YAHYA 14:6 - KITABI HABARI MOPIOHE

⁶ Tametao̒ li Isa, “Wau̒lo dalalo u pongo taawalo Allahu Taa̒ala wau poo̒tapulalo tutumulo. Diaaluo penu boli ngotaa mao̒ tamowali monao̒ ode Allahu Taa̒ala, wonu diila moli ola-U̒.

YAHYA 14:6 ပူးပေါင်းရင်းမြစ်များ

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 1:17

Butoo̒ Eeya tilolimonto lotimbulude olei Musa. Bo ponu wau otatapu wau olootolo hilao lo Allahu Taa̒ala piloi̒laalo lotimbulude li Isa Almasi.

YAHYA 1:4

Tahuda boito bungo lo tutumulo, wau tutumulo boito mongohi mai tilango tomanusia.

YAHYA 10:28

Wau̒ mongohi mai olimongolio tutumulo ututuulio tutu wau ohiheo-hiheolo mao̒, wau u ohiheo-hiheolo mao̒ timongolio diila tabinasa. Diaaluo penu boli ngotaa mao̒ tamowali molambata olimongolio monto ola-U̒.

YAHYA 10:7

Yi ti Isa pee̒entapo lotahuda mao̒, “Otutu banali tahudaa-U̒ botie: Wau̒lo huhebu duo̒lo himba.

YAHYA 10:9

Wau̒lo huhebu. Tatoonu tatumuwoto moli ola-U̒ mamoa̒ahu; tio tumuwoto lumualo wau moo̒tapu ua̒alo.

YAHYA 14:19

Bolo ngopee̒ mola dunia diilalo moo̒onto ola-U̒. Bo timongoli mamoo̒onto ola-U̒. Wau sababu Wau̒ tumutumulo, timongoli olo matumumulo.

YAHYA 15:1

Tahuda mao̒ li Isa poli, “Wau̒ bungo lo angguru ututuulio tutu wau ti Paapa-U̒ yito tamokele-kela mao̒ ilengilio.

YAHYA 18:37

Yi tei Pilatus lohintu mao̒ o-Lio, “Wonu odito, Yio̒ botie olongia?” Ti Isa lolametao̒, “Yio̒ loloi̒ya deu̒ Wau̒ botie olongia. Wau̒ pilotutulio wau dungga-dungga mai ode dunia wolo makusudu tuwau, deu̒ito-yito mai mongohi sakusi pasali lo obobanali. Taa monto obobanali boito mamo dungohe ola-U̒.”

YAHYA 5:21

Allahu Taa̒ala boito mopobongu mai taamate, wau mongohi olimongolio tutumulo ututuulio tutu wau ohiheo-hiheolo mao̒; odito olo Walao̒ mongohi mai tutumulo u ohiheo-hiheolo mao̒ totaa mohuto wohia-Lio tutumulo.

YAHYA 6:33

Sababu roti uwohi mai lo Allahu Taa̒ala yito Tio tamo tuhutai monto sologa wau mongohi tutumulo ode manusia todunia.”

YAHYA 6:51

Wau̒lo roti u lotuhutai lonto sologa – roti u mongohi tutumulo. Taa u molamela roti botie matumumulo ohiheo-hiheolo mao̒. Roti u mawohi-U̒ ode tutumulo manusia todunia ui-uitolo tapu-U̒.”

YAHYA 6:57

Allahu Taa̒ala tatumu-tumulo boito, lolao mai ola-U̒ wau Wau̒ olo tumumulo monto Allahu Taa̒ala. Odito olo taa u molamelo tapu-U̒ matumumulo monto ola-U̒.

YAHYA 6:68

“Eeya,” ualei Simon Petrus o-Lio, “ode tatoonu mongowatotia musi monao̒? Tahuda lo Eeya mongohi tutumulo ututuulio tutu wau ohiheo-hiheolo mao̒.

YAHYA 8:32

yi mao̒onuhe limongoli Allahu Taa̒ala tao̒tutu, wau masababu uito timongoli malopatolo!”

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

WUNGGULI LOMONGO RASULU 3:15

Mongo wutato lomate o-Lio yila-yilateelo mao̒, lebe-lebe pomao̒ tumbao̒ Tiolo bungo lo tutumulo duo̒lo taa ngoa̒amila. Wau Allahu Taa̒ala maluli lopo tumulai o-Lio lonto opopate. Masilakusia lami lohihilao sua̒li boito.

WUNGGULI LOMONGO RASULU 4:12

Bo motimbulude li Isa wambao̒ tau mowali moa̒ahu. Sababu to ngoilanggubu dunia towolota lomanusia diaaluo penu boli ngotaa mao̒ wewolio taloo̒tapu kawasa lonto Allahu Taa̒ala u mopoa̒ahu mai olanto.”

WUNGGULI LOMONGO RASULU 9:2

wau malohile tulade kawasa u monao̒ ode mongo tau̒wa lo bebee-leyaalo potabiaalo taulo Yahudi to Damusiki, alihu wonu tio moo̒dungga mola teto tau-tauwalo tapalacaya li Isa, tio mamoo̒ wau̒pao̒ olimongolio wau modelo olimongolio ode Yerusalemu.

ROMA 15:16

Mapiludu-I̒o watia tamoomayawa li Isa Almasi uilao-Lio ode babaa-ngusawalo tadiila Yahudi. Wau watia helo kalaja odelo iimamu, u lopohabari Habari Mopiohe lonto Allahu Taa̒ala alihu tau-tauwalo tadiila Yahudi mowali dewo tuwau ode Allahu Taa̒ala u mowali tolimoo-Lio. Pohileaala dua̒ Rohullah mohutu olimongolio u tolomodu mowali dewo tuwau ode Allahu Taa̒ala.

ROMA 5:2

Masababu ito palacaya li Isa, yi Tio lohutu olanto loo̒laasa hitua-tuawua todelomo hilao wau ponu lo Allahu Taa̒ala, wau wolo ponu boitolo ito botia hitumula. Sababu uito hilaanto meengahe sababu ito ohalapani deu̒ ito mamoo̒laasa sanangi tutu uwohi mai lo Allahu Taa̒ala!

ROMA 5:21

Naa, ito musi mate sababu ito malohutu dusa. Bo Allahu Taa̒ala momonu olanto wau longohi mai dalalo olanto luli lopiiohe wo-Lio. Wau sababu wumbutanto wolo Allahu Taa̒ala maluli lopiohe, yi Tio longohi mai tutumulo tutu wau ohiheo-hiheolo mao̒ to olanto lotimbulude li Isa Almasi, Eeyanto.

1 KORINTUS 15:45

Todelomo Kitabi tulatulade odie, “Manusia tabohulio, yito tei Adamu, lowali mahaluku tatumu-tumulo,” bo tei Adamu tapulitio yito Rohu u mongohi tutumulo.

EPESUS 2:18

Wolo lotimbulude li Almasi, ito ngoa̒amila – mopio taulo Yahudi meaalo tadiila Yahudi – wolo Rohullah u tuwau mowali modudulo odeli Paapa.

KOLOSE 2:17

Ngoa̒amilalo boito bo wolilu wambao̒ monto susuu-aliyaalo u mamei dungga mai, bo loi̒laalo lo susuu-aliyaalo boito yito ti Almasi!

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

KOLOSE 3:4

Naa, pobutua mai lo tutumulo tutu limongoli yito ti Almasi wau de wonu Tio oontonga, timongoli olo mamo tibilohe pee̒-pee̒enta wo-Lio todelomo odudaa̒-Lio!

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

IBRANI 9:8

Wolo wuu̒du boito, Rohullah mopo bilohei wolo mopatato deu̒, ngotilonggadu kema to ambahu talu boito donggo tihutihulo, dalalo tumuwoto ode delomo Huwali Leidaa̒ Laba-labaalo mantali boito diipo mohuo̒.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.

1 PETRUS 2:4

Sababu uito, ponao̒olo mai ode Eeya. Tio debo odelo botu utumu-tumulo, botu utilapi lomanusia sababu he anggapuwolo diila ohuna; bo tumbao̒ tilulaoto Allahu Taa̒ala odelo botu u ohalaga.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

1 YAHYA 1:8

Wonu ito moloi̒ya deu̒ ito diila odusa ito mohimbulo batanganto lohihilao; wau Allahu Taa̒ala diaaluo todelomo hilaanto.

1 YAHYA 2:23

Taa diila motolo akuo to Walao̒, boliilio mao̒ diila mololimo li Paapa olo. Wau taa motolo akuo to Walao̒ boliilio mao̒ mololimo li Paapa olo.

1 YAHYA 5:20

Otaawanto deu̒ Walao̒ Allahu Taa̒ala malei dungga mai wau malongohi pongotota to olanto, alihu ito motota lo Allahu Taa̒ala tao̒tutu. Ito tumutumulo motituwau wolo Allahu Taa̒ala tao̒tutu, wau tumutumulo motituwau wolo Wala-I̒o Isa Almasi. Utieelo Allahu Taa̒ala tao̒tutu, wau utieelo tutumulo u tutuulio tutu wau ohiheo-hiheolo mao̒.

1 YAHYA 5:6

Ti Isa Almasilo tamei dungga mai ode dunia wolo taluhu popolihu-Lio wau wolo duhu lo opopate-Lio. Tio meidungga mai diila bo wolo taluhu wambao̒, bo wolo taluhu wau duhu. Wau Rohullah lohihilao tamongohi sakusi deu̒ uito otutu, sababu Rohu diila pee̒enta mao̒ mohimbulo.

2 YAHYA 1:9

Taa u diila motidihu to pongaajali li Almasi, bo tumbao̒ molambanga tou̒ wolo u pilo ngaajali li Almasi, tau boito diila o Allahu Taa̒ala. Taa u debo todelomo pongaajali li Almasi, bolilio mao̒ motolo miliki mopio Allahu Taa̒ala ti Paapa bolito Walao̒.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 19:11

Lapatao̒ watia loo̒onto mola sologa lohuo̒, tulusi oo̒onto mai wadala hula tuwau. Joki-Lio tai̒lunte Sangi Tatapu wau Molotolo Hilao wau Sangi Otutu. Tio aadili todelomo mopodehu hukuumani wau todelomo popaatea u pilohutu-Lio.

WAHI 20:15

Tau-tauwalo tadiila hitulade tanggulio todelomo Buku lo Taa Tumutumulo, pilomahulo ode delomo auhu lotulu.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:17

Rohullah wau Bulentiti Taabua lotahuda mai, “Duloolo!” Timii̒du taa u modungohe utie musi olo moloi̒ya, “Duloolo!” Tatoonu tamo totoa̒ngo, mamusi tio monao̒ mai! Wau tatoonu tai̒lo hilao, mamusi mohama taluhu u mongohi tutumulo boito wolo beebasi.

WAHI 3:14

“To malai̒kati lojamaa̒ to Laodikia, tulade mola odie: Utieelo tahuli monto Sangi Amin, Sakusi taatatapu wau molotolo hilao wau otutu, pilobutua mai lo totoonulalo hitua-tuawua u pilowali mai lo Allahu Taa̒ala.

WAHI 3:7

“To malai̒kati lojamaa̒ to Piladelpia, tulade mola odie: Utieelo tahuli monto o-Lio tamantali wau u tutu. Tiolo tadihudihu uu̒nti u mililiki lei Dauda; wonu Tio momuo̒ diaaluo penu boli ngotaa mao̒ tamoo̒ heu̒to, wau wonu heu̒ta-Lio diaaluo penu boli ngotaa mao̒ tamowali momuo̒.