YAHYA 13:19 - KITABI HABARI MOPIOHE

¹⁹ Sua̒li boito potunggulo-U̒ mai botia olemu, tou̒ diipo motoduo mai, alihu wonu sua̒li boito de motoduo mai, timongoli mapalacaya mao̒ deu̒ Wau̒lo Tio tai̒lunte, WA-U̒ WOLUO.

YAHYA 13:19 ပူးပေါင်းရင်းမြစ်များ

YESAYA 41:23

Poleleaalo mai wolo u mamotoduo, alihu otaawa lami deu̒ timongoli otutu ilahi. Pohutuwalo u ohuna meaambo u moo̒luhi, alihu ami molinggolabu moo̒onto mao̒.

YESAYA 43:10

Wuu umati-U̒, timongolilo sakusii-U̒, timongoli tilulaotu-U̒ mowali mongo wato-U̒, alihu motota ola-U̒ wau yakini ola-U̒, wau mongalati deu̒ Wau̒ulo Allahu Taa̒ala. Wau̒ Allahu Taa̒ala Taa Laba-labaalo tuwau, diaaluo wewolio tou̒ dipo-dipoolulio mai wau lapatio mao̒ Wau̒.

YESAYA 48:5

Tumulalo muloololio mai mailamali-U̒; tou̒ diipo lotoduo, maa piloo̒taa-U̒ mai, alihu yio̒ diila mao̒ moloi̒ya, deu̒ uito huhutu lo bubuu-iyaalo balaahalamu.

MALEAKHI 3:1

Totametai lo Eeya Taa Laba-labaalo kawasa, “Wau̒ mamolao mai utoliya-U̒ u mopodapato dalalo ola-U̒. Yi wolo tumahuo̒lo mola Wau̒, Eeya tahe lolohu olimongoli, mamei dungga ode Belee-U̒. Utoliya-U̒ tahe wooloolo limongoli boito mamei dungga mai wau mopo malalumu daantiaa-U̒.”

MATIUSI 11:3

“Ti Paaa̒alo tamamei dungga mai modudua̒ danti lo Allahu Taa̒ala, meaanto amiaatia musi mohima mai taawewo?”

MATIUSI 24:25

Oditolio, poo̒toloma mao̒! Wau̒ malo poo̒taa mai olimongoli leimulo tou̒ sua̒li boito diipo motoduo mai.

LUKASI 21:13

Uitolo hiyangio olimongoli u mopohabari Habari Mopiohu monto Allahu Taa̒ala.

YAHYA 1:15

Tei Yahya lonao̒ mai odelo sakusii-Lio, tio lopo habari: “Tabotieelo Tio tailoi̒yaau̒: Tio mamei dungga meimulo wolau̒, bo lebe mao̒ udaa̒ wolau̒, sababu tou̒ wau̒ dipoolu, tio mailoluo.”

YAHYA 14:29

Wau̒ mopoo̒taa mai uito to olemu botia, tou̒ ngoa̒amilalo boito diipo motoduo mai, alihu de wonu motoduo mai, timongoli mapalacaya.

YAHYA 16:4

Bo botia poo̒taa-U̒ mai uito olemu, alihu wonu uito bolo motoduo mai, mae̒ela mola limongoli deu̒ Wau̒ malo poo̒taa mai uito olimongoli.” “Sua̒li botie diila piloo̒taa-U̒ olimongoli tou̒ bohulio mai, sababu Wau̒ donggo pee̒-pee̒enta woli mongoli.

YAHYA 4:26

“Wau̒lo Tio,” tahuda li Isa, “Wau̒ tabotia donggo hemo bisala wolemu.”

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

YAHYA 8:58

Ti Isa lolametao̒, “Otutu Wau̒ motahuda mai olemu: tou̒ tei Abraham diipo pilotutulio mai, Wau̒ mawoluo.”