YAHYA 15:2 - KITABI HABARI MOPIOHE

² Timii̒du tango to ola-U̒ udiila momungo, panggee-Lio, wau timii̒du tango u momungo, ilangiyalo duungio wau pobelesiyolo alihu lebe dadaata poli hungolio.

YAHYA 15:2 ပူးပေါင်းရင်းမြစ်များ

AYUBA 17:9

Taa u mopiohe wau tadiila ototala, helebe yakini mola todudelo lo tutumulio motuhatawa to Allahu Taa̒ala.

JABURU 92:14

Timongolio debo odelo bungo lo ayu u pilomulo to Bele lo Eeya, wau longoa̒alo to Bele lo Allahu Taa̒alanto,

POHUMAYA 4:18

Dalalo lotaa moleeto modio̒lomo debo odelo tontoyoo̒mio lou̒ hui. Timongolio meiteduo̒ wau modehu lou̒ diila otaawa limongolio. Bolii̒o mao̒, dalalo u polibaya lotaa mopiohe boito debo odelo pobutua mai lodulahu; hihiiheo mao̒ lebe hemobaango tunggula pulitio mamobaangodaa̒.

YESAYA 27:9

Bo duduu-sawaalo Isirai̒lu bo mowali ambunguolo wonu mesba lo dedeewaalo hilingola moa̒aluti debo odelo tilo. Ngoa̒amila podupaalo wau tuoto li Dewi Asyera musi antuluwola olo.

YESAYA 29:19

Tau-tauwalo mosikini wau hina mamuli molaasa osanangi tutu uwohi mai lo Allahu Taa̒ala mantali lo Isirai̒lu.

DANIALI 11:35

Ngotayadu lomongo tau̒wa tamolinepo boito mao̒patea mate-mateelo mao̒, bo uito debo odelo tesi ode umati tilinggula timongolio mamowali belesi. Sua̒li boito mapohu-pohutu demola pulito lojamani, deu̒yito-yito jamani u matilantu mai lo Allahu Taa̒ala.

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MALEAKHI 3:3

Tio mamei dungga u momutoo̒, debo odelo taa u mopobelesi wau mopo wolango talaa̒. Debo odelo ngotaalio pani lo logamu mopo wolango hulawa wau talaa̒, odi-odieelo mola utolia lo Eeya mopobelesi mao̒ mongo iimamu alihu timongolio mopodewo babaa-keyaalo wolo dudelo u kahandakia lo Eeya.

MATIUSI 13:12

Sababu taa u mailoluo, mawohiyalo poli, lebe dadaata mao̒, wau tio mao̒lebealio. Bo taa diila owolo-wolo, yi ngoi̒di uwoluo to olio, tumbao̒ mahamaalo.

MATIUSI 13:33

Woluo pohumaya tuwau uwewo yilungguli mao̒ li Isa totaa dadaata. “Wonu bolo Allahu Taa̒ala momalenta owowoluwoalio debo odelo ragi u hilama lotaabua ngota, tulusi ilulaulio wolo labu lotiligu wopato pulu loliiteli tunggula lolesi ngoa̒amilalo!”

MATIUSI 15:13

Ti isa lolametao̒, “Motii̒du pilomulo udiila pilomulo li Paapa-U̒ tosologa mabunggatolo.

MATIUSI 21:19

Lapatao̒ Tio maloo̒onto mota ayu ara ngobungo tobiihu dalalo. Tio lonao̒ mota ode bungo lo ara boito, bo diila loo̒dungga penu boli ngobotu hungolio bo duungio wambao̒. Lapatao̒ ti Isa lotahuda mao̒ ode bungo lo ayu boito, “Yio̒ madiilalo momungo mai!” Tulusi bungo lo ayu ara boito hua̒a lololantelo mola.

MATIUSI 25:29

Sababu taa u mailoluo, mamoo̒tapu lebe dadaata mao̒, wau tio mao̒lebealio. Bo taa u odiaaa̒, ngoi̒di udonggo woluo to olio mahamaalo olo.

MATIUSI 3:10

Bulingo malei dapato u poluwodela ayu demola wuwa-wuwaaa̒tio lomao̒. Timii̒du ayu udiila momungo u mopiohe maluwodulo wau pomahulio ode delomo tulu.

MATIUSI 3:12

To uluu̒-Lio otiitihe polaapalo ngoa̒amila pale-Lio tunggula belesi. Pale maimoo̒-Lio ode delomo yibungo, bo ngoa̒amila taapo lopale mapobuo-Lio todelomo tulu udiila mowali mate.”

MATIUSI 7:19

Timii̒du bungo lo ayu udiila moo̒wohi hungo u mopiohe, luwodulo wau pobuwolo.

MARKUSI 4:20

Wau bili u lobiihuto tohuta u molomiodu boito debo odelo tau-tauwalo hipo dungohe habari boito wau tilolimolio, timongolio helomungo dadaata, woluo utolo pulu, woluo uwolomo pulu, wau woluo u ngohetuto piu̒wa tilapulio.”

LUKASI 8:13

Bili u lobiihuta to hibotu-botua debo odelo taa u towakutu lodungohe habari boito, lololimo wolo hilaa sanangi. Bo habari boito diila longuwaa̒to todelomo hilaa limongolio. Timongolio palacaya bo ngopee̒ mola. Wau tou̒ yimontala meidungga timongolio momaahu.

YAHYA 15:1

Tahuda mao̒ li Isa poli, “Wau̒ bungo lo angguru ututuulio tutu wau ti Paapa-U̒ yito tamokele-kela mao̒ ilengilio.

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 15:3

Timongoli malo belesi sababu pongaajali uilohi-U̒ mai olimongoli.

YAHYA 15:6

Taa u debo diila motituwau wola-U̒, mapo mahulolio debo odelo tango, lapatao̒ mowali mohengu. Tataa-ngowaalo udebo odelo uito maimoo̒olo wau pomahulola ode delomo tulu, tulusi tumbilalo.

YAHYA 15:8

Wonu timongoli momungo dadaata, ti Paapa-U̒ pou̒daa̒alo mola; wau lou̒ odito otu-otutuulo mao̒ timongoli mowali muri-U̒.

YAHYA 17:12

Tou̒ Watia donggo pee̒-pee̒enta woli mongolio, Watia malodaha olimongolio wolo okokawasa tangguli Paapa – tanggulo uilohi mai li Paapa olaa-Tia. Watia malodaha olimongolio wau diaaluo penu boli ngotaa mao̒ limongolio tailooli, ngopohia tio tameemangi musiilio mooli; alihu woleeto boito motoduwolo mai wolo u tulatuladu todelomo Kitabi.

ROMA 11:17

Ngotayadu tataa-ngowaalo bungo loa̒yu jaituni – deu̒ito-yito tau-tauwalo Yahudi – mai̒loyodio. Wau tobakasi oyodio boito piloo̒mbitio mao̒ tango loa̒yu jaitun udiila topalihala, deu̒ito-yito Mongo wutato tadiila Yahudi. Wutato piloo̒mbitio teto alihu Wutato moo̒laasa mao̒ ngoa̒amila u mopiohe monto tutumulo rohu lotau-tauwalo Yahudi.

ROMA 11:22

Oditolio teea ito moo̒onto donggo boli piohio Allahu Taa̒ala wau donggo boli toheeto olo Tio. Tio lohutu lou̒ moo̒ohuu̒ olimongolio tao̒dusa, bo hilaa-Lio mopiohe ode Wutato – asali Wutato debo tumutumulo wolo opopio-Hio, wonu diila, yi Wutato olo matapilo-Lio.

ROMA 8:28

Otaawanto deu̒ Allahu Taa̒ala mongatulu mai totoonulalo sua̒li, tilinggula mongohi tilapulo umopiohe ode tau-tauwalo tamo tolia̒ngo o-Lio wau tatilia-Ngio motuuu̒de wolo lanjana-Lio.

1 KORINTUS 13:1

Eleponu watia mowali mobisala wolo bahasa lomanusia u hidala-dalaala, tumbao̒ wolo bahasa lo malai̒kati wambai̒o, bo watia diila motolia̒ngo taawewo, yi loi̒ya lowatia boito bo tingohe u moo̒ohuu̒ diila oboliilio.

TITUSI 2:14

Tio malo pobake batanga-Lio olanto u lolopato olanto lonto totoonulalo u hileeta, wau lopowali olanto umati tuwau talo lopato lonto dusa wau talowali miliki-Lio wambao̒, wau tamoo̒lohu mohutu u mopiohe.

IBRANI 12:15

Poo̒dahai diila bolo woluo penu boli ngotaa mao̒ talumualo monto opopiohu hilaa lo Allahu Taa̒ala, alihu diaaluo tamowali debo odelo pilomulo u opedi tohuungi mongoli tilinggula mopotoodei usuukali wau mopoluusa taa dadaata wolo pedilio.

1 YAHYA 2:19

Mumuu-suwaalo li Almasi boito yito tau-tauwalo tamaa lololaa mao̒ olanto, sababu timongolio otutuulio mao̒ memangi diila taunto. Wonu timongolio taunto, tantu timongolio debo pee̒-pee̒enta wolanto. Bo timongolio lololaa mao̒ olanto, alihu mopatatolo mai deu̒ diaaluo penu boli ngotaa mao̒ limongolio tatio̒otutua meituwoto to kaumunto.

WAHI 3:19

Tau-tauwalo tapilonu-U̒ mai, timongoliolo tadiniyo-U̒ wau tabuboa̒a-U̒. Sababu uito mamusi timongoli osumangati, wau polilihulo monto duduusaamu.