YAHYA 13:14 - KITABI HABARI MOPIOHE

¹⁴ Wonu Wau̒ odelo Eeya wau Guru mongulo mai oa̒atumu, yi timongoli olo waajibu mongunguuloa mao̒ oa̒ati mongoli.

YAHYA 13:14 ပူးပေါင်းရင်းမြစ်များ

YAHYA 11:2

Ti Maria yito taabua talo looheo̒ yinulo moonu ode oa̒ati Isa, wau pilaidelio wolo huwoi̒o. Tou̒ wakutu tuwau tei Lajarus longongoto.

WUNGGULI LOMONGO RASULU 20:35

Todelomo totoonulalo palakala watia malongohi mai obaaya olimongoli deu̒ wolo mokalaja tio̒otutua debo odelo utie ito musi motulungi tau-tauwalo tadiila hilootola. Sababu ito musi moe̒ela mola wolo u mapilo tahuda mai li Isa Eeya lohihilao, ‘Lebe sanangi tutu mongohi wolo mololimo.’ ”

ROMA 12:10

Mamusi Mongo wutato mototoo-lia̒anga ngota timongota wolo tataabia lohilao debo odelo tau-tauwalo tamohutato todelomo ungaalaa̒, wau wajibulio timongoli tinggai mumuuloa mongohi hulumati.

ROMA 12:16

Poti tumulolo wolo mopiohe wau aamani ngota timongota. Diila mao̒ poti batingga lohilao, bo potuuu̒delo batangamu wolo tadupa-dupapa huhuloa̒lio. Diila mao̒ ponganggapu batanga lebe motota wolo u otutuulio mao̒.

1 KORINTUS 12:3

Musi otaawa mao̒ limongoli deu̒ tatilau̒wa lo Rohullah diila mowali moloi̒ya, “Malaa̒-laa̒natilo ti Isa!” Odito olo penu boli ngotaa mao̒ diila mowali moloi̒ya, “Ti Isaalo Eeya!” wonu tau boito diila tilau̒wa lo Rohullah.

1 KORINTUS 8:13

Uito sababuulio, wonu ua̒alo moo̒sababu wutato lowatia ilodusa, yi watia sama-samaata diilalo molamela tapu. Sababu diila bolo wutato lowatia odusa sababu watia.

2 KORINTUS 10:1

Botia watia, Paulus, ohilaa moo̒owoli mai hitua-tuawua olimongoli. Watia botie, modudua̒ heloi̒ya lotau, molumboyoto hale wonu motaalua woli mongoli, bo buheli wonu lalaaminga. Naa, sababu olumboyoto hale wau opopiohe hilaa li Almasi,

2 KORINTUS 8:9

Sababu otaawa limongoli tutu deu̒ ito otolia̒ngo daa̒ li Isa Almasi Eeyanto. Tio kaya bo Tio lohutu batanga-Lio lowali mosikini ode polohuna daa̒ limongoli, alihu wolo omosikini-Lio boito, timongoli mowali kaya.

GALATIA 5:13

Wutato matilia-Ngio u lowali talo lopato. Bo diila mao̒ pomakea ololopato limongoli boito u mololaalaaita mohutu wolo wambai̒o u otohilaa pohutuo limongoli. Bolii̒o mao̒, timongoli musi mototoolia̒nga wau momamaayawa.

PILIPI 2:11

Timongolio ngoa̒amilalo mamomasisi deu̒ ti Isa Almasilo Eeya; lou̒ odito Allahu Taa̒ala ti Paapa polaio̒lo.

1 TIMOTIUS 5:10

otaawa lo ulipu odelo taabua tahemohutu susuu-aliyaalo u mopiohe odelo humayaalio: malo pou̒daa̒ mola mongo walai̒o lou̒ mopiohe, sanangi mololimo tataa-muwaalo tamo hepito ode belelio, mohinta tau-tauwalo tapalacaya, tau-tauwalo momantu tahi suusawa, wau mohutu lou̒ otu-otutuulo mao̒ totoonulalo kalaja mopiohe u hidala-dalaala.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

1 PETRUS 4:1

Sababu ti Almasi malo dutolo delo pohuli lobatanga, timongoli olo musi mopolotolo batanga wolo tilihula udebo odelo uito. Sababu taa u modutolo delo pohuli lobatanga diilalo mohutu dusa.

1 PETRUS 5:5

Odito olo Wutato, tau-tauwalo tahumula. Potaa̒lukulo totau-tauwalo tahi hulanga. Mongo wutato ngoa̒amilalo musi motidupapa lobatanga wau momaa-maayawa wolo dupadupapa lohilao. Sababu todelomo Kitabi tulatulade odie mola, “Allahu Taa̒ala motehengi taa sombongi, bo momonu tadupa-dupapa lohilao.”