YAHYA 15:18 - KITABI HABARI MOPIOHE

¹⁸ “Wonu dunia molunui̒ mongoli, eelai mao̒ deu̒ Wau̒ maleimulo yilonuo̒ lodunia.

YAHYA 15:18 ပူးပေါင်းရင်းမြစ်များ

BOHULO MONGO OLONGIA 22:8

Tei Ahab lolametao̒, “Donggo woluo ngota, tei Mikha walae̒e Yimla. Bo wau̒ molonua̒ to olio, sababu diila pee̒enta mao̒ tio helo laamali mai hitua-tuawua u mopiohe ode olau̒; laito udiila mopiohe.” “Aa, diila mao̒ poloi̒ya odito!” ualei Yosapat.

POHUMAYA 29:27

Taa mopiohu diila sanangi wolo taa moleeto; taa moleeto molonuo̒ totaa mopiohu.

YESAYA 49:7

Allahu Taa̒ala tamantali Tamoo-poa̒ahua Isirai̒lu lotahuda mai totaa ulaba-labaalo hilinaa, wau tailonui̒o lo babaa-ngusawalo wau lowali wato lotahi kawaasawa, “Mongo olongia mamoo̒onto huhutuu-U̒; timongolio mamobongu mohulumati ola-U̒. Tahi kawaasawa mamoo̒onto mao̒ olo, lapatao̒ mosujudu molubo.”

YESAYA 53:3

Ito mohina wau mohalahu monto olio, taa u polupolu lo polodutolo wau biasa momanta ngongoto. Diaaluo penu boli ngotaa mao̒ tamohuto momilohe olio, penu boli ito olo diila momandungi olio.

YESAYA 66:5

Dungohilo wolo upilo tahuda mai lo Eeya, wuu timongoli tamoohe wau modungohe to Eeya, “Sababu timongoli tatapu wau molotolo hilao to Olau̒, woluo towolota lo bangusaamu tamolonua̒ olimongoli, wau diila mohuto moa̒awota woli mongoli. Timongolio mohanti-hantia̒a olimongoli wolo moloi̒ya, ‘Huliaalo mao̒ Eeya mopobolihei odua̒a-Lio, alihu ami moo̒onto owengahumu.’ Bo timongolio lohihilaolo tamoo̒tapu woolito.

JAKARIA 11:8

Diiti toulota tamolonuo̒ olaatia lopoo̒ pulito osaabali lowatia. Timongolio pilopolaahu lowatia todelomo wakutu ngohula mola.

MATIUSI 10:22

Timongoli malonuo̒ lotaa ngoa̒amila sababu timongoli muri-U̒. Bo taa u moo̒taahangi tunggula pulitio mapo aahuwolo.

MATIUSI 24:9

Lapatao̒ timongoli mawau̒polio wau wuduwolio u sikisaalo wau pateelio mate-mateelo mao̒. Ngoilanggubu dunia mamo lonui̒ mongoli sababu timongoli muri-U̒.

MATIUSI 5:11

Potisanangilo tutu timongoli wonu henteo̒lio, alinayalio wau pitanaalio domi Wau̒.

MARKUSI 13:13

Timongoli malonuo̒ lotaa ngoa̒amila sababu timongoli muri-U̒. Bo tamoo̒ tahangi demola pulitio, mapo aahuwolo.”

LUKASI 6:22

Potisangilo tutu timongoli wonu lonuo̒lio, potoulilio, hinaalio wau pitanaalio sababu Walao̒ Manusia!

YAHYA 16:1

Ngoa̒amilalo boito poo̒taa-U̒ mai olimongoli alihu timongoli diila mao̒ momaahu iimani limongoli.

YAHYA 16:33

Ngoa̒amilalo botie polele-U̒ mai alihu timongoli moo̒toduo mai moa̒ahu sababu motituwau wola-U̒. To dunia timongoli mamodutolo. Bo poo̒toheeta mola hilaamu! Dunia maa ilolaahe-U̒!”

YAHYA 3:20

Timii̒du taa hipohutua u moleeto, molonuo̒ u mobaango; tio diila motohilaa u mobaango, alihu huhutuulio u moleeto diila oontonga.

YAHYA 7:7

Dunia botie diila pongalo aakali molonui̒ mongoli. Bo Wau̒ memangi lonuo̒ lodunia, sababu Wau̒ laito hemo tahuda ode dunia deu̒ huhutuulio moleeto.

WUNGGULI LOMONGO RASULU 14:22

To kokoo-tawaalo boito timongolio helo poo̒lotolo hilaa lo tahidudua̒ li Isa wau helo nasehati to tahidudua̒ boito alihu debo palacaya li Isa. “Ito wajibu meimulopo modutolo dadaata deu̒yito ito mamoo̒ toduo mai usanangi tutu to Dunia Bohu lo Allahu Taa̒ala,” odieelo mola mongo rasulu boito helo ngaajali to tahidudua̒ li Isa to kokoo-tawaalo boito.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

YAKOBUS 4:4

Timongoli yito taa u diila tatapu wau molotolo hilao! Wolo otaawa limongoli deu̒ wonu timongoli mowaita wolo dunia, yi timongoli mowali musu lo Allahu Taa̒ala? Oditolio titaalo tita motohilaa mowali sahabati lodunia botie, tio mowali musu lo Allahu Taa̒ala.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 3:13

Sababu uito, mongo wutatuu̒, diila mao̒ polinggolabu wonu taulo dunia botie molonuo̒ olimongoli.

1 YAHYA 3:3

Ngoa̒amila tau u ohalapani utie toli Almasi, modaha batangalio alihu otu-otutuulo mao̒ mantali, belesi monto dusa odelo woloolo mola ti Almasi mantali olo.