YAHYA 14:2 - KITABI HABARI MOPIOHE

² Tobele li Paapa-U̒ otambati dadaata upoti biluloa̒alo. Wau̒ odito mola u mopo dapato tambati olimongoli. Wau̒ diila tamo tahuda mai odito olemu, humayaalio uito diila odito.

YAHYA 14:2 ပူးပေါင်းရင်းမြစ်များ

LUKASI 14:22

Lapatao̒ tamoomayawa boito loloi̒ya mao̒, ‘Tuani, palenta li Tuani mapilo ponao̒, bo tambati donggo dadaata.’

YAHYA 13:33

Mongo walaa-U̒, Wau̒ diilalo mohiheo motibiluloa̒ woli mongoli. Timongoli mamo lolohe ola-U̒, bo debo odelo umapilo tahuda-U̒ ode tahidihima kawasa lo Yahudi, odito olo potahuda-U̒ mai olimongoli; ode tambati u ponao̒wa-U̒, diila mowali onao̒wa limongoli.

YAHYA 13:36

“Eeya, Eeya mamonao̒ ode utoonu?” yilintu mao̒ lei Simon Petrus odeli Isa. Ta̒metao̒ li Isa, “Ode utoonu ponao̒wa-U̒, yio̒ diila mowali modudua̒ ola-U̒ botia. Yio̒ mamodudua̒ ola-U̒ delapatio mao̒.”

YAHYA 14:28

Mai̒lo dungohe limongoli upilo tahuda-U̒ mai, ‘Wau̒ mamonao̒, bo Wau̒ mamuli mohualingai ode limongoli’ Wonu timongoli motolia̒nga ola-U̒ timongoli masanangi Wau̒ monao̒ mola odeli Paapa-U̒, sababu ti Paapa-U̒ lebe udaa̒ wola-U̒.

YAHYA 16:4

Bo botia poo̒taa-U̒ mai uito olemu, alihu wonu uito bolo motoduo mai, mae̒ela mola limongoli deu̒ Wau̒ malo poo̒taa mai uito olimongoli.” “Sua̒li botie diila piloo̒taa-U̒ olimongoli tou̒ bohulio mai, sababu Wau̒ donggo pee̒-pee̒enta woli mongoli.

YAHYA 17:24

Paapa, otohila laa-Tia alihu timongolio, tailudu mai li Paapa olaa-Tia, woluo pee̒-pee̒enta wolaa-Tia totambati Watia woluo, alihu timongolio moo̒onto odudaa̒ laa-Tia; deu̒ito-yito odudaa̒ uiludu mai li Paapa olaa-Tia; sababu ti Paapa lomonu olaa-Tia tou̒ dunia diipo pilowali mai.

WUNGGULI LOMONGO RASULU 9:16

Wau Wau̒ lohihilao mamopo bilohei olio ngoa̒amila polodutolo umusi dutolalio sababu Wau̒.”

2 KORINTUS 5:1

Sababu otaawa lamiaatia deu̒ wonu bele – deu̒ito-yito batanga – u biluloa̒anto todunia botie onggalolio, Allahu Taa̒ala mamopohetu olanto bele ngowale tosologa, upilohutu lo Allahu Taa̒ala lohihilao wau moo̒ tahangi ohiheo-hiheolo mao̒.

1 TESALONIKA 5:9

Allahu Taa̒ala lolulaotai olanto diila u hukuu-maniyolo, bo u poa̒ahuwolo, motimbulude to Eeyanto Isa Almasi.

TITUSI 1:2

Pongaajali boito patopatoa̒ to halapani deu̒ ito mamololimo tutumulo u tutuulio tutu wau ohiheo-hiheolo mao̒. Allahu Taa̒ala malo danti mai tutumulo boito tou̒ diipo bohulo jamani – wau Allahu Taa̒ala diila pongalo aakali mohimbulo.

IBRANI 11:10

Sababu tei Abraham donggo hemohima kota uilanjana wau bongulo lo Allahu Taa̒ala wolo wapidio motoheeto.

IBRANI 13:14

Sababu todunia botie diaaluo tambati poti biluloa̒alo u ohiheo-hiheolo mao̒ olanto; ito mololohe tambati poti biluloa̒alo u mamei dungga mai.

IBRANI 6:20

Ti Isa malomuo̒ dalalo ode tambati boito olanto, wau maa tilumuwota mola odito lowali Iimamu Daa̒ olanto u ohiheo-hiheolo mao̒, debo odelo ti Iimamu Melkisedek.

IBRANI 9:8

Wolo wuu̒du boito, Rohullah mopo bilohei wolo mopatato deu̒, ngotilonggadu kema to ambahu talu boito donggo tihutihulo, dalalo tumuwoto ode delomo Huwali Leidaa̒ Laba-labaalo mantali boito diipo mohuo̒.

WAHI 1:5

wau monto li Isa Almasi sakusi taa tatapu wau molotolo hilao. Tiolo tabohu-bohulio muli pilotumulai monto opopate wau Tio olo tao̒kawasa tomongo olongia lodunia. Ti Isa momonu olanto, wau wolo opopate-Lio Tio lopo lopato olanto lonto duduusaanto,

WAHI 21:2

Yi watia loo̒onto mola kota mantali boito, deu̒ito-yito Yerusalemu u bohu, lolaahei lonto sologa lonto Allahu Taa̒ala. Kota boito mapilo dapato debo odelo ngotaalio li bulentiti taabua diladai u modunggaya wolo bulentiti talolai̒.

WAHI 3:12

Taa u moo̒haama, mapo waliyo-U̒ odelo wolihi todelomo Bele Mantali lo Allahu Taa̒ala-U̒, wau tio mamoti biluloa̒ teto ohiheo-hiheolo mao̒. Tanggulo Allahu Taa̒ala-U̒, wau tanggulo kota lo Allahu Taa̒ala-U̒ – deu̒ito-yito Yerusalemu bohu umamo tuhutai monto sologa, monto Allahu Taa̒ala-U̒ – matuladu-U̒ mao̒ tobatanga lotau boito. Tanggulu-U̒ u bohu olo matuladu-U̒ mao̒ to batangalio.

WAHI 3:21

Timongolio taloo̒haama, mapo luasiyo-U̒ motihuloa̒a totambati lo huhuloa̒a-U̒ pee̒-pee̒enta wola-U̒, tutuuwauwa debo odelo Wau̒ lohihilao olo maloo̒haama wau masaatia hulohuloa̒a pee̒-pee̒enta woli Paapa-U̒ totambati lo huhuloa̒a-Lio.