YAHYA 13:34 - KITABI HABARI MOPIOHE

³⁴ Palenta bohu wohi-U̒ mai olemu: Tolia̒ngilo ngota timongota, debo odelo Wau̒ motolia̒ngai olimongoli odito olo timongoli musi mototoo-lia̒nga.

YAHYA 13:34 ပူးပေါင်းရင်းမြစ်များ

JABURU 119:63

Watia hemo tamania wolo taa saale, ngoa̒amila taa u hemo ponao̒ palenta lo Eeya.

JABURU 16:3

Hehurumatio lowatotia tau-tauwalo tahi mantalia tolipu botie; ilohilaa lowatotia yito motitolaa pee̒-pee̒enta woli mongolio.

IMAAMATI 19:18

Diila mao̒ pomalasi niyati wau diila mao̒ polonuo̒ totaa wewo, bo tolia̒nga mao̒ timongotamu debo odelo timongoli motolia̒nga batanga limongoli lohihilao. Wau̒lo Eeya.

IMAAMATI 19:34

Pohutua mao̒ timongolio debo odelo timongoli mopohutu mao̒ tau-tauwalo ngobangusa limongoli wau tolia̒ngi mao̒ timongolio debo odelo timongoli motolia̒ngo batanga limongoli lohihilao. Eelai mola deu̒ timongoli olo mapee̒enta tilumumulo odelo tau deli to Masiri. Wau̒lo Eeya Allahu Taa̒ala limongoli.

MATIUSI 5:44

Bo botia potahuda-U̒ mai olimongoli: tolia̒nga mao̒ mongo satulumu, wau dua̒i mola tau-tauwalo tahipo ngalinayawa olimongoli,

YAHYA 15:17

Uti-utieelo palentaa-U̒ to olemu: tolia̒ngalo ngota timongota.”

YAHYA 17:21

Pohile laa-Tia, Paapa, alihu timongolio ngoa̒amila mowali tuwau, debo odelo ti Paapa lotituwau mai wolaa-Tia, wau Watia woli Paapa. Pohileaala dua̒ timongolio mowali tuwau wolaan-To alihu dunia palacaya deu̒ ti Paapa talolao mai olaa-Tia.

ROMA 12:10

Mamusi Mongo wutato mototoo-lia̒anga ngota timongota wolo tataabia lohilao debo odelo tau-tauwalo tamohutato todelomo ungaalaa̒, wau wajibulio timongoli tinggai mumuuloa mongohi hulumati.

ROMA 13:10

Taa u motolia̒ngo taawewo, diila tamohutu u moleeto ode tau boito. Oditolio taa u motolia̒nga timongotalio yito taamalo poo̒polu ngoa̒amila danti butoo̒ lo agama.

ROMA 13:8

Diila mao̒ pobuli penu boli wolo too̒lita wambai̒o, ngopohia biloli tolia̒ngo ode ngota-timongota. Sababu tamo tolia̒ngo ngota timongotalio, malo poo̒polu ngoa̒amila butoe̒e Musa.

GALATIA 5:22

Bolii̒o mao̒, wonu tau-tauwalo dilelo lo Rohullah, tilapulio yito: Timongolio mototoo-lia̒nga, timongolio meengahe, timongolio oduo̒ota lohilao, timongolio sabali wau obudi, timongolio mopiohe ode taa wewo, timongolio tatapu wau molotolo hilao,

GALATIA 5:6

Sababu wonu ito malo tituwau woli Isa Almasi, sua̒li modudua̒ meaalo diila modudua̒ wuu̒du lotuuna diilalo mowali sua̒li. U polohuna daa̒ bo palacaya wambao̒ li Almasi, wau uito oontonga todelomo tolia̒ngonto ode taawewo.

GALATIA 6:10

Oditolio, ngotilonggadu ito ohiyangio, mamusi ito mohutu u mopiohe ode ngoa̒amila tau, laba-labaalo mopiohu ode mongo wutatonto tangoi̒imani.

GALATIA 6:2

Mamusi mobabaantua momanta banta lotau, alihu lou̒ odito timongoli modungohe palenta li Almasi.

EPESUS 5:2

Tutumuli mongoli mamusi napasiyalo wolo tolia̒ngo, debo odelo ti Almasi olo lomonu olanto. Tio lopo bake batanga-Lio olanto, odelo tuwaulio lodewo umoonu wau moo̒sanangi hilaa lo Allahu Taa̒ala.

1 TESALONIKA 3:12

Pohileaala dua̒ Eeya mohutu mai olimongoli lebe motolia̒nga ngota timongota wau lebe motolia̒ngo ngoa̒amila tau, tilinggula tolia̒ngi mongoli boito hemo duduuhenga mola tutuuwauwa debo odelo tolia̒ngo lamiaatia olimongoli.

2 TESALONIKA 1:3

Mongo wutato, amiaatia laito musi molapali mola oduo̒lo ode Allahu Taa̒ala sababu timongoli. Wau memangi patutilio amiaatia mohutu mao̒ odito, sababu timongoli helebe palacaya li Almasi, wau timongoli helebe motolia̒nga ngota timongota.

IBRANI 13:1

Mamusi timongoli debo motolia̒nga ngota timongota odelo tau-tauwalo Nasara tamohutato.

YAKOBUS 2:8

Timongoli mohutu u otutu, wonu timongoli moponao̒ butoo̒ lo yilaidia uwoluo todelomo ayati lo Kitabi botie, “Tolia̒nga mao̒ timongotamu debo odelo timongoli motolia̒ngo batangamu lohihilao.”

1 PETRUS 1:22

Sababu timongoli lodungohe to pongaajali lo Allahu Taa̒ala, yi timongoli lopo belesi batanga wau timongoli lotolia̒nga tau-tauwalo tango iimani lou̒ ihilasi. Sababu uito, mamusi timongoli motolia̒nga ngota timongota wolo lealeaatu lohilao.

2 PETRUS 1:7

Wau tumumulo modudua̒ u otohilaa lo Allahu Taa̒ala musi olo poimumutolo wolo modehu hilao tomongo wutato ngoi̒imani. Wumbutio mola mamusi tolia̒ngumu tomongo wutato ngoi̒imani duhengalo wolo tolia̒ngo ode taa ngoa̒amila.

1 YAHYA 3:11

Tumulalo mai bohulio mapilo tunggulio mai habari botie olimongoli; Ito musi motolia̒nga ngota timongota.

1 YAHYA 3:23

U pilomalenta-Lio mai to olanto yito: Ito musi palacaya to Wala-I̒o, deu̒ito-yito ti Isa Almasi, wau ito musi mototoo-lia̒nga, debo odelo umaa pilomalentai li Almasi to olanto.

1 YAHYA 4:21

Sababu uito, utieelo palenta uilohi mai li Almasi to olanto: Titaalo tita tamo tolia̒ngo Allahu Taa̒ala musi olo motolia̒ngo wutatio.

2 YAHYA 1:5

Sababu uito, Ibu, pohile lowatia lou̒ tio̒otutua alihu ito ngoa̒amila mototoo-lia̒nga. U tiloo̒owoli mai lowatia botie diila tuwaulio lopalenta u bohu; palenta botie mailohi mai olanto tumulalo bohulio ito palacaya.