YAHYA 13:16 - KITABI HABARI MOPIOHE

¹⁶ Otutu banali tahuda-U̒ botie: wato ngota diila lebe udaa̒ woli tuanilio, wau utolia ngota diila lebe udaa̒ wolo talolao olio.

YAHYA 13:16 ပူးပေါင်းရင်းမြစ်များ

LUKASI 6:40

Diaaluo muri talebe udaa̒ wolo gurulio. Bo muri tamai lapato lobalajali, mamowali tutuuwauwa debo odelo gurulio.

YAHYA 15:20

Eelei mao̒ wolo umapilo tahuda-U̒ mai olimongoli, ‘Wato diila lebe udaa̒ woli tuanilio.’ Wonu timongolio malo ngalinaya ola-U̒, timongolio olo mamo ngalinaya olimongoli. Wonu timongolio moduduo̒ pongaajali-U̒, timongolio olo mamoduduo̒ pongaajalimu.

YAHYA 3:3

Ti Isa lolametao̒, “Pomalacayalo, diaaluo penu boli ngotaa mao̒ tamowali pongawaa̒ umati lo Allahu Taa̒ala, wonu tio diila muli potutuolio mai.”

YAHYA 3:5

Ti Isa lolametao̒, “Otutu banali tahuda-U̒ botie: Wonu tau diila potutuolio mai monto taluhu wau monto Rohullah, tau boito diila mowali pongawaa̒ umati lo Allahu Taa̒ala.

2 KORINTUS 8:23

Tomimbihu olei Titus, tio yito tamani lowatia, tahemo kalaja wolaatia u motulungi olimongoli. Wau pasali lowutato duulota boito, talonao̒ pee̒-pee̒enta wolio, timongolio yito tailao lo jajaa-maa̒alo wau lowali owengahi Almasi.

PILIPI 2:25

Tomimbihu wutatonto tei Epaproditus tailao mai limongoli lomantu olaatia, watia molaasa palalu u muli mei̒ walinga mola olio ode limongoli. Tio malohiyo olaatia tokalaja wau polohipate lowatia.