YAHYA 14:9 - KITABI HABARI MOPIOHE

⁹ Boti Isa lolametao̒, “Maa odito hiheolio Wau̒ pee̒-pee̒enta woli mongoli, wau debo diipo iloonuhemu Wau̒, Pilipusi? Taa u malo oonto ola-U̒, malo oonto oli Paapa. Woloolo mola yio̒ mowali moloi̒ya, ‘Pobilohe mai ti Paapa to mongowatotia’?

YAHYA 14:9 ပူးပေါင်းရင်းမြစ်များ

ILOOWALI 26:9

Yi tiliyangio mai tei Isihaka wau tio loloi̒ya mao̒, “Wolo taabua boito dilemu? Yilongola yio̒ helo loi̒ya deu̒ tio tawali-yaliimu?” Tametao̒ lei Isihaka, “To pikilangi mola lowatia, deu̒ watia mapateelio mate-mateelo mao̒ wonu polele mao̒ lowatia tio dile lowatia.”

JABURU 11:1

Duo̒lo diriheni lopolemboa̒ tamoolahua. Jaburu lei Dauda. Wau̒ motiduo̒la to Eeya; diila ohunalio moloi̒ya mai olau̒, “Poa̒ahuwalo batangamu debo odelo bulungi u tombo-tomboto ode hui̒du.

YEREMIA 2:23

Buheli tutu yio̒ moloi̒ya deu̒ yio̒ diila mokootolo, wau deu̒ Baal diila pee̒enta mao̒ dilidua̒amu! Bilohi pii̒limu to lumbaya, eelai mola ololeetomu wau akuilo mao̒! Yio̒ debo odelo unta bilango u birahi, teteea̒ mota teteea̒i diila mowali podulungolo,

MARKUSI 9:19

Yi ti Isa lotahuda mao̒ ode limongolio, “Mailaba timongoli botie! Timongoli tutuulio tutu taa diila palacaya. Tunggula omolua Wau̒ musi motibiluloa̒ pee̒-pee̒enta woli mongoli wau mosabali toli mongoli? Deloa mai walao̒ boito odia mai!”

LUKASI 12:56

Timongoli taa u motohilaa diila otu-otutuulo mao̒! Timongoli mowali motakusili lou̒ momilohe owowoluwoa lohulungo wau dunia. Yilongola tutuuotaalo jamani botie diila mowali takusilio limongoli?”

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 10:30

Wau̒ wau ti Paapa-U̒ yito tuwau.”

YAHYA 12:45

Wau taa umoo̒onto ola-U̒, moo̒onto o-Lio talolao mai ola-U̒.

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 14:7

Humayaalio timongoli moo̒onuhe ola-U̒, tantulo mao̒ timongoli mamoo̒onuhe li Paapa-U̒ olo. Botia timongoli malo oonuhe o-Lio wau malo oonto o-Lio.”

YAHYA 8:19

“Ti Paapa-Mu boito tou̒toonu?” loi̒ya mao̒ limongolio. Ti Isa lolametao̒, “Timongoli diila moo̒onuhe ola-U̒ meaambo li Paapa-U̒. Humayaalio timongoli olo moo̒onuhe ola-U̒, maatantu timongoli moo̒onuhe li Paapa-U̒.”

1 KORINTUS 15:12

Wonu upilo habari mai lamiaatia boito yito ti Almasi maluli pilopo tumu-Lio mai lonto opopate, yilongola woluo to wolotamu tahi poloi̒yawa deu̒ taamate diilalo potumulo-Lio mai?

PILIPI 2:6

To dasalilio Tio tutuuwauwa wolo Allahu Taa̒ala, bo Tio diila molaasa deu̒ owowoluwoa-Lio u ilahi boito musi poti bintengia-Lio.

KOLOSE 1:15

Ti Almasi yito bayahu u moi̒laalo monto batanga lo Allahu Taa̒ala udiila oontonga; Ti Almasi yito Walao̒ tamohuhula daa̒, lebe polohuna daa̒ lotoonula u pilowali mai.

IBRANI 1:3

Tiolo tamopo tinelai odudaa̒ lo Allahu Taa̒ala ulaba-labaalo mobaango; Tiolo gambali u moilaalo monto batanga lo Allahu Taa̒ala lohihilao. Tiolo olo tamolaalai otuwau lo ngoilanggubu aalamu botie wolo kawasa lotahuda-Lio ulaba-labaalo okawasa. Lapatao̒ Tio mopoluasi manusia taa u lopatolo monto duduu-sawaalo limongolio, Tio mamo tihuloa̒ tobele biluloa̒ lo pamalenta to sologa pee̒-pee̒enta wolo Allahu Taa̒ala, Tamongawasa ulaba-labaalo malaio̒.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.