YAHYA 15:16 - KITABI HABARI MOPIOHE

¹⁶ Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 15:16 ပူးပေါင်းရင်းမြစ်များ

ILOOWALI 18:18

Diila mawaliilio mai tamowali bangusa udaa̒ wau okawasa? Diila makalana tio, ngoa̒amila bangusa todunia maa balakatiya-U̒?

JABURU 145:4

Wawaalia mola tau mamomuji huhutu lo Eeya wau mopololadu olooloto lo wau obobuheli daa̒ lo Eeya.

JABURU 71:18

Yaa Allahu Taa̒ala, diila mao̒ tolai watotia, tunggula watotia panggola wau ouwaalo, alihu watotia mopololadu kawasa wau olootolo boli obuheli daa̒ lo Eeya to ngoa̒amila wali mola u madungga-dungga mai.

POHUMAYA 11:30

Taa u saale matantu-tantu tutumulio; taa u molinepo oduhenga mola tamodudua̒ olio.

YESAYA 27:6

To maasa umamei dungga mai, bangusa lo Isirai̒lu madebo odelo bungo lo ayu u owaa̒ato wau mongowao̒, boli mopoo̒polu mai tudu lodunia wolo huhuu-ngoolio.

MIKHA 5:7

Taulo Isirai̒lu tadonggo hibiluloa̒wa towolota lo babaa-ngusawalo madebo odelo singa tohuungo lo bibii-natangiyalo to oa̒ayua meaalo to huungo himbala himba tohuta datahu wau luasi u pilobutua lo huo̒yoto. Singa boito tilumuwota tohuungo himbala himba boito sambela lolumbe-lumbetaa̒ wau longanta-ngantanga; diaaluo taa lowali lolopata hihii-mbawaalo boito.

MATIUSI 21:22

Boli wolo u pohile limongoli todelomo dua̒mu, timongoli mamo lolimo mao̒, asali timongoli palacaya.”

MATIUSI 7:7

“Pohile, yi timongoli mamo olimo. Pololohu, yi timongoli mamoo̒tapu. Pongokoo̒, yi huhebu mahuo̒walio olemu.

LUKASI 6:13

Tou̒ dulahee malobaango, Tio lotiangai tahidudua̒ o-Lio, tulusi lolulaoto mopulaa duulota lonto olimongolio. Tio longunte mao̒ tamopulaa duulota boito mongo rasulu. Timongolio boito deu̒ito-yito.

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’

YAHYA 15:19

Humayaalio timongoli miliki lodunia, timongoli matolia̒ngo lodunia debo odelo milikiilio. Bo Wau̒ malo lulaoto olimongoli lonto dunia botie, oditolio timongoli diilalo miliki lodunia, uito sababuulio dunia molonui̒ mongoli.

YAHYA 15:5

Wau̒lo bungo lo angguru, wau timongoli tataa-ngolio. Taa u debo motituwau wola-U̒ wau Wau̒ wolio, mamomungo dadaata; sababu wonu diila wola-U̒, timongoli diila mowali mohutu wolo-wolo.

YAHYA 6:70

Ti Isa lolametao̒, “Wolo diila maa Wau̒ talo lulaotao̒ olimongoli tamo pulaa duulota botie? Bo ngota towolota limongoli yito lati!”

WUNGGULI LOMONGO RASULU 1:24

Tulusi timongolio lodua̒. Timongolio loloi̒ya, “Yaa Eeya otaawa lo Eeya hilaa lotaa ngoa̒amila. Tei Yudas malodehu lonto huhuloa̒lio odelo rasulu wau mailate. Oditolio poi̒laalo mai ode mongowatotia, tatoonu to taduulota botie tatulaoto lo Eeya u wohiyalo tuugasi boito mobuulota wolei Yudas.”

WUNGGULI LOMONGO RASULU 1:8

Bo timongoli mamoo̒tapu kawasa, wonu Rohullah malei dungga mai ode limongoli. Wau timongoli mamowali sakusi ola-U̒ to Yerusalemu, to ngoilanggubu Yudea, to Samaria, wau tunggula ode huudio lodunia.”

WUNGGULI LOMONGO RASULU 10:41

diila ode ngoa̒amila tau, bo wambao̒ ode olami tamaa tilulaoto Allahu Taa̒ala leimulo u lowali mongo sakusii-Lio: Ami lolamela wau longilu wo-Lio tou̒ Tio luli tilumumulai.

WUNGGULI LOMONGO RASULU 22:14

Lapatao̒ tio loloi̒ya olaatia, ‘Allahu Taa̒ala tinene moyaanto malo lulaotai olemu alihu yio̒ motota mao̒ kahandaki-Lio wau moo̒onto li Isa, Wato lo Allahu Taa̒ala tahemohutu kahandaki lo Allahu Taa̒ala wau modungoheo̒ suala li Isa lohihilao.

WUNGGULI LOMONGO RASULU 9:15

Bo Eeya lotahuda mai odelei Ananias, “Wambao̒ ponao̒lo! Sababu Wau̒ malo lulaota olio u momaya ola-U̒, alihu tio mopohabari pasalii-U̒ ode babaa-ngusawalo wewo tadiila o agama Yahudi wau ode mongo olongia wau ode umati lo Isirai̒lu olo.

ROMA 1:13

Mongo wutato! Otohilaa lowatia alihu otaawa limongoli deu̒ mapoo̒-poo̒daata watia omakusudu mola mobiilohe woli mongoli bo laito woluo wambao̒ umoo̒ tabuto. Otohilaa lowatia towolota limongoli olo kalaja lowatia otilapulio odelo woloolo mola kalaja lowatia mailo tilapulo towolota lotau-tauwala tadiila Yahudi to tataa-mbatiyalo uwewo.

ROMA 1:5

Lotimbulude o-Lio olo Allahu Taa̒ala longohi mai olaatia ponu lowali rasulu, alihu watia – u mohulumati mao̒ li Isa Almasi – modelo tau-tauwala monto totoonulalo bangusa alihu palacaya wau modungohu.

ROMA 15:4

Ngoa̒amila u tulatulade todelomo Kitabi yito mongaajali olanto. Sababu pongaajali u tolimoonto monto Kitabi mopowali olanto sabali wau molotolo tilinggula ito mowali motiwunela to Allahu Taa̒ala.

ROMA 9:21

Wolo taa u mohutu poti lo bunga boito ohaku mohutu mao̒ huta modudangia boito modudua̒ totoonulalo otohilaalio? Monto ngotopingo huta modudangia ngotopingo, tau boito ohaku mohutu mao̒ dulo dalalo poti lo bunga; tuwau umopiohe wau uwewolio udiila boti mopiohe.

1 KORINTUS 10:11

Ngoa̒amila sua̒li boito lotoduo to limongolio u mowali obaaya ode tau-tauwalo wewo. Wau ngoa̒amilalo boito tulatulade olo u mowali poe̒ela olanto. Sababu ito botia tumutumula topulito lojamani.

GALATIA 1:15

Bo sababu opopiohu hilaa lo Allahu Taa̒ala, Tio lolulaotai olaatia tou̒ watia diipo pilotutulio mai wau lotianga olaatia u lomaya o-Lio.

EPESUS 2:10

Ito yito pilowali lo Allahu Taa̒ala, wau lotimbulude li Isa Almasi, Allahu Taa̒ala lopoo̒piohu mai olanto alihu ito mohutu mao̒ susuu-aliyaalo u mopiohe umaa pilohetu-Lio olanto.

KOLOSE 1:23

Bo tantu timongoli debo musi tatapu wau molotolo hilao palacaya wau tihutihula motoheto to opopalacaya limongoli. Diila bolo timongoli mopo lopato harapani u mailohi-Lio mai olimongoli tou̒ timongoli mololimo Habari Mopiohe monto Allahu Taa̒ala. Habari boito mapilo habarilio ode timii̒du tau to ngoilanggubu dunia. Wau woleeto boito olo watia, Paulus, malowali tamoomayawa.

KOLOSE 1:6

Habari lonto Allahu Taa̒ala lololadulo mola ode ngoilanggubu dunia, wau tutumulo tau tulusi bilalakatia lohabari boito, tutuuwauwa debo odelo tutumuli mongoli bala-balakati tumulalo mai tosaaa̒ti timongoli loo̒dungohe pasali odehu hilaa lo Allahu Taa̒ala wau tio̒otutua lo toloe̒elao̒.

1 TIMOTIUS 2:7

Wau uitolo sababuulio watia ilahula lonao̒ ode tau-tauwalo tadiila Yahudi u lopololadu olimongolio habari pasali lo opopalacaya u otutu. U tiloo̒woli mai laatia botie yito otutu, watia diila mohimbulo.

2 TIMOTIUS 1:11

U mopohabari Habari Mopiohe boitolo Allahu Taa̒ala lomudua̒ olau̒ lowali rasulu wau guru.

2 TIMOTIUS 2:2

Pongajali u omoo̒molu mai̒lo dungohemu lonto olau̒ totalu lotaa dadaata, mamusi pomalacayamu mao̒ ode tau-tauwala tamowali palacayalo wau tamotoloo̒ mongaajali taa wewo.

TITUSI 1:5

Wau̒ mololaa mao̒ olemu to Kreta alihu yio̒ mowali mongulusi susuu-aliyaalo udonggo palalu atuluwolo. Olo, alihu yio̒ momudua̒ao̒ mongo tau̒wa lojamaa̒ to motii̒du kota. Wau poo̒toloma mao̒ popoo-tuhatau̒ botie:

IBRANI 11:4

Sababu o iimani, yi tei Habel lopodewo ode Allahu Taa̒ala bake ulebe mopioheo̒ wolo bake lei Kain. Sababu iimanilio boito, tei Habel tilolimo lo Allahu Taa̒ala odelo taa u mopiohe, sababu malo ilaalo deu̒ Allahu Taa̒ala lololimo pilodewolio. Tei Habel mailate, bo sababu iimanilio boito, yi tio donggo bisabisala dilumutu botia.

YAKOBUS 3:18

Memangi opopiohe yito hungo lou̒ dame upilo mua̒yadu lotaa ohilaa dame!

1 PETRUS 3:15

Bo todelomo hilaamu, mamusi timongoli mongohi li Almasi polo hulumati u tolomodu umotuu̒de wolo huhuloa̒-Lio odelo Eeya. Wau mamusi timongoli laito dapadapato mongohi tameto to timii̒du taa mohintu tomimbihu halapani u mililiki limongoli.

1 PETRUS 3:2

sababu timongolio moo̒onto pii̒ilimu ubelesi wau saale.

1 YAHYA 4:10

Utieelo tolia̒ngo: Diila ito tamalo tolia̒ngo Allahu Taa̒ala, bo Allahu Taa̒ala talomonu mai olanto wau lolao Wala-I̒o alihu motimbulude to o-Lio ito moo̒tapu ambungu monto duduu-saanto.

1 YAHYA 4:19

Ito motolia̒ngo, sababu Allahu Taa̒ala maleimulo lomonu mai olanto.