YAHYA 15:4 - KITABI HABARI MOPIOHE

⁴ Debo potituwaulo wola-U̒ wau Wau̒ olo madebo motituwau woli mongoli. Tango wambao̒ diila mowali momungo mai, ngopohia wonu tango boito debo to bungolio. Odito olo timongoli bo mowali momungo, wonu debo motituwau wola-U̒.

YAHYA 15:4 ပူးပေါင်းရင်းမြစ်များ

LAHU MOLAMAHU 8:5

Tatoonu uito talei dungga mai lonto huta datahu wau luasi udelita, wune-wunela to tilantahio? Bilonguu̒ yio̒ to walungo bungo lo apeli, tambati yio̒ bilanta wau pilotutu mai.

HOSEA 14:8

Timongolio maa muli mohualingai ode Olau̒ wau motibiluloa̒ todelomo wunelu-U̒. Wolo ngoi̒nta mola daa̒ timongolio maa oduheenga mao̒ maa̒amulu, debo odelo pale lobutu mola to halabolu u molomiodu wau debo odelo ileengi lo angguru. Debo odelo taluhu angguru lo Libanon tangguli mongolio masa-masaahuru.

MATIUSI 12:33

“U moo̒tapu mao̒ hungo u mopiohu, bungolio musi molomiodu. Wonu bungolio diila molomiodu hungolio olo diila mopiohu. Molomiodu meaalo diila bungo lo ayu ngobungo mao̒taawa monto hungolio.

LUKASI 8:15

Bili u lobiihuto tohuta u molomiodu debo odelo taa u modungohe habari boito, lapatao̒ tilahulio todelomo hilao u mopiohu wau motulidu. Timongolio moo̒ tahangi tunggula mongohi hungo.”

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 17:23

Watia woli mongolio, wau ti Paapa wolaa-Tia; alihu timongolio otu-otutuulo mao̒ tuwau. Yi dunia mamotota mao̒ deu̒ ti Paapaalo talolao mai olaa-Tia, wau deu̒ ti Paapa momonu olimongolio debo odelo ti Paapa lomonu olaa-Tia.

YAHYA 6:56

Taa u molamelo tapu-U̒ wau mongilu duhu-U̒, debo motituwau wola-U̒, wau Wau̒ wolio.

YAHYA 8:31

Lapatao̒ ti Isa lotahuda totau-tauwalo Yahudi tamaa pilalacaya o-Lio, “Wonu timongoli tumumulo modudua̒ pongaajali-U̒ otu-otutuulio mao̒ muri-U̒,

WUNGGULI LOMONGO RASULU 11:23

Wau tou̒ tei Barnabas leidungga mola odito, wau loo̒onto woloolo mola Allahu Taa̒ala lobalakati tau-tauwala boito, tio leengahe daa̒. Lapatao̒ pilohilelio alihu timongolio tio̒otutua tatapu wau molotolo hilao modungohe to Eeya wolo lealeaatu lohilaa limongolio.

WUNGGULI LOMONGO RASULU 14:22

To kokoo-tawaalo boito timongolio helo poo̒lotolo hilaa lo tahidudua̒ li Isa wau helo nasehati to tahidudua̒ boito alihu debo palacaya li Isa. “Ito wajibu meimulopo modutolo dadaata deu̒yito ito mamoo̒ toduo mai usanangi tutu to Dunia Bohu lo Allahu Taa̒ala,” odieelo mola mongo rasulu boito helo ngaajali to tahidudua̒ li Isa to kokoo-tawaalo boito.

2 KORINTUS 13:5

Nte, tesia mao̒ limongoli batanga limongoli lohihilao wonu timongoli tio̒otutua tumutumulo patopatoa̒ to palacaya li Almasi! Tantu timongoli mongalati deu̒ ti Isa Almasi woluo todelomo mongoli! – wewo sua̒liilio wonu memangi timongoli diila tio̒otutua palacaya.

GALATIA 2:20

Botia diilalo watia tatumu-tumulo, boti Almasi tatumu-tumulo todelomo batanga lowatia lohihilao. Tutumulo botie u tomimbihu tutumulo laatia botia yito tutumula lo iimani ode Walao̒ Allahu Taa̒ala talomonu mai olaatia wau tamalo pobake batanga-Lio ode laatia.

EPESUS 3:17

Pohileaalo dua̒ sababu timongoli palacaya li Almasi, ti Almasi motibiluloa̒ todelomo hilaa limongoli, wau tutumuli mongoli pilopo daasali wau kiluwasa lo tolia̒ngo.

PILIPI 1:11

Tutumuli mongoli mamolepata wolo huhutu u otu-otutuulo mao̒ mopiohe u bo mowali pohutuo mao̒ otilapulo li Isa Almasi lohihilao; yi Allahu Taa̒ala mapolaio̒lo wau piluji boli puji.

KOLOSE 1:23

Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

KOLOSE 1:27

To umati-Lio boito Allahu Taa̒ala ohilaa mopoi̒laalo donggo boli piohio wau udaa̒alio hitua-tuawua u milakusudu tiluu-I̒o boito ode ngoa̒amila umati lomanusia. Hitua-tuawua u milakusudu tiluuo̒ boito yito: ti Almasi woluo todelomo batanga limongoli, ubolilio mao̒ timongoli mamodudua̒ moo̒laasa odudaa̒ lo Allahu Taa̒ala.

KOLOSE 2:6

Mongo wutato malo lolimo li Isa Almasi odelo Eeya. Sababu uito mamusi timongoli tumumulo motituwau wo-Lio,

1 TESALONIKA 3:5

Uitolo sababuulio watia molao mai olei Timotius, sababu watia ohilaa daa̒ motota woloolo mola ololaii̒ mongoli todelomo sua̒li palacaya li Almasi. Watia molawalo bolo Ibilisi moo̒ heinga olimongoli tilinggula ngoa̒amila tolopani tioopate daa̒ lamiaatia mowali dia ohuna.

IBRANI 10:39

Ito botie diila umati tatoutouli wau yilapalo. Bolii̒o mao̒, ito yito umati tapalacaya to Allahu Taa̒ala wau tapilo aahu.

1 YAHYA 2:6

Titaalo tita moloi̒ya deu̒ tio tumutumulo motituwau wolo Allahu Taa̒ala, tio musi tumumulo modudua̒ liyodu li Almasi.

2 YAHYA 1:9

Taa u diila motidihu to pongaajali li Almasi, bo tumbao̒ molambanga tou̒ wolo u pilo ngaajali li Almasi, tau boito diila o Allahu Taa̒ala. Taa u debo todelomo pongaajali li Almasi, bolilio mao̒ motolo miliki mopio Allahu Taa̒ala ti Paapa bolito Walao̒.