YAHYA 14:3 - KITABI HABARI MOPIOHE

³ Lapatio mao̒ Wau̒ odito mola u mopo dapato tambati olimongoli, Wau̒ muli mohualingai wau mai molutula olimongoli, alihu tou̒toonu Wau̒ woluo, timongoli olo woluo.

YAHYA 14:3 ပူးပေါင်းရင်းမြစ်များ

YAHYA 12:26

Taa u motohilaa momaya ola-U̒ musi modudua̒ ola-U̒; alihu tamoomayawa ola-U̒ mowali pee̒-pee̒enta wola-U̒ tou̒toonu Wau̒ woluo. Taa u momaya ola-U̒ mahulumatio li Paapa-U̒.”

YAHYA 14:28

Mai̒lo dungohe limongoli upilo tahuda-U̒ mai, ‘Wau̒ mamonao̒, bo Wau̒ mamuli mohualingai ode limongoli’ Wonu timongoli motolia̒nga ola-U̒ timongoli masanangi Wau̒ monao̒ mola odeli Paapa-U̒, sababu ti Paapa-U̒ lebe udaa̒ wola-U̒.

YAHYA 14:4

Ode tambati ponao̒wa-U̒ otaawa limongoli dalalio.”

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

WUNGGULI LOMONGO RASULU 1:11

“Wuu, tau-tauwalo Galilea,” loi̒ya mao̒ lo taduulota boito, “yilongola timongoli bo wambao̒ hitihula teto hilanggela mola ode hulungo? Ti Isa, taa iloontonga limongoli lobintaa̒a mola ode sologa boito totalu limongoli, mamuli mohualingai poli wolo dudelo uito olo debo odelo u iloontonga limongoli engontie.”

ROMA 8:17

Naa, wonu ito yito mongo wala-I̒o, yi ito olo ahali lowarisi-Lio u mamololimo babaa-lakatiyalo upilohetu lo Allahu Taa̒ala ode mongo wala-I̒o. Ito mamololimo pee̒-pee̒enta woli Isa Almasi wolo u mapilohetu lo Allahu Taa̒ala o-Lio; sababu wonu ito modutolo pee̒-pee̒enta woli Isa Almasi, ito mapolaio̒-Lio olo pee̒-pee̒enta wo-Lio.

PILIPI 1:23

Watia bilantangalio monto mohu-mohuwalia. Otohilaa daa̒ lowatia mololaa mao̒ dunia botie wau mola motibiluloa̒ woli Almasi, sababu uitolo ulaba-labaalo mopiohu;

2 TESALONIKA 1:12

Lou̒ odito Eeyanto Isa pou̒daa mola limongoli, wau timongoli olo podaa̒ li Isa sababu opopiohe hilaa lo Allahu Taa̒alanto wau Eeya Isa Almasi.

2 TIMOTIUS 2:12

Wonu ito debo sabali, ito mamo malenta olo pee̒-pee̒enta wo-Lio. Wonu ito momaahe o-Lio, Tio olo mamomaahe olanto.

IBRANI 9:28

Odito olo ti Almasi bo pee̒enta wamabao̒ pilodewo odelo bake u moluluta dusa lotaa dadaata. Tio mamuli meidungga mai tou̒ oluolio, diila mai mopoo̒ lapato pasali lodusa, bo mai mopoa̒ahu totau-tauwalo tahi pohimawa podungga-Lio mai.

WAHI 3:21

Timongolio taloo̒haama, mapo luasiyo-U̒ motihuloa̒a totambati lo huhuloa̒a-U̒ pee̒-pee̒enta wola-U̒, tutuuwauwa debo odelo Wau̒ lohihilao olo maloo̒haama wau masaatia hulohuloa̒a pee̒-pee̒enta woli Paapa-U̒ totambati lo huhuloa̒a-Lio.