YAHYA 12:32 - KITABI HABARI MOPIOHE

³² Bo Wau̒ botie, wonu Wau̒ mapilo laii̒o toitaato dunia, mabantanga-U̒ ngoa̒amila tau ode ola-U̒.”

YAHYA 12:32 ပူးပေါင်းရင်းမြစ်များ

OLUO LO SAMUEL 18:9

Tou̒ tei Absalom malotitae̒ to bagaliilio, debolo tio lodunggaya wolo tahidudua̒ olei Dauda. Bagali boito lolibaya towalungo bungo lo ayu uleidaa̒ wau moopa, yi malei tangatolo lunggonge Absalom to tangolio ngopata. Bagaliilio boito tete-teteeo̒ tulusi hiambola tei Absalom leitolaa wau leintayanga teto.

LAHU MOLAMAHU 1:4

Motidapatolo ito, yaa olongiyau̒, delowalo wau̒ ode delomo huwalimu. Sababu yio̒ ami ngoa̒amila motiwengahu, wau momuji tolia̒ngumu mongilabotao̒ lo angguru; patutilio mongo dulahu ohilao olemu!

YESAYA 11:10

Wakutuulio mamei dungga ngotaalio li olongia wali mai lei Dauda mowali bungo lopotuoto babaa-ngusawalo. Timongolio mamonao̒ mai ode olio, wau tambati biluloa̒alio mapoo-pupuujialio.

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

HOSEA 11:4

Wolo totoonulalo odehu hilaa-U̒, pilopo wimbidiu-U̒ mai tio ode Olau̒. Totoonulalo polodutolio pilopo heelu-U̒, wau wolo muula lohilao yilohiya-U̒ tio ua̒alo.

YIA̒APO 21:9

Yi tei Musa malohutu mao̒ tulidu lonto tombaha wau ntilangio mola toitaato wolihi ngoputu. Timii̒du taa u tilopango tulidu, mowali moluli wonu momilohe tulidu tombaha boito.

YAHYA 1:7

Tio lonao̒ mai lopo habari pasali lotilango boito, alihu ngoa̒amila tau palacaya.

YAHYA 12:34

Taa dadaata boito loloi̒ya mao̒ o-Lio. “Modudua̒ Buku lo Butoo̒ lami, Olongia Tamoo-poa̒ahua matumumulo ohiheo-hiheolo mao̒. Woloolo mola Yio̒ mowali moloi̒ya deu̒ Walao̒ Manusia musi polaio̒lo toitaato dunia? Tatoonu Walao̒ Manusia boito?”

YAHYA 18:32

Utie motoduo alihu pohupohutu wolo upilo tahuda li Isa tomimbihu pohuliilio tou̒ Tio maamate mao̒.)

YAHYA 19:17

Ti Isa yilumualai wolo potapota lohihilao salipu-Lio ode tambati u ilunte “Tambati lo Bakakau”. (Todelomo bahasa lo Ibrani ilunte Golgota.)

YAHYA 3:14

Tutuuwauwa debo odelo tei Musa malopo botula mola tulidu tombaha tobatango ayu ngoputu tohuta datahu u luasi daa̒ wau delita, odito olo Walao̒ Manusia paatuti pobotulolo,

YAHYA 6:44

Diaaluo penu boli ngotaa tamowali monao̒ mai ode ola-U̒, wonu Allahu Taa̒ala talolao ola-U̒, diila modelo mai olio ode ola-U̒; wau tatoonu tamonao̒ mai ode ola-U̒, mabongulo-U̒ to Dulahu Kiama.

YAHYA 8:28

Sababu uito ti Isa lotahuda mao̒ olimongolio, “De wonu timongoli malo palaio̒ mola Walao̒ Manusia, timongoli mamotota deu̒ ‘Wau̒lo Tio tai̒lunte WAU̒ WOLUO’, wau timongoli mamotota deu̒ diaaluo penu boli tuwau mao̒ u pilohutu-U̒ monto batanga-U̒ lohihilao. Wau̒ bo wambao̒ motahuda wolo upilo ngaajali mai li Paapa ola-U̒.

GALATIA 3:13

Boti Almasi lopo lopato mai olanto lonto laa̒nati butoo̒ lo agama. Tio lohutu uito lou̒ lopoluli mai batanga-Lio laa̒laa̒nati sababu ito. Sababu todelomo Kitabi tulatulade, “Malaa̒-laa̒natilo tailate ntilayango towolihi lo ayu.”

1 TIMOTIUS 2:6

Tio ngotaalio lomanusia tamalohudu batanga-Lio u lolopato ngoa̒amila tau lonto duduu-sawaalo limongolio. Woleeto Allahu Taa̒ala lopobilohu towakutu u tiluhata, deu̒ Tio ohilaa alihu ngoa̒amila tau poa̒ahuwolo.

IBRANI 2:9

Bo ito maloo̒onto li Isa okawasa! Tio pilo powali lebe dupadupapa ngopee̒ wolo malai̒kati todelomo wakutu u ngoi̒nta lomato, alihu to opopiohu hilaa lo Allahu Taa̒ala Tio mowali mate duo̒lo ngoa̒amila umati lomanusia. Ito moo̒onto o-Lio botia yilohia huhuloa̒ u molamahu wau hulu-hulumati sababu Tio malo dutolo tunggula yilate.

1 PETRUS 2:24

Ti Almasi lohihilao talomanta totoonulalo dusaanto tobatanga-Lio toitaato ayu salipu, alihu ito molopato monto okokawasa lodusa, wau tumumulo modudua̒ u otohilaa lo Allahu Taa̒ala. Papaa-liyaalo li Almasi boitolo u lopoo̒luli olimongoli.

1 PETRUS 3:18

Sababu ti Almasi lohihilao yilate bo pee̒enta wambao̒, u ohiheo-hiheolo mao̒ sababu dusa lomanusia – ngotaalio tadiila ototala, yilate ode taa ototala. Ti Almasi lohutu uito alihu Tio mowali modelo olimongoli ode Allahu Taa̒ala. Tio pilatelio yila-yilateelo mao̒ delo pohuli lobatanga, bo luli pilotumulai delo pohuli lo rohu.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.