YAHYA 13:32 - KITABI HABARI MOPIOHE

³² Wonu Allahu Taa̒ala pou̒daa̒alo moli o-Lio, Tio olo pou̒daa̒ mai lo Allahu Taa̒ala moli batanga-Lio lohihilao. Tumbao̒ Allahu Taa̒ala mahua̒a mopou̒daa̒ mai o-Lio.

YAHYA 13:32 ပူးပေါင်းရင်းမြစ်များ

YAHYA 12:23

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.

YAHYA 17:1

Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

1 PETRUS 3:22

wau malo botula mola ode sologa. Masaatia Tio okawasa pee̒-pee̒enta wolo Allahu Taa̒ala wau hemo malenta ngoa̒amila malai̒kati, ngoa̒amila tao̒kawasa wau ngoa̒amila olootolo.

WAHI 22:1

Malai̒kati boito olo lopo bilohei olaatia dutula u taluhio mongohi tutumulo. Dutula boito hei̒nta-intaawa debo odelo Kristali, wau tolo-tolohei lonto tambati huhuloa̒ lo Allahu Taa̒ala wau Walao̒ Himba boito,

WAHI 22:13

Wau̒lo tabohulio wau tapulitio; Wau̒lo Eeya monto Bohulio demola Pulitio.”

WAHI 22:3

Todelomo kota boito diaaluo penu boli tuwau mao̒ u ilotuhata laa̒nati lo Allahu Taa̒ala. Tambati huhuloa̒ lo Allahu Taa̒ala wau Walao̒ Himba boito maa odungga todelomo kota boito. Mongo wato-Lio mataa̒aluku wau mohulumati to o-Lio,

WAHI 3:21

Timongolio taloo̒haama, mapo luasiyo-U̒ motihuloa̒a totambati lo huhuloa̒a-U̒ pee̒-pee̒enta wola-U̒, tutuuwauwa debo odelo Wau̒ lohihilao olo maloo̒haama wau masaatia hulohuloa̒a pee̒-pee̒enta woli Paapa-U̒ totambati lo huhuloa̒a-Lio.