YAHYA 14:10 - KITABI HABARI MOPIOHE

¹⁰ Pilipus! Wolo yio̒ diila palacaya, deu̒ Wau̒ tuwau woli Paapa wau ti Paapa tuwau wola-U̒? Wolo umapilo tahuda-U̒ mai olemu, diila lonto ola-U̒ lohihilao. Ti Paapa-U̒ tadebo tuwau wolau̒, Tiolo tamohutu mai ngoa̒amilalo boito.

YAHYA 14:10 ပူးပေါင်းရင်းမြစ်များ

YAHYA 10:30

Wau̒ wau ti Paapa-U̒ yito tuwau.”

YAHYA 10:38

Bo sababu Wau̒ helohutu mao̒ uito, pomalacayalo tou̒ wolo u pilohutu-U̒ boito, eleponu timongoli diila mohuto palacaya ola-U̒. Lou̒ odito otaawa mao̒ limongoli wau mongalati deu̒ Allahu Taa̒ala debo tuwau wola-U̒, wau Wau̒ debo tuwau wolo Allahu Taa̒ala.”

YAHYA 11:26

Wau taa tumu-tumulo wau palacaya ola-U̒, diilalo mate ohiheo-hiheolo mao̒. Wolo yio̒ palacaya tosua̒li boito?”

YAHYA 12:49

Sababu Wau̒ diila lotahuda mai to hilaa-U̒ lohihilao; ti Paapa talolao mai ola-U̒, mati Paapalo boito talo malentai ola-U̒ wolo uwajibu potahuda-U̒ wau u potunggulo-U̒.

YAHYA 14:11

Pomalacayalo ola-U̒, deu̒ Wau̒ tuwau woli Paapa wau ti Paapa tuwau wola-U̒. Meaalo wonu diila, pomalacayalo sababu wolo u mapilo hutu-U̒ mai.

YAHYA 14:20

Wonu meidungga mai dulahu boito, mao̒taawa limongoli deu̒ Wau̒ motituwau woli Paapa, timongoli motituwau wola-U̒, wau Wau̒ motituwau woli mongoli.

YAHYA 14:24

Taa diila motolia̒nga ola-U̒, diila modudua̒ pongaajali-U̒. Pongaajali u ilodungohe limongoli boito, diila lonto ola-U̒, bo lonto li Paapa-U̒ talolao mai ola-U̒.

YAHYA 17:8

Mapilo tunggulao̒ lo Watia olimongolio tahuda u pilotahuda mai li Paapa olaa-Tia; wau timongolio malo lolimo mao̒. Otaawa limongolio deu̒ Watia otu-otutuulo mao̒ dungga-dungga mai lonto li Paapa wau timongolio palacaya deu̒ ti Paapaalo tamalolao mai olaa-Tia.

YAHYA 3:2

Tou̒ huilio tuwau tio lonao̒ mai odeli Isa wau loloi̒ya mao̒, “Paaa̒ Guru, otaawa lamiaatia ti Paaa̒ tailao mai lo Allahu Taa̒ala. Sababu diaaluo penu boli ngotaa mao̒ tamowali mohutu u moo̒linggolabe debo odelo upilohutu li Paaa̒, Wonu Allahu Taa̒ala diila wolio.”

YAHYA 5:17

Boti Isa lotahuda mao̒ olimongolio, “Allahu Taa̒ala debo hemo kalaja tunggula botia, wau Wau̒ olo musi mokalaja.”

YAHYA 5:19

Ti Isa lolametao̒ ode tau-tauwala boito odie, “Pomalacayalo, Walao̒ diila mowali mohutu wolo-wolo, wolo kawasaa-Lio lolohilao. Tio bo mohutu wolo u iloontonga-Lio pilohutu li Paapa-Lio. Sababu wolo u pilohutu li Paapa-Lio, uito olo u pohutuo lo Walao̒.

YAHYA 7:16

Ti Isa lolametao̒, “U pilongajali-U̒ botie diila ajalani-U̒, bo ajalani-Lio lo talolao mai ola-U̒.

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

YAHYA 8:38

Wolo u iloontonga-U̒ toli Paapa-U̒, uitolo olo upilo tahuda-U̒ mai. Hiambola timongoli mohutu wolo u pilo ngaajali lipaapamu olemu.”

YAHYA 8:40

Wau̒ mopo tunggulai olemu obobanali u ilodungohe-U̒ lonto Allahu Taa̒ala, bo timongoli ohilaa momate ola-U̒ mate-mateelo mao̒. Tei Abraham diila lohutu debo odelo uito!

WUNGGULI LOMONGO RASULU 10:38

Otaawa limongoli deu̒ Allahu Taa̒ala malo lulaotao̒ li Isa taulo Najaret boito wau longohi o-Lio Rohullah wau kawasa. Otaawa limongoli olo deu̒ ti Isa boito malonao̒ ode tilolahepalo mao̒ helohutu u mopiohe; Tio lopoo̒luli ngoa̒amila tau tahe kiluwaasa lo Ibilisi, sababu Allahu Taa̒ala pee̒-pee̒enta wo-Lio.

2 KORINTUS 5:19

Amiaatia helo pohabari deu̒ lotimbulude li Almasi, Allahu Taa̒ala lohutu mai manusia luli lopiiohe wolo batanga-Lio. Allahu Taa̒ala lohutu mai lou̒ diila lopoilaalo suusa totoonulalo totala u mapilohutu lomanusia ode batanga-Lio. Wau amiaatia maa tilugasia lo Allahu Taa̒ala u lopohabari habari boito.

KOLOSE 1:19

Allahu Taa̒ala lohihilaolo talo kahandaki alihu totoonulalo hitua-tuawua uwoluo tobatanga lo Allahu Taa̒ala, woluo olo wolo wimu-wimumuto tobatanga lo Wala-I̒o.

KOLOSE 2:9

Sababu ngoa̒amila watade lo Allahu Taa̒ala bilu-biluloa̒ toli Almasi, deu̒ito-yito to omanusia-Lio.

1 YAHYA 5:7

Mohelu totolu sakusi: Rohullah, taluhu wau duhu – toto-totoolulo boito mongohi sakusi u tutuuwauwa.