ mamuli motiangai olemu wonu ohiangio.”

WUNGGULI LOMONGO RASULU 26:18

u momuo̒ mato limongolio alihu timongolio lumualo monto u modio̒lomo wau tumuwoto ode u mobaango; alihu timongolio molopato monto aangio lo Ibilisi, lapatao̒ kiluwaasa lo Allahu Taa̒ala. Yi lou̒ momalacaya ola-U̒ duduu-sawaalo limongolio maa ambunguo-Lio wau timongolio mamowali pongawaa̒ umati lo Allahu Taa̒ala tai̒lo tulaota.’ ”

ROMA 16:20

Allahu Taa̒ala talongohi salaamati ode manusia, mahua̒a mopo tambati Ibilisi towalungo lo okokawasamu wau mopo aantulu mao̒. Pohileaala dua̒ Mongo wutato laito balakatia li Isa Almasi Eeyanto!

ROMA 2:16

Odieelo mola u de mamotoduo mai todulahee u matilantu boito. Todulahee boito – modudua̒ Habari Mopiohe upilo habari mai lowatia – Allahu Taa̒ala motimbulude li Isa Almasi, mamomutoo̒ ngoa̒amila u hitua-tuawua u sangaja hetutuo̒ lohilao wau pikiilangi lotaa ngoa̒amila.

1 KORINTUS 4:5

Sababu uito, sababu diipo wakutuulio, timongoli diila mao̒ polamemeto molantu deu̒ tahingota-ngotaawa yito ototala meaalo diila. Wimailo tunggula Eeya de meidungga mai. Eeyaalo tamamomuo̒ ngoa̒amila hitua-tuawua u malakusudu hetuuo̒lo u tuutuo̒ todelomo u modio̒lomo. Eeyaalo tamamo monggali ngoa̒amila niyati uleitahu todelomo hilaa lomanusia. Tou̒ boito timii̒du tau bolo mololimo monto Allahu Taa̒ala poloi̒laalo momuji upaatuti tolimoolio.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

EPESUS 2:2

Tou̒ boito timongoli lodudua̒ wuwuu-uduwaalo dunia botie; boliilio mao̒ timongoli lodungohe takawa-kawasa tobangio daa̒, deu̒ito-yito rohu u botia motolo kawasa hilaa lotau-tauwalo tadiila modungohe to Allahu Taa̒ala.

KOLOSE 2:15

Tosalipu boito ti Almasi helohutu ngoa̒amila roroo-huwaalo u hemomalenta wau okawasa lowali diilalo okawasa. Timongolio pilowali hepo bibiilohe lotaa dadaata tou̒ ti Almasi lodelo olimongolio debo odelo tawalo todelomo nonao̒ lo polemboa̒ tutuuyuta lo ohahama-Lio.

IBRANI 2:14

Masababu tau-tauwalo walaa̒ boito, deu̒ito-yito mahaluku lomanusia tamowali mate, yi ti Isa lohihilao lowali tutuuwauwa woli mongolio wau tumutumulo todelomo owowoluwoa lomanusia. Tio lohutu odito, alihu wolo opopate-Lio Tio mowali mopoa̒ntulu Ibilisi u motolo kawasa to opopate.

IBRANI 6:2

meaalo dasali lo pongaajali tomimbihu polihu meaalo mopodutu lo uluu̒ toitaato lotau, meaalo tomimbihu muli tumumulai tou̒ mailate mao̒ meaalo hukuumani u ohiheo-hiheolo mao̒.

IBRANI 9:27

Allahu Taa̒ala malo potatapu mai deu̒ manusia mate bo pee̒enta wambai̒o wau lapatao̒ uito aadilio lo Allahu Taa̒ala.

2 PETRUS 3:7

Bo hulungo wau dunia uwoluo masaatia botie, tilaala lo pilimani Allahu Taa̒ala boito olo u de mopobinasa wolo tulu. Botia hulungo wau dunia donggo taataalo dilumutu todulahe tau-tauwalo tahileeta hukuumanio wau pobinasaalo.

1 YAHYA 3:8

Bo taa u mohutu dusa mololaalaaita yito walao̒ Ibilisi, sababu Ibilisi odusa tumulalo mai bohulio. Masababu uitolo Walao̒ Allahu Taa̒ala meidungga, deu̒ito-yito mai mongantulu kalaja lo Ibilisi.

WAHI 1:7

Bilohi, Tio dunga-dungga mai yilanggube loheengo! Ngoa̒amila tau mamoo̒onto o-Lio, leituwoto olo timongolio tamalo mitua̒a o-Lio. Totoonulalo bangusa todunia mamo hilimuto sababu Tio. Yaa, tantu! Amin!