YAHYA 13:3 - KITABI HABARI MOPIOHE

³ Otaawa li Isa deu̒ ti Paapa-Lio malohudu mai ngoa̒amila okokawasa ode o-Lio. Otaawa-Lio olo deu̒ dudunggaa-Lio mai monto Allahu Taa̒ala wau mamuli mohualinga mola ode Allahu Taa̒ala.

YAHYA 13:3 ပူးပေါင်းရင်းမြစ်များ

MATIUSI 11:27

Lapatao̒ ti Isa lobisala, “Totoonulalo u hitua-tuawua mailudu mai li Paapa ode laatia. Diaaluo penu boli ngotaa mao̒ tamotota to Walao̒ ngopohia li Paapa. Diaaluo olo tamotota li Paapa ngopohia Walao̒, wau tau-tauwala ode tatoonu Walao̒ boito mopoo̒taa mao̒ pasali li Paapa.

MATIUSI 28:18

Ti Isa lohimbideo̒ olimongolio wau lotahuda mao̒, “Ngoa̒amila kawasa tosologa wau todunia mailudu-Lio mai ola-U̒.

LUKASI 10:22

Toonulalo u hitua-tuauwa mailudu mai li Paapa to olaa-Tia. Diaaluo mao̒ penu boli ngota tamotota to Walao̒, ngopohia li Paapa. Diaaluo olo tamotota li Paapa, ngopohia lo Walao̒; wau tau-tauwala too̒lita Walao̒ boito yinao mopoo̒taa li Paapa.”

YAHYA 1:18

Diaaluo tapee̒enta mao̒ loo̒onto Allahu Taa̒ala, ngopohia Walao̒ tuwa-tuwaulo lo Allahu Taa̒ala, u tutuuwauwa wolo Allahu Taa̒ala wau mohulanga daa̒ wo-Lio. Tiolo talo poi̒laalo mai Allahu Taa̒ala to olanto.

YAHYA 13:1

Ngohui tou̒ diipo Dulahu Buka Paska, otaawa li Isa deu̒ maa wakutuulio Tio mololaa mao̒ dunia botie wau muli mohulinga mola odeli Paapa-Lio. Tio momonu totau-tauwalo talowali milikii-Lio todunia, wau Tio debo momonu olimongolio tunggula pulitio.

YAHYA 17:2

Ti Paapa malohudu mai kawasa to ngoa̒amila umati lomanusia ode Walao̒, alihu Tio mongohi tutumulo ututuulio tutu wau ohiheo-hiheolo mao̒ ode ngoa̒amila tamailudu mai li Paapa o-Lio.

YAHYA 3:13

Diaaluo penu boli ngotaa tapee̒enta mao̒ lobotula mola ode sologa, ngopohia Tio tamalo laahei ode dunia, deu̒ito-yito Walao̒ Manusia.

YAHYA 3:35

Allahu Taa̒ala momonu Wala-I̒o, wau malohudu totoonulalo kawasa to o-Lio.

YAHYA 7:29

Wau̒ moo̒onuhe o-Lio, sababu Wau̒ asaliilio mai lonto o-Lio, wau Tiolo talolao mai ola-U̒.”

YAHYA 7:33

Ti Isa lotahuda mao̒ totaa dadaata boito todelomo Bele lo Eeya, “Bo ngopee̒ mola wambao̒ Wau̒ donggo pee̒-pee̒enta woli mongoli. Lapatao̒ uito Wau̒ mamuli mohualinga mola ode talolao mai ola-U̒.

YAHYA 8:14

Ti Isa lolametao̒, “Eleponu Wau̒ mongohi mai sakusi pasali lo batanga-U̒ lohihilao, sakusi-U̒ boito otutu; sababu otaawa-U̒ lonto utoonu mai dudunggaa-U̒ wau ode utoonu nonao̒o-U̒. Diila otaawa limongoli lonto utoonu mai dudunggaa-U̒, wau ode utoonu nonao̒o-U̒.

YAHYA 8:42

Lapatao̒ ti Isa lotahuda ode limongolio, “Humayaalio Allahu Taa̒ala boito ti Paapamu, timongoli mamo tolia̒nga ola-U̒, sababu Wau̒ dungga-dungga mai lonto Allahu Taa̒ala. Wau̒ dungga-dungga mai diila wolo hilaa-U̒ lohihilao, bo Tiolo tamalolao mai ola-U̒.

WUNGGULI LOMONGO RASULU 2:36

Uito sababuulio ngoa̒amila taulo Isirai̒lu musi motota otu-otutuulo mao̒ deu̒ ti Isa tasilalipu limongoli boito, ti Isa boitolo olo tamaa pilowali lo Allahu Taa̒ala lowali Eeya wau Olongia Tamoo-poa̒ahua!”

1 KORINTUS 15:27

Todelomo Kitabi tulatulade odie, “Allahu Taa̒ala malohutu mai totoonulalo u hitua-tuawua taa̒luku to o-Lio.” Malo patatai deu̒ u pilatuju lou̒ “totoonulalo u hitua-tuawua” uito diila leituwoto Allahu Taa̒ala lohihilao, tamohutu totoonulalo u hitua-tuawua boito taa̒luku toli Almasi.

IBRANI 1:2

Bo tojamani pulitio botie Tio lotahuda mai olanto wolo lotimbulude to Wala-I̒o. Lotimbulude to Wala-I̒o botieelo Allahu Taa̒ala lopowali mai ngoilanggubu aalamu. Wau Allahu Taa̒ala malolantu mao̒ deu̒ Wala-I̒o botieelo olo tao̒haku motolo miliki totoonulalo u hitua-tuawua.