YAHYA 15:1 - KITABI HABARI MOPIOHE

¹ Tahuda mao̒ li Isa poli, “Wau̒ bungo lo angguru ututuulio tutu wau ti Paapa-U̒ yito tamokele-kela mao̒ ilengilio.

YAHYA 15:1 ပူးပေါင်းရင်းမြစ်များ

LAHU MOLAMAHU 7:12

Dulo ito didimodupo ode ilengi, wau momilohe wolo bungo lo angguru mai̒lo toyungo, wau bungalio malo ngoa̒abu; wolo bungo lodalima mai̒lo bunga. Mola teto mawohiu̒ mai otohilaau̒ daa̒ olemu.

YESAYA 4:2

Mamei dungga wakutuulio Eeya mohutu mao̒ timii̒du pilomulo wau bungo lo ayu mamobutu mowali leidaa̒ wau gaaga tolipu botie. To dulahee boito taulo Isirai̒lu taloa̒ahu mamolaasa meengahu wau sababu tilapulo sembo.

YESAYA 60:21

Ulipumu mamohutu lou̒ otutu, timongolio mamomiiliki lipu u ohiheo-hiheolo mao̒. Timongolio debo odelo tango u yilimbuta u pomulou̒ lohihilao, u mopoi̒laalo odudaa̒a-U̒.

YESAYA 61:3

u mopowengahu wau moposanangi totaa u siluukali lohilao wau limilimi; mai molomela osuukali lohilao limongolio mowali lahu poloi̒laalo momuji. Timongolio madebo odelo bungo lo ayu u pilomulo lo Eeya lohihilao. Timongolio mamohutu u mopiohu wau otutu, tilinggula Eeya pou̒daa̒alo.

YEREMIA 12:10

Dadaata takaawasa deli malopo aantulu ilengi lo angguru-U̒ wau helo lumbe-lumbetaa̒a hahaa-laabolu-U̒. Lipu-U̒ u gaaga bilolio̒ limongolio lowali huta datahu u luasi daa̒ wau delita umoliilo.

YEREMIA 2:21

Yio̒ pilomulo-U̒ debo odelo bungo lo angguru u tilulaotu-U̒ lonto bili ulebe mopiohu. Bo botia yio̒ lobolio̒, lowali pilomulo to hila-hilaalio wau diila ohuna.

YEHESKIEL 19:10

Tiilamu debo odelo bungo lo angguru u gaaga u lobutu to ilengi totili lowalao̒ dutulaa. Tio lowali lohimbungo wau ilohungo sababu taluhu mota teto dadaata daa̒.

HOSEA 10:1

Isirai̒lu debo odelo bungo lo angguru u lomungo polodu. Helebe oduhenga mola okokayalio, helebe dadaata mao̒ mesba u pilohutulio. Helebe maa̒amulu mola, helebe mopiohe olo tutuu-guwaalo balaahala u hetuboolio.

JAKARIA 3:8

Dungohilo wuu Iimamu Daa̒ Yosua, olo timongoli mongo iimamu talowali mongo sahabatilio, timongoli ngoa̒amila yito bayahu monto dulahee momooli u mopiohe. To maasa boito Wau̒ mamolao mai wato-U̒ tai̒lunte ‘Sangi Tumbingo’.

MATIUSI 15:13

Ti isa lolametao̒, “Motii̒du pilomulo udiila pilomulo li Paapa-U̒ tosologa mabunggatolo.

MATIUSI 20:1

“Wonu bolo Allahu Taa̒ala momalenta, owowoluwoalio debo odelo pohumaya botie: Ngotaalio taa ohuu̒wo ilengi lo angguru yilumualo tou̒ dimodupo mololohe taa u mokalaja to ilengi lo anggurulio.

MATIUSI 21:33

“Dungohi mao̒ pohumaya u tuwau botie poli,” tahuda li Isa. “Ngotaalio taa ohuu̒wo lohuta lomulo ilengi lo angguru ngopita. Tio lohutu bala topalitio, wau longau̒de huango ode pakaakasi pomitodelo angguru, lapatao̒ malomongu monala podahaalo. Lapatao̒ uito pilopo seuwalio ilengi boito to tahi pokalajawa ilengi, tulusi tio lonao̒ odelipu wewo.

MARKUSI 12:1

Lapatao̒ ti Isa lolumula helo bisala wolo pohumaya ode mongo iimamu tau̒wa, guguu-ruwaalo agama wau mongo tau̒wa lo Yahudi boito. Ti Isa lotahuda, “Woluo ngotaalio lomulo ilengi ngopita lo angguru, wau bilalaalio palipalito. Lapatao̒ uito tio malo ngau̒de huango duo̒lo pakaakasi pomitodelo angguru, tulusi tio lomongu mao̒ monala tuwau olo. Lapatao̒ uito tio loposeuwa ilengi lo angguru boito ode ngoolo lota tahi pokalajawa ilengi boito tulusi lonao̒ odelipu wewo.

LUKASI 13:6

Lapatao̒ uito ti Isa malo hungguli olo pohumaya botie, “Woluo tahingota-ngotawa obungo lo ayu ara to ilengi lo anggurulio. Todulahu tuwau lonao̒ tio mota lopeehu hungo lo ara boito, bo diila loo̒tapu openu bo ngobotu.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 1:9

Tilango ututuulio tutu u mopo baangai ngoa̒amila tau dungga mai ode dunia.

YAHYA 15:2

Timii̒du tango to ola-U̒ udiila momungo, panggee-Lio, wau timii̒du tango u momungo, ilangiyalo duungio wau pobelesiyolo alihu lebe dadaata poli hungolio.

YAHYA 6:32

Lapatao̒ ti Isa lotahuda mao̒ olimongolio, “Pomalacayalo: Diila tei Musa, boti Paapa-U̒lo tamongohi mai olemu roti u otutuulio mao̒ monto sologa.

YAHYA 6:55

Sababu tapu-U̒ tutuulio tutu ua̒alo, wau duhu-U̒ tutuulio tutu minumani.

ROMA 11:17

Ngotayadu tataa-ngowaalo bungo loa̒yu jaituni – deu̒ito-yito tau-tauwalo Yahudi – mai̒loyodio. Wau tobakasi oyodio boito piloo̒mbitio mao̒ tango loa̒yu jaitun udiila topalihala, deu̒ito-yito Mongo wutato tadiila Yahudi. Wutato piloo̒mbitio teto alihu Wutato moo̒laasa mao̒ ngoa̒amila u mopiohe monto tutumulo rohu lotau-tauwalo Yahudi.

1 KORINTUS 3:9

Amiaatia yito tau-tauwalo tapee̒-pee̒enta hipo kalajawa ode Allahu Taa̒ala; wau timongoli yito debo odelo halabolu lo Allahu Taa̒ala. Mongo wutato yito debo odelo hudungu lo Allahu Taa̒ala olo.

1 YAHYA 2:8

Eleponu odito, palenta u tiluladei laatia botie bohu olo; sababu obanaliilio mowali oontonga tobatanga li Almasi wau tobatanga limongoli. Sababu u modio̒lomo helebe mooli wau tinelo u otutu malo tinelai.