YAHYA 15:5 - KITABI HABARI MOPIOHE

⁵ Wau̒lo bungo lo angguru, wau timongoli tataa-ngolio. Taa u debo motituwau wola-U̒ wau Wau̒ wolio, mamomungo dadaata; sababu wonu diila wola-U̒, timongoli diila mowali mohutu wolo-wolo.

YAHYA 15:5 ပူးပေါင်းရင်းမြစ်များ

POHUMAYA 11:30

Taa u saale matantu-tantu tutumulio; taa u molinepo oduhenga mola tamodudua̒ olio.

HOSEA 4:8

Timongoli lowali kaya sababu dusa lo umati-U̒, sababu uito timongoli ohilaa alihu timongolio odusa tulusi.

MATIUSI 13:21

Bo habari boito diila longuwaa̒to todelomo hilaa limongolio. Odito timongolio ilodungga lou̒ suusa meaanto ilalinayalio sababu habari boito, yi timongolio hua̒a lomaahe iimanilio.

YAHYA 12:24

Otutu banali tahuda-U̒ botie; Wonu pale ngobotu diila pomulolo ode delomo huta wau mate, pale boito madebo ngobotu wambao̒. Bo wonu bili lopale boito mate, bolo bili boito mamongohi mai tilapulo dadaata pale.

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 5:19

Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.

YAHYA 9:33

Wonu tau boito diila monto Allahu Taa̒ala, tio diila mowali mohutu wolo-wolo.”

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

ROMA 12:5

Odito olo wolanto. Eleponu ito ngoa̒amilalo dadaata, bo ito debo odelo batanga tuwau sababu ito tuwau woli Almasi. Wau ito ngota-ngota wuwuumbuta ngota-timongota odelo popoo-ngawaa̒alo monto batanga tuwau.

ROMA 6:22

Bo botia timongoli mailopa-Tio lonto dusa, wau lowali wato lo Allahu Taa̒ala. Opae̒eda yito deu̒ Wutato tumutumulo tolomodu duo̒lo Allahu Taa̒ala wau sua̒li boito moo̒toduo mai tutumulo tutu wau ohiheo-hiheolo mao̒.

ROMA 7:4

Odito olo sua̒liilio woli mongoli, Mongo wutatuu̒. Duo̒lo butoo̒ agama lo Yahudi timongoli mailate, sababu timongoli mapilopo tuwau wolo batanga li Almasi wau lowali miliki-Lio tamaa luli pilopo tumulai lonto opopate. Tio luli pilopo tumulai lonto opopate alihu todelomo tutumulonto ito mowali ohuna duo̒lo Allahu Taa̒ala.

1 KORINTUS 10:16

Tou̒ ito mongilu angguru lou̒ molapali mola sukuru ode Allahu Taa̒ala, wolo uito diila mopotuhata mai deu̒ ito motituwau woli Almasi to opopate-Lio? Wau tou̒ ito molaya-layade roti u tamelola pee̒-pee̒enta, wolo uito diila mopotuhata mai deu̒ ito motituwau todelomo batanga li Almasi?

1 KORINTUS 12:12

Ti Almasi yito debo odelo batanga lomanusia; batanga boito tuwau, bo tilitangoa lou̒ pongawaa̒ dadaata. Ngoa̒amila pongawaa̒ boito, penu boli dadaata, bo ngobatanga wambai̒o.

1 KORINTUS 12:27

Wutato ngoa̒amilalo pee̒-pee̒enta yito batanga li Almasi wau timongoli olo ngota-ngota yito pongawaa̒ monto batanga boito.

2 KORINTUS 13:8

Sababu amiaatia diila mowali mohutu penu boli wolo u bubuu-lemenga lou̒ otutu; amiaatia musi modudua̒ u otutu.

2 KORINTUS 9:10

Allahu Taa̒ala tamopo dapato bili ode tamoo-mua̒yadea wau ua̒alo olanto. Tio olo mamopo dapato wau mopoo̒ daata wolo u hua̒yadu limongoli, alihu tilapulo lou̒ omuura hilaa limongoli oduhenga mola olo.

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

EPESUS 5:9

Sababu monto mobaango boitolo mobutu mai totoonulalo huhutu umopiohe hidala-dalaala, aadili wau tuulusi to bibilohu Allahu Taa̒ala.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

PILIPI 4:13

Wolo kawasa uilohi mai li Almasi odelaatia, watia loo̒toduo mai lotolo u lotaalua wolo totoonulalo owowoluwoa u hidala-dalaala.

PILIPI 4:17

Uito diila oboliilio deu̒ watia bo wambao̒ ohilaa mololimo wowohi. U otohilaa lowatia yito alihu watia mowali moo̒onto titii-lapuwaalo u moduhengo pae̒eda olimongoli.

KOLOSE 1:10

Lou̒ odito timongoli mowali tumumulo modudua̒ otohilaa lo Allahu Taa̒ala, wau laito moposanangi hilaa-Lio, tilinggula todelomo totoonulalo u hitua-tuawua timongoli moo̒wohi tilapulo to susuu-aliyaalo u mopiohe. Wau pongotota limongoli pasali lo Allahu Taa̒ala olo maa oduhenga mola olo.

KOLOSE 1:6

Habari lonto Allahu Taa̒ala lololadulo mola ode ngoilanggubu dunia, wau tutumulo tau tulusi bilalakatia lohabari boito, tutuuwauwa debo odelo tutumuli mongoli bala-balakati tumulalo mai tosaaa̒ti timongoli loo̒dungohe pasali odehu hilaa lo Allahu Taa̒ala wau tio̒otutua lo toloe̒elao̒.

YAKOBUS 1:17

Timii̒du wowohi u mopiohe wau wuupa u wimu-wimumuto tutu dudunggalio mai monto sologa, tiluhutai lo Allahu Taa̒ala, Talopowali totoonulalo u mobaango tohulungo. Tiolo Allahu Taa̒ala tadiila mobolio̒, wau diila olo moo̒sababu penu boli odio̒lomo wolo.

1 PETRUS 2:4

Sababu uito, ponao̒olo mai ode Eeya. Tio debo odelo botu utumu-tumulo, botu utilapi lomanusia sababu he anggapuwolo diila ohuna; bo tumbao̒ tilulaoto Allahu Taa̒ala odelo botu u ohalaga.

2 PETRUS 3:18

Mamusi timongoli helebe moo̒laasa ponu li Isa Almasi, Eeya wau Olongia Tamoo-poa̒ahua olanto, wau mamusi timongoli olo helebe motota o-Lio. Ilopujiaalo mola Tio, botia wau dilumutu ohiheo-hiheolo mao̒! Amin. Hulumati lamiaatia, Petrus 9