YAHYA 14:14 - KITABI HABARI MOPIOHE

¹⁴ Boli wolo wambai̒o upohile limongoli to tanggulu-U̒, mapo hutuwo-U̒ mai.”

YAHYA 14:14 ပူးပေါင်းရင်းမြစ်များ

YAHYA 15:16

Diila timongoli talo lulaoto ola-U̒. Wau̒lo talo lulaotai olimongoli, wau mopoa̒hu olimongoli u momungo dadaata – huhuu-ngowaalo udiila mowali binasa. Yi ti Paapa-U̒ mamongohi mai olimongoli boli wolo upohile mola limongoli o-Lio to tanggulu-U̒.

YAHYA 16:23

Todulahu boito, timongoli diilalo mohintu wolo-wolo poli ola-U̒. Pomalacayalo: Penu boli wolo upohile mola limongoli toli Paapa-U̒ to tanggulu-U̒, uito mawohi mai li Paapa-U̒ olemu.

YAHYA 16:24

Tunggula tosaaa̒ti botie timongoli diipo lohile mola wolo-wolo to tanggulu-U̒. Pohileaalo mola, yi timongoli mamo lolimo, alihu owengahumu wimu-wimumuto ngoa̒amilalo.”

YAHYA 14:13

Wau penu boli wolo upohile limongoli to tanggulu-U̒, uito mapo hutuwo-U̒ mai olimongoli, alihu ti Paapa-U̒ pou̒daa̒alo moli Walao̒.

YAHYA 14:16

Wau̒ mohile mola li Paapa-U̒, wau Tio mamongohi mai olemu Tamoo-tulungia wewo, tamaa motibiluloa̒ pee̒-pee̒enta woli mongoli u ohiheo-hiheolo mao̒.

1 KORINTUS 1:4

Watia laito hemo sukuru ode Allahu Taa̒ala tomimbihu olimongoli, sababu timongoli malo lolimo odehu hilao lonto Allahu Taa̒ala lotimbulude li Isa Almasi.