YAHYA 14:16 - KITABI HABARI MOPIOHE

¹⁶ Wau̒ mohile mola li Paapa-U̒, wau Tio mamongohi mai olemu Tamoo-tulungia wewo, tamaa motibiluloa̒ pee̒-pee̒enta woli mongoli u ohiheo-hiheolo mao̒.

YAHYA 14:16 ပူးပေါင်းရင်းမြစ်များ

MATIUSI 28:20

Ajaalia mao̒ timongolio modungohe ngoa̒amila u mapilo malenta-U̒ mai olimongoli. Wau eelai mao̒ Wau̒ malaito pee̒-pee̒enta woli mongoli demola pulito lojamani.” 116

YAHYA 14:14

Boli wolo wambai̒o upohile limongoli to tanggulu-U̒, mapo hutuwo-U̒ mai.”

YAHYA 14:18

Timongoli diila tatolaa-U̒ tutuuwau debo odelo tadidu otiilo otiyamo. Wau̒ muli mohualingai ode olemu.

YAHYA 14:26

Bo Rohullah, Tamoo-tulungia tamaa laolo mai li Paapa-U̒ to tanggulu-U̒, Tiolo tamaa mongaajali olimongoli totoonulolalo mao̒ wau mamopoe̒ela olimongoli ngoa̒amila umaa piloo̒taa-U̒ olimongoli.

YAHYA 15:26

Wau̒ mamolao mai olemu Tamoo-tulungia u asaliilio mai monto li Paapa-U̒. Tiolo Rohu tamamo poi̒laalo mai obobanali pasali lo Allahu Taa̒ala. Wonu bolo Tio meidungga mai Tio mamongohi sakusi pasali ola-U̒.

YAHYA 16:22

Odito olo woli mongoli: Botia timongoli osuusawa lohilao, bo Wau̒ mamuli modunggaya woli mongoli, yi hilaamu mameengahu; wau diaaluo penu boli ngotaa mao̒ tamowali mohama owengahu boito monto hilaamu.

YAHYA 17:15

Watia diila mohile alihu ti Paapa mohama mola olimongolio monto dunia botie, bo Watia mohile alihu ti Paapa modaha olimongolio monto Ibilisi.

YAHYA 17:20

Diila bo ode limongolio wambao̒ Watia modua̒ mola. Watia modua̒ mola olo ode tau-tauwalo tamaa palacaya olaa-Tia lo ososakusi limongolio botie.

YAHYA 4:14

“bo taa mongilu taluhu u mawohi-U̒ mai madiilalo mototoa̒ngo poli ohiheo-hiheolo mao̒. Sababu tahulu u mawohi-U̒ boito mamowali mato lotaluhu todelomo batangalio u mopentelai ode bulemengio wau mongohi olio tutumulo ututuulio tutu wau ohiheo-hiheolo mao̒.”

YAHYA 7:39

Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

WUNGGULI LOMONGO RASULU 1:4

Wau tou̒ Tio lotia̒mbu woli mongolio, Tio longohi mao̒ palenta botie olimongolio, “Diila mao̒ tolai Yerusalemu. Pohimaapo teto tunggula ti Paapa-U̒ mongohi mai wolo umapilo dantia-Lio, deu̒ito-yito umapilo otaa-U̒ olimongoli tou̒ muloololio mai.

WUNGGULI LOMONGO RASULU 13:52

Tahidudua̒ to Antiokhia leengahe daa̒ wau kiluwaasa mai lo Rohullah.

WUNGGULI LOMONGO RASULU 9:31

Yi jamaa̒ to ngilanggubu Yudea, Galilea, wau Samaria malowali aamani. Bilantua mai lo Rohullah, lou̒ yiloohe to Eeya, jajaa-maa̒alo boito he iloduhenga mola lotolio wau daatalio.

ROMA 14:17

Sababu wonu Allahu Taa̒ala momalenta tutumulo lo tahingota-ngotaawa, wolo umowali tamelolio meaalo yilumolo, diilalo polohuna daa̒. U polohuna daa̒ yito deu̒ tau boito modudua̒ otohilaa lo Allahu Taa̒ala, molaasa oduo̒oto hilao wau mololimo wengahe uwohi lo Rohullah.

ROMA 15:13

Allahu Taa̒ala yito tambati potiwunela mola limongoli. Pohileaala dua̒ Tio mopoo̒polu mai hilaamu wolo ngoa̒amilalo wengahu wau salaamati sababu timongoli palacaya o-Lio, alihu wolo kawasa lo Rohullah timongoli lebe mao̒ motiwunela mola to Allahu Taa̒ala.

ROMA 5:5

Halapani udebo odelo utie diila tamoo̒ kikiio̒ hilaanto, sababu hilaanto matiluanga lo Allahu Taa̒ala wolo ponu-Lio. Allahu Taa̒ala lohutu mai uito lotimbulude to Rohu-Lio, u mailohi-Lio mai olanto.

ROMA 8:34

Wolo woluo tao̒hilaa mopotala olanto? Deti Isa Almasi tamopo duulua olanto! Tiolo tamailate, wau tumbao̒ Tiolo tamaaluli pilopo tumu-Lio mai lonto opopate wau maito totambati lo Allahu Taa̒ala tao̒kawasa.

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

PILIPI 2:1

Timongoli molotolo, sababu timongoli lotituwau woli Almasi. Wau timongoli iloliyango sababu ti Almasi lomonu olimongoli! Timongoli dilelo lo Rohullah, wau timongoli olo totoolia̒nga wau lodehu hilao ngota timongota.

2 TESALONIKA 2:16

Pohileaala dua̒ Eeyanto Isa Almasi lohihilao, wau Allahu Taa̒ala ti Paapanto moliyango wau mopoo̒ lotolo hilaa limongoli, alihu timongoli mowali mokalaja wau mopohabari wolo u mopiohe. Sababu Allahu Taa̒ala momonu olanto, wau sababu opopiohu hilaa-Lio Tio mohutu mai olanto tatapu wau molotolo hilao, wau mohalapu u mopiohe.

IBRANI 7:25

Masababu uito u ohiheo-hiheolo mao̒ ti Isa mowali mopoa̒ahu tahi ponao̒wa mai ode Allahu Taa̒ala motimbulude to o-Lio, sababu Tio tumutumulo ohiheo-hiheolo mao̒ u moo̒owoli mola polohone ode Allahu Taa̒ala duo̒lo tau-tauwala boito.

1 YAHYA 2:1

Mongo walau̒! Watia moluladei utie ode limongoli alihu timongoli diila mao̒ mohutu dusa. Bo wonu woluo tamohutu dusa, yi ito o ngotaalio tamo poduulua, deu̒ito-yito ti Isa Almasi taa̒adili boito; Tio mamo molohone mola olanto totalu lo Allahu Taa̒ala.

1 YAHYA 2:27

Bo tomimbihu olimongoli lohihilao, ti Almasi malo luwatai dadaata daa̒ Rohu-Lio olimongoli. Wau ngotilonggadu Rohu-Lio woluo toli mongoli, diila palalu woluo taawewo mongaajali olimongoli. Sababu Rohu-Lio mongaajali olimongoli pasali lo totoonulalo u hitua-tuawua; wau wolo u pilo ngaajali-Lio boito otutu, diila bo yimbulo. Sababu uito, mamusi timongoli modungohe tou̒ wolo u pilo ngaajali mai lo Rohu boito, wau mamusi timongoli debo tumutumulo motituwau woli Almasi.

2 YAHYA 1:2

Sababu Allahu Taa̒ala bilubiluloa̒ todelomo hilaanto, wau malaito woluo wolanto ohiheo-hiheolo mao̒.