YAHYA 14:23 - KITABI HABARI MOPIOHE

²³ Ti Isa lolametao̒, “Taa motolia̒ngu-U̒, mamo dudua̒ pongaajali-U̒. Ti Paapa-U̒ mamomonu mai olio. Ti Paapa wau Wau̒ mamei dungga mai ode olio wau motibiluloa̒ wolio.

YAHYA 14:23 ပူးပေါင်းရင်းမြစ်များ

ILOOWALI 1:26

Lapatao̒ Allahu Taa̒ala lotahuda, “Botia Ito mamopowali manusia u mamowali debo odelo ito wau u tutuuwauwa wolanto. Timongolio mamotolo-kawasa to totoo-lawaalo, bubuu-rungiyalo, wau totoonulalo binatangi uwewo, mopio u moluamo meaalo u molinggelo, mopio udaa̒ meaalo kikiio̒.”

ILOOWALI 11:7

Opioheelio ito molaahe mola wau mopo puyoo̒to bahasa limongolio alihu timongolio diilalo mongalati ngota timongota.”

JABURU 90:1

Dua̒ lei Musa, wato lo Allahu Taa̒ala. Yaa Eeya, Eeyaalo tambati potiduo̒la lo mongowatotia wawaalia mola.

JABURU 91:1

Taa u motiduo̒la to Taa Laba-labaalo molanggato, wau motibiluloa̒ todelomo wunelo Taa Laba-labaalo kawasa,

YESAYA 57:15

Sababu odieelo mola tahuda mai lo Allahu Taa̒ala Taa Laba-labaalo molanggato wau mantali, taa okawaasa u ohiheo-hiheolo mao̒, “Wau̒ bilubiluloa̒ to tambati u molanggato wau mantali, bo olo towolota lotau-tauwalo tahi dupapawa lohilao wau tamolee̒e to duduu-saalio, u moponguli sumaangati wau halapani limongolio.

YAHYA 10:30

Wau̒ wau ti Paapa-U̒ yito tuwau.”

YAHYA 14:15

“Wonu timongoli motolia̒ngu-U̒, timongoli mamo dudua̒ totoonulalo palentaa-U̒.

YAHYA 14:17

Tio boito Rohullah tamamo poi̒laalo mai obobanali pasali lo Allahu Taa̒ala. Dunia diila loo̒tolimo o-Lio, sababu diila loo̒onto meaalo loo̒onuhe o-Lio. Bo timongoli moo̒onuhe o-Lio, sababu Tio bilu-biluloa̒ pee̒-pee̒enta woli mongoli wau tuwau woli mongoli.

YAHYA 14:21

Taa mololimo totoonulalo palentaa-U̒ wau pohutuolio, tio-tiolo tamo tolia̒ngu-U̒. Ti Paapa-U̒ mamomonu mai taa motolia̒ngo ola-U̒. Wau̒ olo mamo tolia̒ngo tau boito wau mopo bilohei batanga-U̒ olio.”

YAHYA 14:24

Taa diila motolia̒nga ola-U̒, diila modudua̒ pongaajali-U̒. Pongaajali u ilodungohe limongoli boito, diila lonto ola-U̒, bo lonto li Paapa-U̒ talolao mai ola-U̒.

YAHYA 15:10

Wonu timongoli moponao̒ ngoa̒amila palentaa-U̒, timongoli debo tatapu wau molotolo hilao toponu-U̒. Tutuuwauwa debo odelo Wau̒ debo molotolo hilao toponu li Paapa-U̒ sababu loponao̒ ngoa̒amila palentaa-Lio.

YAHYA 16:27

sababu ti Paapa-U̒ lohihilao momonu olimongoli. Tio momonu olimongoli sababu timongoli motolia̒nga ola-U̒, wau palacaya deu̒ Wau̒ dungga-dungga mai lonto li Paapa-U̒.

YAHYA 6:56

Taa u molamelo tapu-U̒ wau mongilu duhu-U̒, debo motituwau wola-U̒, wau Wau̒ wolio.

YAHYA 8:51

Otutu banali tahuda-U̒ botie, taa u moduduo̒ tahuda-U̒, ohiheo-hiheolo mao̒ diila tamaate.”

YAHYA 8:52

Lapatao̒ tau-tauwalo Yahudi boito loloi̒ya mao̒ odeli Isa, “Botia mai̒lotaawa lami deu̒ yio̒ botie otu-otutuulo mao̒ ilotuanga lolati! Tei Abraham lohihilao mailate, odito olo ngoa̒amila nabi. Bo Yio̒ malo tahuda, ‘Taa u modudua̒ tahuda-Mu, ohiheo-hiheolo mao̒ diila tamaate.’

2 KORINTUS 6:16

Wolo wumbutalio towolota Bele lo Eeya wolo bele lo balaahala? Ito botie Bele lo Eeya, deu̒ito-yito Allahu Taa̒ala tatumu-tumulo. Allahu Taa̒ala lohihilao lotahuda, “Wau̒ mamo tibiluloa̒ tohuungi mongolio, wau tumumulo pee̒-pee̒enta woli mongolio. Wau̒ mamowali Allahu Taa̒ala limongolio, wau timongolio mamowali umati-U̒.

EPESUS 3:17

Pohileaalo dua̒ sababu timongoli palacaya li Almasi, ti Almasi motibiluloa̒ todelomo hilaa limongoli, wau tutumuli mongoli pilopo daasali wau kiluwasa lo tolia̒ngo.

1 YAHYA 2:24

Sababu uito, habari umaa ilodungohe limongoli anggadu timongoli bohu-bohulio mai palacaya mamusi dahai limongoli tio̒otutua todelomo hilao. Wonu habari boito poo̒tuoto limongoli tio̒otutua, timongoli malaito tumumulo motituwau wolo Walao̒ wau woli Paapa.

1 YAHYA 2:5

Bo taa u modungohe tahuda lo Allahu Taa̒ala, tau boito motolia̒ngo Allahu Taa̒ala lou̒ wimu-wimumuto tutu. Uitolo tuotio deu̒ ito tumutumulo motituwau wolo Allahu Taa̒ala.

1 YAHYA 4:4

Bo Mongo walau̒, timongoli haku lo Allahu Taa̒ala. Timongoli malo olaaheo̒ tomongo nabi paluti; sababu Rohu uwoluo toli mongoli lebe okawasa wolo rohu uwoluo totau-tauwalo miliki lodunia botie.

1 YAHYA 5:3

Sababu, motolia̒ngo to Allahu Taa̒ala boliilio mao̒ modungohe totoonulalo palentaa-Lio. Wau totoonulalo palenta-Lio diila mobuheeto olanto.

2 YAHYA 1:6

Motolia̒ngo boliilio mao̒ tumumulo modudua̒ totoonulalo palenta lo Allahu Taa̒ala. Wau palenta umaa ilodungohe limongoli tumulalo mai bohulio yito deu̒ timongoli musi tumumulo lou̒ motolia̒nga ngota timongota.

WAHI 21:22

Watia diila loo̒onto Bele lo Allahu Taa̒ala todelomo kota boito, sababu Bele lo Allahu Taa̒alaalio yito Eeya lohihilao, Allahu Taa̒ala Taa Laba-labaalo kawasa, wau Walao̒ Himba boito.

WAHI 21:3

Lapatao̒ watia loo̒dungohe suala lonto tambati huhuloa̒ li olongia boito longiibode wolo loo̒ohuu̒, “Botia tambati biluloa̒ lo Allahu Taa̒ala yito pee̒-pee̒enta wolo manusia! Tio matumumulo woli mongolio wau timongolio mamowali umati-Lio. Allahu Taa̒ala lohihilao mawoluo mai woli mongolio wau mowali Allahu Taa̒ala limongolio.

WAHI 22:3

Todelomo kota boito diaaluo penu boli tuwau mao̒ u ilotuhata laa̒nati lo Allahu Taa̒ala. Tambati huhuloa̒ lo Allahu Taa̒ala wau Walao̒ Himba boito maa odungga todelomo kota boito. Mongo wato-Lio mataa̒aluku wau mohulumati to o-Lio,