YAHYA 14:18 - KITABI HABARI MOPIOHE

¹⁸ Timongoli diila tatolaa-U̒ tutuuwau debo odelo tadidu otiilo otiyamo. Wau̒ muli mohualingai ode olemu.

YAHYA 14:18 ပူးပေါင်းရင်းမြစ်များ

JABURU 101:2

Watia ohilaa mopoo̒tuoto dudelo tutumulo udiila o aibu. Omolua Eeya meidungga mai odelaatia? Watia ohilaa tumumulo mantali tobele lowatia,

JABURU 23:4

Eleponu wau̒ molibaya to lumbaya u modio̒lomo, wau̒ diila moohe topotala, sababu Eeya pee̒-pee̒enta wolau̒. Eeya loduo̒lai olau̒ debo odelo ngotaalio lodiiti heloduo̒la himbalio wolo tunggudu wau tunggudu pomate.

YESAYA 43:1

Isirai̒lu, odie mola tahuda mai lo Eeya, “Wau̒ulo talo powali wau lohutu mai olemu, diila mao̒ oohe, yio̒ tantu poa̒ahuwo-U̒ mai! Wau̒ malo tianga olemu wolo tanggulumu, yio̒ yito milikii-U̒.

YESAYA 51:12

Eeya lotahuda mai, “Wau̒ulo tamoliyango olimongoli. Yilongola yio̒ moohe to manusia tapanaa, to manusia tatilapi debo odelo huo̒yoto?

HIYONGO MOPOILAALO SUUSA 5:3

Tiyamo lo mongowatotia mapilate lomusu yila-yilateelo mao̒; botia tiilo mongowatotia janda, wau mongowatotia didu otiyamo.

HOSEA 14:3

Muli pohualingolo ode Eeya wau potunggula mola dua̒ botie odelo dewomu ode Eeya, “Yaa Eeyaa, aambungualo mai toonula dusa lo mongowatotia, wau tolimowali dua̒ lo mongowatotia botie, yi mongowatotia maa momuji mola to Eeya debo odelo u maa dilaanti lo mongowatotia.

HOSEA 6:3

Sababu uito duloolo ito motolopani u tio̒otutua motota to Eeya. Tio tantu mamei dungga mai ode olanto debo odelo u mapobutua mai mato lodulahu, wau debo odelo didi u mopobata mai huta to pulito sembo lo polodidi.”

MATIUSI 18:20

Sababu tou̒toonu duulota meaanto toulota motia̒mbu sababu Wau̒, Wau̒ woluo tohuungi mongolio.”

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

YAHYA 14:16

Wau̒ mohile mola li Paapa-U̒, wau Tio mamongohi mai olemu Tamoo-tulungia wewo, tamaa motibiluloa̒ pee̒-pee̒enta woli mongoli u ohiheo-hiheolo mao̒.

YAHYA 14:3

Lapatio mao̒ Wau̒ odito mola u mopo dapato tambati olimongoli, Wau̒ muli mohualingai wau mai molutula olimongoli, alihu tou̒toonu Wau̒ woluo, timongoli olo woluo.

YAHYA 16:16

“Bolo ngopee̒ mola timongoli diilalo moo̒onto ola-U̒, wau olo bolo ngopee̒ mola poli timongoli mamoo̒onto ola-U̒.”

YAHYA 16:33

Ngoa̒amilalo botie polele-U̒ mai alihu timongoli moo̒toduo mai moa̒ahu sababu motituwau wola-U̒. To dunia timongoli mamodutolo. Bo poo̒toheeta mola hilaamu! Dunia maa ilolaahe-U̒!”

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

IBRANI 2:18

Wau sababu Tio lohihilao mapee̒enta lodutolo wau yilimontala, Tio loo̒ tulungi tau-tauwalo tahe ilotuhata loimontala, sababu Tio lohihilao mapee̒enta yilimontala wau lodutolo.