YAHYA 14:12 - KITABI HABARI MOPIOHE

¹² Otutu banali tahuda-U̒ botie: Taa palacaya ola-U̒, mamohutu mao̒ wolo u mapilo hutu-U̒ mai, – tumbao̒ tio mamohutu ulebe udaa̒ poli – sababu Wau̒ monao̒ mola odeli Paapa.

YAHYA 14:12 ပူးပေါင်းရင်းမြစ်များ

MATIUSI 21:21

“Otutu,” tametao̒ li Isa, “Wonu timongoli palacaya wau diila molingu timongoli mowali mohutu mao̒ wolo umaa pilohutu-U̒ tobungo lo ara botie. Wau diila bo wambao̒ uito, tumbao̒ timongoli mamowali moloi̒ya ode huludu botie, ‘Pohuwatolo wau polemai̒lo mola ode delomo deheto’; yi sua̒li boito mamotoduo.

MARKUSI 11:13

Lonto u molamingo Tio loo̒onto mota bungo lo ayu ara u duungio mohumbuyungo. Oditolio Tio lonao̒ mota ode bungo lo ayu ara boito mota lomilohe bolo woluo hungolio. Bo tou̒ Tio leidungga mota ode bungo lo ayu ara boito, diaaluo mao̒ ilodungga-Lio, ngopohia bo wambao̒ duungio, sababu tou̒ boito diipo sembo lou̒ momungo.

MARKUSI 16:17

Odelo bukuti deu̒ timongolio boito palacaya, tau-tauwala boito mamopo hinggi rohu u moleeto to tanggulu-U̒; timongolio mamobisala todelomo bahasa udiila otaawa limongolio.

YAHYA 14:28

Mai̒lo dungohe limongoli upilo tahuda-U̒ mai, ‘Wau̒ mamonao̒, bo Wau̒ mamuli mohualingai ode limongoli’ Wonu timongoli motolia̒nga ola-U̒ timongoli masanangi Wau̒ monao̒ mola odeli Paapa-U̒, sababu ti Paapa-U̒ lebe udaa̒ wola-U̒.

YAHYA 16:7

Bo Wau̒ molele mai u otutu olemu: Lebe mopioheo̒ olimongoli, wonu Wau̒ mohualinga mola; sababu wonu wau̒ diila mohualinga mola, Tamoo-tulungia boito diila tamei dungga ode olemu.

YAHYA 4:37

Lumadu botie otutu olo, ‘Tangota mopomulo, tawewo mongotolo.’

YAHYA 5:20

Sababu Allahu Taa̒ala lomonu to Walao̒ wau lopobilohei o-Lio ngoa̒amila u pilohutu-Lio lohihilao. Tumbao̒ Allahu Taa̒ala mamopo bilohei o-Lio totoonulalo huhutu ulebe udaa̒ mao̒ poli tilinggula timongoli molinggolabe.

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

YAHYA 7:39

Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

WUNGGULI LOMONGO RASULU 10:46

Sababu timongolio loo̒dungohe tau-tauwala boito hipo bisalawa todelomo bahasa u hidala-dalaala wau hemomuji-muji mola odudaa̒ lo Allahu Taa̒ala. Lapatao̒ tei Petrus loloi̒ya mao̒,

WUNGGULI LOMONGO RASULU 16:18

Dengolo hui mola hiheolio taabua boito mololaalaaita hemo nguatia̒ odito. Oditolio tei Paulus madiilalo loo̒sabari, tilunggula tio maloili, tulusi loloi̒ya mao̒ ode rohu boito, “To tangguli Isa Almasi wau̒ momalenta olemu polahilo monto taabua botie!” Tou̒ boitolo olo rohu boito lololaa mao̒ taabua boito.

WUNGGULI LOMONGO RASULU 19:12

Wonu leto meaanto kaini pobintolo wohuta u boheli pee̒enta pilomake lei Paulus deloolio ode tahi ngongota, ngongoti mongolio mooli, wau rohu lolati olo molahi monto olimongolio.

WUNGGULI LOMONGO RASULU 2:33

Tio piludu-I̒o ode huhuloa̒a ulailaio̒ wau yiludua kawasa lo Allahu Taa̒ala, lapatao̒ lololimo Rohullah umaa pilodanti li Paapa. Wau u masaatia botie u ilodungohe wau iloontonga limongoli deu̒ito-yito Rohu boito u bilangguwa-Tio mai ode olami.

WUNGGULI LOMONGO RASULU 2:41

Ngohuntua tamaa pilalacaya tou̒ yiloi̒ya lei Petrus, lapatao̒ timongolio yilihualio. Yi jumulaa taa palacaya todulahee boito donggo iloduhenga mola tololihu lota.

WUNGGULI LOMONGO RASULU 4:16

Timongolio loloi̒ya, “Mamusi pohutunto woloolo mola totau-tauwalo botie? Ngoa̒amila tahi biluloa̒awa to Yerusalemu malotota deu̒ moo̒linggolabe upolu-polutuo̒ botie, hepilohutu limongolio duulota. Uito diila mowali paahunto.

WUNGGULI LOMONGO RASULU 4:33

Wolo kawasa u udaa̒ mongo rasulu boito helongohi sakusi deu̒ ti Isa maluli tilumumulai. Yi Allahu Taa̒ala laba-labaalo lobalakati mai olimongolio.

WUNGGULI LOMONGO RASULU 4:4

Bo tau-tauwalo tamaloo̒ dungohe pongaajali lomongo rasulu boito, dadaata tapalacaya. Yi jumulaa limongolio heilo duhenga mola tunggula malowali tanu limo lolihu lota.

WUNGGULI LOMONGO RASULU 5:15

Tumbao̒ owowoluwoalio tingga malowali odito, tilinggula tahi ngongota pilopo balatio toitaato tambati potuluhelo meaanto amongo, lapatao̒ dilelolio mota ode dalalo, alihu timongolio penu bo ngoi̒di otuhata lowolilu lei Petrus, wonu tei Petrus lumaodeo̒ teto.

WUNGGULI LOMONGO RASULU 6:7

Odieelo mola habari lo Allahu Taa̒ala helebe lololadu mola wau tahidudua̒ li Isa to Yerusalemu olo helebe iloduhenga mola daatalio, wau dadaata olo mongo iimamu tapalacaya li Isa.

WUNGGULI LOMONGO RASULU 8:7

Sababu roroo-huwaalo u moleeto mailumualao̒ lou̒ hiwatia̒ lonto taa dadaata tailo tuanga lolati. Tadidu mowali monao̒ wau penggo olo dadaata tapiloo̒ lulilio.

WUNGGULI LOMONGO RASULU 9:34

Tei Petrus loloi̒ya mao̒ odelei Eneas, “Eneas, ti Isa Almasi mamo poo̒luli mai olemu. Pobongulo mola wau pobelesia mao̒ potuluhemu.” Tou̒ boitolo olo tei Eneas lobongu.

WUNGGULI LOMONGO RASULU 9:40

Tei Petrus malo poa̒hu olimongolio ngoa̒amilalo yilumualo, lapatao̒ tio loti bonggohuu̒lo mola wau lodua̒. Lapatao̒ uito tio lotitalu mao̒ ode milate li Dorkas wau loloi̒ya, “Tabita, pabongulo!” Yi ti Dorkas malo mulahei, wau tou̒ tio loo̒onto olei Petrus tio malo tihuloo̒.

ROMA 15:19

udiludua̒ wolo totoonulalo u moo̒linggolabe wau susuu-aliyaalo upolu-polutuo̒; ngoa̒amilalo boito wolo kawasa lo Rohullah. Habari Mopiohe pasali li Isa Almasi mapilo habari lowatia ngoa̒amilalo ode tau-tauwala, tumulalo mai lonto Yerusalemu demola Ilirikum.