YAHYA 14:30 - KITABI HABARI MOPIOHE

³⁰ Wau̒ diilalo mobisala mai lebe dadaata mao̒ toli mongoli, sababu mawakutuulio tahidihima kawasa lodunia botie mamonao̒ mai. Bo tio diila okawasa to batanga-U̒.

YAHYA 14:30 ပူးပေါင်းရင်းမြစ်များ

LUKASI 1:35

Malai̒kati boito malo lametao̒, “Rohullah mamei dungga mai ode olemu, wau kawasa lo Allahu Taa̒ala mamo henggubei olemu. Uitolo sababuulio walao̒ tapotutumu mai boito mau̒nteelo Mantali, Walao̒ Allahu Taa̒ala.

LUKASI 22:53

Ngohui-ngohui Wau̒ wolimongoli to Bele lo Eeya, timongoli diila loheu̒pa ola-U̒. Bo uti-utieelo saaa̒tilio limongoli moponao̒ uito, saaa̒ti kawasa lou̒ modio̒lomo modihu poloitohu.”

YAHYA 12:31

Botia maa wakutuulio dunia butoo̒lo; botia takawa-kawasa todunia botie powulidulo.

WUNGGULI LOMONGO RASULU 1:3

Lapatao̒ Tio yilate mao̒ ngotilonggadu wopato pulu hui mola laito Tio hemo pobilohe wolo dudelo u moi̒laalo daa̒ tomongo rasulu boito deu̒ Tio tutuulio tutu tumutumulo. Timongolio loo̒onto o-Lio, wau Tio helo bisala woli mongolio tomimbihu woloolo mola Allahu Taa̒ala momalenta odelo Olongia.

2 KORINTUS 4:4

Ila moleeto umotolo kawasa dunia botie moheu̒ta pikiilangi lotau-tauwalo tadiila palacaya boito. Tiolo tamo monto-montola olimongolio alihu timongolio diila moo̒onto tilango monto Habari Mopiohe boito tomimbihu odudaa̒ li Almasi, tadebo odelo bayahu lo Allahu Taa̒ala.

2 KORINTUS 5:21

Ti Almasi diila odusa, bo Allahu Taa̒ala lohutu mai o-Lio lomanta dusanto, alihu ito muli mopiiohe wolo Allahu Taa̒ala sababu lotituwau woli Almasi.

EPESUS 2:2

Tou̒ boito timongoli lodudua̒ wuwuu-uduwaalo dunia botie; boliilio mao̒ timongoli lodungohe takawa-kawasa tobangio daa̒, deu̒ito-yito rohu u botia motolo kawasa hilaa lotau-tauwalo tadiila modungohe to Allahu Taa̒ala.

EPESUS 6:12

Sababu ito mohipate diila moluwali manusia, bo moluwali ngoa̒amila olootolo lo lalaa-tiyaalo u motolo kawasa jamani u moleeto botie. Ito moluwali olootolo roroo-huwaalo moleeta u motolo kawasa dulente daa̒.

KOLOSE 1:13

Tio malo lopata olanto lonto kawasa u modio̒lomo wau lopo limbata olanto ode delomo bele biluloa̒ saaha li olongia lo Wala-I̒o tapilonu-Lio.

IBRANI 4:15

Ti Iimamu Daa̒anto boito diila iimamu tadiila moo̒ dudua̒ molaasa mao̒ totoonulalo oluluu-puhunto. Bolii̒o mao̒, Tio maili montala todelomo totoonulalo sua̒li, tutuuwauwa debo odelo ito lohihilao; bo Tio diila helohutu dusa!

IBRANI 7:26

Oditolio, ti Isa boitolo ti Iimamu Daa̒ tapalaa-luwonto. Tio mantali, to o-Lio diila odungga totala meaalo penu boli dusa wolo. Tio pilohalahu lonto tahi oduusawa, wau pilobotulo demola tambati ulebe molanggato wolo ngoa̒amilalo hulungo.

1 PETRUS 1:19

bo hitua-tuawua u ohalaga daa̒; deu̒ito-yito batanga li Almasi lohihilao, ulowali odelo himba u pilobake ode Allahu Taa̒ala lou̒ diila o aibu wau henteo̒.

1 PETRUS 2:22

Tio diila pee̒enta mao̒ helohutu dusa, wau diila pee̒enta mao̒ olo penu boli ngotaa loo̒dungohe o-Lio helo himbulo.

1 YAHYA 4:4

Bo Mongo walau̒, timongoli haku lo Allahu Taa̒ala. Timongoli malo olaaheo̒ tomongo nabi paluti; sababu Rohu uwoluo toli mongoli lebe okawasa wolo rohu uwoluo totau-tauwalo miliki lodunia botie.

1 YAHYA 5:18

Otaawanto deu̒ ngoa̒amila tau tamalowali mongo walao̒ Allahu Taa̒ala, diila molo-laalaaita hipohutua dusa, sababu Walao̒ Allahu Taa̒ala moduo̒lai olio, wau Taa Moleeto diila mowali mohutu wolo-wolo to olio.

1 YAHYA 5:19

Otaawanto deu̒ ito haku lo Allahu Taa̒ala, eleponu ngoilanggubu dunia botie to walungo kawasa lo Taa Moleeto.

WAHI 12:9

Naha uleidaa̒ boito tilapi ode bulemengio! Tiolo tulide panggola boito u ilunte Ibilisi meealo Rohu Moleeto, u lohimbulo ngoilanggubu dunia. Tio tilapi ode dunia wolo ngoa̒amilalo malai̒katilio.