YAHYA 14:1 - KITABI HABARI MOPIOHE

¹ “Diila mao̒ pobalisa hilaamu,” tahuda li isa olimongolio. “Pomalacayalo to Allahu Taa̒ala, wau pomalacayalo ola-U̒ olo.

YAHYA 14:1 ပူးပေါင်းရင်းမြစ်များ

JABURU 43:5

Yilongola hilaa lowatia suukali wau balisa? Watia hemo tiwunela mola to Allahu Taa̒ala, yi watia mamuli mosukuru mola to Eeya, to Allahu Taa̒alau̒ wau tahe lopoa̒ahu mai olaatia.

JABURU 77:10

Wolo mai̒lo lipata lo Allahu Taa̒ala u momonu mai? Wolo Eeya malo muluka, tilinggula diilalo lodehu hilao̒?”

YESAYA 26:3

Yaa Eeya, Eeya longohi mai dame wau aamani maa̒amulu wau sontosa totaa u molotolo hilaalio sababu tio yakini to Eeya.

YEREMIA 8:18

Hilaa lowatia loa̒ladu wau lolaasa longongoto, suukali daa̒ hilaa lowatia diila owunema.

YAHYA 11:33

Tou̒ ti Isa loo̒onto oli Maria hiyo-hiyongo, wau tau-tauwalo Yahudi talonao̒ mai woli Maria boito olo hehiyonga, hilaa-Lio masiluukali, wau oontonga lodehu daa̒ hilaa-Lio.

YAHYA 12:27

“Hilaa-U̒ lawa-lawalo; wolo umusi loi̒yaa-U̒ botia? Wolo waajibu Wau̒ moloi̒ya, ‘Paapa, lopatalo mai Watia monto saaa̒ti botie’? Bo tumbao̒ u molaasa mao̒ saaa̒ti polodutolo botieelo Watia lonao̒ mai.

YAHYA 12:44

Lapatao̒ ti Isa malo ngiibodu, “Taa palacaya ola-U̒, diila to ola-U̒ tio palacaya, bo to o-Lio talolao mai ola-U̒.

YAHYA 13:19

Sua̒li boito potunggulo-U̒ mai botia olemu, tou̒ diipo motoduo mai, alihu wonu sua̒li boito de motoduo mai, timongoli mapalacaya mao̒ deu̒ Wau̒lo Tio tai̒lunte, WA-U̒ WOLUO.

YAHYA 16:24

Tunggula tosaaa̒ti botie timongoli diipo lohile mola wolo-wolo to tanggulu-U̒. Pohileaalo mola, yi timongoli mamo lolimo, alihu owengahumu wimu-wimumuto ngoa̒amilalo.”

YAHYA 16:3

Timongolio mohutu mai uito olemu sababu timongolio diipo moo̒onuhe li Paapa-U̒ meaalo ola-U̒.

YAHYA 16:6

Botia tumbao̒ hilaamu lowali siluukali, sababu Wau̒ lopoo̒taa mai sua̒li boito olemu.

YAHYA 5:23

Allahu Taa̒ala lohutu uito alihu ngoa̒amila tau mohulumati to Walao̒ debo odelo timongolio mohulumati to Allahu Taa̒ala. Taa diila mohulumati to Walao̒ diila mohulumati olo to Allahu Taa̒ala tamalolao mai to Walao̒.

YAHYA 6:40

Memangi uti-utieelo u otohilaa li Paapa-U̒: alihu ngoa̒amila tau moo̒onto to Walao̒ boito wau palacaya o-Lio o tutumulo tutu wau ohiheo-hiheolo mao̒, wau muli bongulo-U̒ mai to Dulahu Kiama.”

2 KORINTUS 2:7

Botia timongoli musi mongambungu olio wau muli mohuntula olio alihu tio diila botie suukali daa̒ lohilao tunggula yilooli halapani.

EPESUS 1:15

Sababu uito, anggadu watia loo̒dungohe deu̒ timongoli palacaya li Isa Eeya, wau timongoli motolia̒ngo ngoa̒amila umati lo Allahu Taa̒ala,

2 TESALONIKA 2:2

Diila mao̒ polamemeto molingu meaalo balisa sababu woluolio habari deu̒ malei dungga dulahio lo Eeya Isa muli meidungga mai. Tanu habari boito asaliilio mai monto tuwaulio lo nubuwati, meaalo monto tuwaulio lo pongaajali, meaalo mowaliilio woluo tamoloi̒ya deu̒ amiaatia mapee̒enta lolulade u odito todelomo tala tuwau lotulade lamiaatia.

1 PETRUS 1:21

Motimbulude o-Liolo timongoli palacaya to Allahu Taa̒ala tamaaluli lopotumulai o-Lio lonto opopate wau lopou̒daa̒ o-Lio. Oditolio, Allahu Taa̒alaalo tai̒laku mao̒ limongoli wau to Allahu Taa̒alaalo olo timongoli mopowunelo halapani.