YAHYA 15:8 - KITABI HABARI MOPIOHE

⁸ Wonu timongoli momungo dadaata, ti Paapa-U̒ pou̒daa̒alo mola; wau lou̒ odito otu-otutuulo mao̒ timongoli mowali muri-U̒.

YAHYA 15:8 ပူးပေါင်းရင်းမြစ်များ

YESAYA 60:21

Ulipumu mamohutu lou̒ otutu, timongolio mamomiiliki lipu u ohiheo-hiheolo mao̒. Timongolio debo odelo tango u yilimbuta u pomulou̒ lohihilao, u mopoi̒laalo odudaa̒a-U̒.

YESAYA 61:3

u mopowengahu wau moposanangi totaa u siluukali lohilao wau limilimi; mai molomela osuukali lohilao limongolio mowali lahu poloi̒laalo momuji. Timongolio madebo odelo bungo lo ayu u pilomulo lo Eeya lohihilao. Timongolio mamohutu u mopiohu wau otutu, tilinggula Eeya pou̒daa̒alo.

HAGAI 1:8

Botia, potao̒dulo mola ode huhuu-luduwaalo u mohama mai ayu, lapatao̒ bongulaalo Belee-U̒; yi Wau̒ mamolaasa sanangi wau Wau̒ mamuli tuboolio wolo dudelo u patutilio. Ntali, poo̒tuotilo mao̒ owowoluwoamu!

MATIUSI 5:16

Odito olo baangumu wajibu tinetinela totalu lotau, alihu timongolio moo̒onto totoonulalo huhutuumu u mopiohe, tulusi mamomuji mola Allahu Taa̒ala limongoli tosologa.”

MATIUSI 5:44

Bo botia potahuda-U̒ mai olimongoli: tolia̒nga mao̒ mongo satulumu, wau dua̒i mola tau-tauwalo tahipo ngalinayawa olimongoli,

MATIUSI 9:8

Tou̒ tau-tauwalo loo̒onto mao̒ ulotoduo boito, timongolio mailoohe wau helomuji Allahu Taa̒ala, sababu Allahu Taa̒ala malongohi mai kawasa u odito udaa̒lio ode manusia.

LUKASI 6:35

Musiilio diila odito! Timongoli bolii̒o mao̒ musi motolia̒ngo musuumu wau mohutu u mopiohu toli mongolio. Timongoli musi mopobulotao̒, wau diila mao̒ pohalapu muli powalingolio mai. Wonu odito, wuupamu mau̒daa̒ wau timongoli mamowali mongo walao̒ Allahu Taa̒ala Taa Laba-labaalo molanggato. Sababu Allahu Taa̒ala mopiohe hilaa ode taa diila motota mongohi sukuru, wau ode taa moleeto olo.

YAHYA 13:35

Wonu timongoli mototoo-lia̒nga, ngoa̒amila tau mamotota deu̒ timongoli muri-U̒.”

YAHYA 15:5

Wau̒lo bungo lo angguru, wau timongoli tataa-ngolio. Taa u debo motituwau wola-U̒ wau Wau̒ wolio, mamomungo dadaata; sababu wonu diila wola-U̒, timongoli diila mowali mohutu wolo-wolo.

YAHYA 8:31

Lapatao̒ ti Isa lotahuda totau-tauwalo Yahudi tamaa pilalacaya o-Lio, “Wonu timongoli tumumulo modudua̒ pongaajali-U̒ otu-otutuulio mao̒ muri-U̒,

1 KORINTUS 10:31

Penu boli wolo upohutuo lo Wutato – Wutato molamela meaalo mongilu – pohutua mao̒ ngoa̒amilalo boito u mopolaio̒ Allahu Taa̒ala.

1 KORINTUS 6:20

Allahu Taa̒ala malotali olimongoli wau malo wimumuto bilayali. Sababu uito, pomakea mao̒ batangamu odito lakulio tilinggula Allahu Taa̒ala polaio̒olo.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

TITUSI 2:10

meaalo motao̒. Mamusi timongolio mopo biloheo̒ deu̒ timongolio laito opii̒li mopiohe wau tatapu molotolo hilao; alihu wolo pii̒li limongolio boito tau momuji pongajali pasali lo Allahu Taa̒ala, Tamoo-poa̒ahua olanto.

TITUSI 2:5

mowali molinepo, tumutumulo mantali mowali tiilo to dileya umopiohu wau taa̒luku todilelio. Lou̒ odito diaaluo taa mowali mohentea̒ habari monto Allahu Taa̒ala.

1 PETRUS 2:12

Pii̒li limongoli towolota lotaa udiila motota lo Allahu Taa̒ala mamusi mopiohe daa̒, tilinggula wonubolo timongolio mopitana olimongoli odelo taa moleeto, timongolio debo musi motolo akuwo huhutumu u mopiohe, tilinggula timongolio mamomuji Allahu Taa̒ala todulahe podungga-Lio mai.

1 PETRUS 4:11

Taa umopo tunggulo habari, mamusi mopo tunggulao̒ habari monto Allahu Taa̒ala; taa umomaya taa wewo, mamusi momaya wolo olootolo u monto Allahu Taa̒ala, alihu todelomo totoonulalo sua̒li, Allahu Taa̒ala mowali pou̒daa̒alo motimbulude li Isa Almasi. Tiolo tao̒kawasa wau paatuti pou̒daa̒alo u ohiheo-hiheolo mao̒. Amin.