YAHYA 13:21 - KITABI HABARI MOPIOHE

²¹ Lapatao̒ ti Isa lotahuda odito, malodehu daa̒ hilaa-Lio. Lapatao̒ Tio lotahuda mao̒, “Otutu banali tahuda-U̒ botie: tala ngota limongoli mamo hiyanati ola-U̒.”

YAHYA 13:21 ပူးပေါင်းရင်းမြစ်များ

MATIUSI 26:21

Tou̒ timongolio donggo hipolamela, ti Isa lotahuda mao̒, “Dungohi: ngotaalio limongoli mamo hiyanati ola-U̒.”

MATIUSI 26:38

Tio lotahuda mao̒ ode tahidudua̒ o-Lio, “Hilaa-U̒ suukali daa̒, lasaalo debo odelo maamate wambao̒. Potitolapo tewe timongoli, wau poduduo̒lo mopoo̒daha-dahaalo mao̒ wola-U̒.”

MARKUSI 14:18

Wau tou̒ timongolio donggo hihuloa̒a hipolamela, Ti Isa lotahuda mao̒, “Dungohi mai: ngotaalio towolota limongoli, u masaatia botie hemo lamela pee̒-pee̒enta wola-U̒ mamo hiyanati ola-U̒.”

MARKUSI 3:5

Wolo nahutu ti Isa lomilohe mota topali-Tio, bo Tio olo siluukali, sababu mailaba baaa̒ngi limongolio. Tulusi Tio lotahuda mao̒ ode tau boito, “Wudua mai uluu̒mu.” Tau boito lohudu mao̒ uluu̒lio, wau uluu̒lio loluli lomola.

YAHYA 11:33

Tou̒ ti Isa loo̒onto oli Maria hiyo-hiyongo, wau tau-tauwalo Yahudi talonao̒ mai woli Maria boito olo hehiyonga, hilaa-Lio masiluukali, wau oontonga lodehu daa̒ hilaa-Lio.

YAHYA 11:35

Lapatao̒ ti Isa mahilu moyongo. Yi tau-tauwalo Yahudi boito malo loi̒ya, “Bilohi, donggo boli ponu-Lio olei Lajarus!”

YAHYA 11:38

Luli lodehu daa̒ hilaa li Isa, lapatao̒ malonao̒ mota ode kuubulu. Kuubulu boito yito gowa tuwau u hileu̒talio wolo botu leidaa̒.

YAHYA 12:27

“Hilaa-U̒ lawa-lawalo; wolo umusi loi̒yaa-U̒ botia? Wolo waajibu Wau̒ moloi̒ya, ‘Paapa, lopatalo mai Watia monto saaa̒ti botie’? Bo tumbao̒ u molaasa mao̒ saaa̒ti polodutolo botieelo Watia lonao̒ mai.

YAHYA 13:18

Wolo u tilahuda-U̒ mai botie diila tomimbihu olimongoli ngoa̒amila. Otaawa-U̒ tita-tita tamaa tilulaotu-U̒. Bo wolo u tulatuladu todelomo Kitabi, musi motoduo mai, deu̒ito-yito, ‘Taa molamela wola-U̒, mamoluwali ola-U̒.’

YAHYA 13:2

Ti Isa wau tahidudua̒ o-Lio donggo hipolamela hui. Ibilisi malo potuwoto niyatilio ode hilaa lei Yudas walae̒e Simon Iskariot u mohiyanati li Isa.

YAHYA 13:22

Tahidudua̒ o-Lio lobibiilohe ngota timongota wolo hilinggolabe daa̒ sababu diila otaawa limongolio tatoonu tahe makusuduo-Lio.

WUNGGULI LOMONGO RASULU 17:16

Tou̒ tei Paulus donggo hemohima olei Silas wolei Timotius to Atena, hilaalio siluukali loo̒onto mao̒ kota boito polupolu lo bubuu-iyaalo.

1 YAHYA 2:19

Mumuu-suwaalo li Almasi boito yito tau-tauwalo tamaa lololaa mao̒ olanto, sababu timongolio otutuulio mao̒ memangi diila taunto. Wonu timongolio taunto, tantu timongolio debo pee̒-pee̒enta wolanto. Bo timongolio lololaa mao̒ olanto, alihu mopatatolo mai deu̒ diaaluo penu boli ngotaa mao̒ limongolio tatio̒otutua meituwoto to kaumunto.