YAHYA 15:7 - KITABI HABARI MOPIOHE

⁷ Wonu timongoli debo motituwau wola-U̒ wau pongaajali-U̒ debo todelomo hilaamu, pohileaalo odeli Paapa-U̒ boli wolo u otohilaa limongoli; hihiile limongoli boito mapoo̒ poluo-Lio mai.

YAHYA 15:7 ပူးပေါင်းရင်းမြစ်များ

BOHULO MONGO OLONGIA 3:5

Tou̒ hui boito Eeya lopo bilohei batanga olio todelomo tohiilopo wau lotahuda, “Salomo, pohileaalo wolo u otohilaamu, uito mawohi-U̒ mai olemu!”

AYUBA 22:26

Yi yio̒ mowali yakini to Allahu Taa̒ala laito, wau motota mao̒ deu̒ Eeya bungo lo osanangimu tutu.

AYUBA 23:12

Totoonulalo palenta lo Allahu Taa̒ala laito hedungoheu̒, kahandaki lo Eeya hedudua̒au̒, wau diila lodudua̒ hilaau̒ lohihilao.

JABURU 119:11

Pongaajali lo Eeya tilahu lowatia todelomo hilaa lowatia, alihu watia diila odusa to Eeya.

JABURU 37:4

Lolohelo osanangimu tutu to Eeya, Eeya mamopowali molaasa sanangi ilohilaa lohilaamu.

POHUMAYA 10:24

Taa otutu wau belesi hilao moo̒tapu wolo u otohilaalio; taa moleeto moo̒tapu wolo ulaba-labaalo oheelio.

POHUMAYA 4:4

wau̒ ilaajali liyamau̒. Tio loloi̒ya, “Eelailo nanaa-seehatiu̒, diila mao̒ lipata sama-samaata. Ponao̒waalo popoo-tunuuu̒, alihu tutumulumu sanangi tutu.

YESAYA 58:8

Yi baango mamo tinelai de olemu debo odelo mato lodulahu mamobutu mai, wau ngoa̒amila palimu mahua̒a moluli. Wau̒ mapee̒-pee̒enta wolemu u mopoa̒ahu olimongoli. Owoluwo-U̒ mamoduo̒la olimongoli monto totoonulalo tutulio.

YEREMIA 15:16

Eeya lotahuda mai odelaatia, wau watia lodungoheo̒ timii̒du tahuda lo Eeya. Watia miliki lo Eeya, yaa Eeya Taa Laba-labaalo kawasa, sababu uito ngoa̒amila tahuda lo Eeya loe̒engahu wau loposanangi tutu olaatia.

MATIUSI 7:7

“Pohile, yi timongoli mamo olimo. Pololohu, yi timongoli mamoo̒tapu. Pongokoo̒, yi huhebu mahuo̒walio olemu.

YAHYA 14:13

Wau penu boli wolo upohile limongoli to tanggulu-U̒, uito mapo hutuwo-U̒ mai olimongoli, alihu ti Paapa-U̒ pou̒daa̒alo moli Walao̒.

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 16:23

Todulahu boito, timongoli diilalo mohintu wolo-wolo poli ola-U̒. Pomalacayalo: Penu boli wolo upohile mola limongoli toli Paapa-U̒ to tanggulu-U̒, uito mawohi mai li Paapa-U̒ olemu.

YAHYA 8:31

Lapatao̒ ti Isa lotahuda totau-tauwalo Yahudi tamaa pilalacaya o-Lio, “Wonu timongoli tumumulo modudua̒ pongaajali-U̒ otu-otutuulio mao̒ muri-U̒,

YAHYA 8:37

Memangi otaawa-U̒ timongoli botie wali mai lei Abraham. Bo timongoli motohilaa momate ola-U̒ mate-mateelo mao̒, sababu timongoli diila mohuto mololimo pongaajali-U̒.

GALATIA 5:16

Makusudu lowatia odie: Huliilo mao̒ Rohu modelo olimongoli wau diila mao̒ potitumulo modudua̒ u otohilaa pii̒li lomanusia.

TINGULI 6:6

Sama-samaata diila mao̒ lipata papaa-lentawalo uwohi mai lowatia ode limongoli todulahee botie.

KOLOSE 3:16

Mamusi totoonulalo pongaajali li Almasi u polupolu lobalakati meitahu ode delomo hilaa limongoli. Mamusi timongoli moa̒aa̒jalia wau tinggai mongohi nasehati wolo molinepo daa̒. Popolahua mola Jaburu wau puji poloi̒laalo momuji wau lalaahuwala lorohu; Popolahua mola ode Allahu Taa̒ala wolo pongo laasa sukuru to delomo hilaa limongoli.

1 YAHYA 2:14

Watia loluladei olimongoli Mongo walao̒, sababu timongoli motota lo Allahu Taa̒ala ti Paapa. Watia loluladei olimongoli, Mongo dulaa̒, sababu timongoli motota lo Tahuda umawoluo tumulalo mai bohulio daa̒. Watia loluladei olimongoli, taa himuudawa, sababu timongoli molotolo. Tahuda lo Allahu Taa̒ala woluo todelomo hilaa limongoli, wau maa ilolaaheo̒ limongoli Taa Moleeto.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.

1 YAHYA 3:22

Wau wolo u pohilento monto o-Lio, mamo tapunto, sababu ito modungohe papaa-lentaa-Lio wau mohutu wolo umoo̒ sanangi hilaa-Lio.

1 YAHYA 5:14

Wau ito buheli motaalua wolo Allahu Taa̒ala sababu ito yakini Tio modungohe dua̒anto, wonu ito mohile penu boli wolo u motuuu̒de wolo kahandaki-Lio.