YAHYA 13:22 - KITABI HABARI MOPIOHE

²² Tahidudua̒ o-Lio lobibiilohe ngota timongota wolo hilinggolabe daa̒ sababu diila otaawa limongolio tatoonu tahe makusuduo-Lio.

YAHYA 13:22 ပူးပေါင်းရင်းမြစ်များ

ILOOWALI 42:1

Tou̒ tei Yako loo̒dungohe deu̒ woluo pale to Masiri, malo loi̒ya tio ode mongo walai̒o, “Yilongola timongoli bo hipoo̒oyonga wambai̒o?

MATIUSI 26:21

Tou̒ timongolio donggo hipolamela, ti Isa lotahuda mao̒, “Dungohi: ngotaalio limongoli mamo hiyanati ola-U̒.”

MATIUSI 26:22

Loo̒dungohe uito, tahidudua̒ li Isa mahi suukalia daa̒. Tulusi timongolio, ngota-ngota malohintu li Isa, “Tantu diila watia tahe makusuduo li Paaa̒?”

MARKUSI 14:18

Wau tou̒ timongolio donggo hihuloa̒a hipolamela, Ti Isa lotahuda mao̒, “Dungohi mai: ngotaalio towolota limongoli, u masaatia botie hemo lamela pee̒-pee̒enta wola-U̒ mamo hiyanati ola-U̒.”

MARKUSI 14:19

Loo̒dungohe uito, tahidudua̒ li Isa mahi suukalia daa̒. Tulusi ngota-ngota malohintu mao̒ li Isa, “Tantu diila watia tamilakusudu li Paaa̒?”

LUKASI 22:21

“Bo bilohi! Taa u mohiyanati ola-U̒ woluo tewe pee̒-pee̒enta wola-U̒.

LUKASI 22:23

Yi timongolio mahipo hihiintua ngota timongota, tatoonu towolota limongolio tamamohutu mao̒ sua̒li boito.

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’

YAHYA 13:21

Lapatao̒ ti Isa lotahuda odito, malodehu daa̒ hilaa-Lio. Lapatao̒ Tio lotahuda mao̒, “Otutu banali tahuda-U̒ botie: tala ngota limongoli mamo hiyanati ola-U̒.”