YAHYA 15:20 - KITABI HABARI MOPIOHE

²⁰ Eelei mao̒ wolo umapilo tahuda-U̒ mai olimongoli, ‘Wato diila lebe udaa̒ woli tuanilio.’ Wonu timongolio malo ngalinaya ola-U̒, timongolio olo mamo ngalinaya olimongoli. Wonu timongolio moduduo̒ pongaajali-U̒, timongolio olo mamoduduo̒ pongaajalimu.

YAHYA 15:20 ပူးပေါင်းရင်းမြစ်များ

YEHESKIEL 3:7

Bo bangusa lo Isirai̒lu diila mohuto modungohe olemu, tumbao̒ Wau̒ olo diila pandungio limongolio. Timongolio ngoa̒amila baaa̒ngiolo wau motohilaa moluwali.

MATIUSI 10:24

Muri diila lebe udaa̒ wolo gurulio, wau wato diila lebe udaa̒ woli tuanilio.

MARKUSI 10:39

“Mambo,” tametao̒ limongolio: yi ti Isa luli lotahuda olimongolio: “Memangi, timongoli mamongilu monto hakati polodutolo u mailumo-U̒ wau matumuwoto ode delomo polodutolo umaa tuwoto-U̒.

LUKASI 2:34

Tei Simeon lobalakati olimongolio wau loloi̒ya mao̒ odeli Maria, tiilo lo Walao̒ boito, “Walao̒ botie maa tilulaotai lo Allahu Taa̒ala u mopobinasa wau mopoa̒ahu dadaata taulo Isirai̒lu. Tio mamowali tuoto monto Allahu Taa̒ala, u matehengia lotaa dadaata,

LUKASI 6:40

Diaaluo muri talebe udaa̒ wolo gurulio. Bo muri tamai lapato lobalajali, mamowali tutuuwauwa debo odelo gurulio.

YAHYA 10:31

Lapatao̒ tau-tauwalo Yahudi luli lohama botu u pomai̒lio li Isa.

YAHYA 11:57

Timongolio loloi̒ya mao̒ uito sababu mongo iimamu tau̒wa wau tau-tauwalo Parisi malo polualao̒ palenta deu̒ taa motota tou̒toonu ti Isa woluo, musi mopo dulohei alihu Tio mowali wau̒polo.

YAHYA 13:16

Otutu banali tahuda-U̒ botie: wato ngota diila lebe udaa̒ woli tuanilio, wau utolia ngota diila lebe udaa̒ wolo talolao olio.

YAHYA 5:16

Wau sababu uito timongolio mahipo tolopania mopoo̒suusa li Isa, sababu Tio lopoo̒luli tau todulahu Saabati.

YAHYA 7:32

Tau-tauwalo Parisi loo̒dungohe woloolo mola taa dadaata boito hipo loloohuma pasali li Isa. Sababu uito pee̒-pee̒enta wolo mongo iimamu tau̒wa, timongolio malo poa̒hu dengolo lota tamoo-kawalia Bele lo Eeya loheu̒pa li Isa.

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

YAHYA 8:52

Lapatao̒ tau-tauwalo Yahudi boito loloi̒ya mao̒ odeli Isa, “Botia mai̒lotaawa lami deu̒ yio̒ botie otu-otutuulo mao̒ ilotuanga lolati! Tei Abraham lohihilao mailate, odito olo ngoa̒amila nabi. Bo Yio̒ malo tahuda, ‘Taa u modudua̒ tahuda-Mu, ohiheo-hiheolo mao̒ diila tamaate.’

YAHYA 8:59

Lapatao̒ tau-tauwalo Yahudi boito lohama botu u pomai̒lio o-Lio; boti Isa loluuo̒ batanga-Lio, tulusi lonao̒ lololaa mao̒ Bele lo Eeya.

WUNGGULI LOMONGO RASULU 14:22

To kokoo-tawaalo boito timongolio helo poo̒lotolo hilaa lo tahidudua̒ li Isa wau helo nasehati to tahidudua̒ boito alihu debo palacaya li Isa. “Ito wajibu meimulopo modutolo dadaata deu̒yito ito mamoo̒ toduo mai usanangi tutu to Dunia Bohu lo Allahu Taa̒ala,” odieelo mola mongo rasulu boito helo ngaajali to tahidudua̒ li Isa to kokoo-tawaalo boito.

1 KORINTUS 4:12

amiaatia malo tio̒opatea helo tolopani. Wonu amiaatia laa̒natialio, amiaatia hemomalasi wolo balakati; wonu amiaatia alinayaalio, hesabalia lamiaatia;

2 KORINTUS 4:9

Dadaata talo luwali olamiaatia, bo diipo pee̒enta mao̒ amiaatia lotibiluloa̒ tutuwau. Wau eleponu amiaatia tingga maito pateelio tunggula modehu, bo amiaatia diila yilate.

1 TESALONIKA 2:15

Tau-tauwala boito talomate li Isa Eeya wau mongo nabi yila-yilateelo mao̒, wau helo ngalinaya olamiaatia. Miluusu limongolio ngoa̒amila tau, wau Allahu Taa̒ala sama-samaata diila sanangi olimongolio.

2 TIMOTIUS 3:12

Memangi ngoa̒amila tao̒hilaa tumumulo motabia wau motituwau woli Isa Almasi maa alinayaalio,

BOHULO SEMUEL 8:7

wau Eeya lotahuda mai, “Tolimowalo totoonulalo hihiile bangusa boito to olemu. Sababu diila yio̒ tapilotouli limongolio, bo Wau̒. Timongolio diilalo mokahandaki ola-U̒ odelo olongia limongolio.