YAHYA 12:2 - KITABI HABARI MOPIOHE

² Mola teto ti Isa tilamelao̒ limongolio, wau ti Marta talohinta o-Lio. Tei Lajarus wau tahe tiloduo lotihuloa̒a lolamela pee̒-pee̒enta woli Isa.

YAHYA 12:2 ပူးပေါင်းရင်းမြစ်များ

LAHU MOLAMAHU 4:16

Pobongulo, wuu dupoto tilayo, podunggaalo mai, wuu dupoto huliaalio! Pohiipolo mai to ilengiu̒, alihu woonulio motue̒ete. Pohileaala dua̒ tilantahuu̒ meidungga ode ilengilio, wau molamela huhuu-ngolio u motabo.

MATIUSI 26:6

Tou̒ ti Isa to Betania, tobele lei Simon tamuloololio mai ongongoto lo alipo u moo̒tihela hapato,

MARKUSI 14:3

Tou̒ ti Isa to Betania, tobele lei Simon tao̒moo̒omolu ongongoto lo alipo u moo̒tihela hapato, taabua ngota lonao̒ mai ode o-Lio. Tio lodelo mai butulu puwalamu moputio̒ tuwau tuatuanga yinulo moonu u mahale, pilohutulio lonto waa̒ato u moonu. Tou̒ ti Isa donggo hulo-huloa̒a hemo lamelo, taabua boito lomoo̒ butulu boito wau loluwatao̒ winulo moonu boito odeitaato lunggongi Isa.

LUKASI 12:37

Donggo boli pae̒daalio tahi pomayawa u odungga donggo hemohima towakutu tituanilio meidungga mai. Pomalacayalo: tituani boito mamoti dapato wau mopoa̒hu mao̒ tahi pomayalio boito motihuloa̒a, tulusi tio mohinta olimongolio.

LUKASI 14:12

Tulusi tahuda mao̒ li Isa totaa ohuu̒wo lobele, “Wonu bolo yio̒ moloduo tau ode potihunggu molamela dulahu meaalo melamelo hui, diila mao̒ poloduo tamani meaalo wutato, meaalo mongo ilaato, meaalo tiheedumu takaya. Sababu de timongolio tamaa moloduo olemu olo, wau lou̒ odito yio̒ mololimo pahala to huhutuumu.

LUKASI 22:27

Tatoonu talebe udaa̒: taa u hulohuloa̒ hemolamela tomeja, meaalo taa u hemohinta olio? Matantu taa u hulohuloa̒ boito. Bo Wau̒ woluo towolota limongoli odelo tamoomayawa.

LUKASI 5:29

Lapatao̒ uito tei Lewi lohutu potihunggu tobelelio odeli Isa. Dadaata tamootagia beya wau tau-tauwalo wewolio lodudua̒ lolamela pee̒-pee̒enta woli mongolio.

WAHI 3:20

Bilohi! Wau̒ tihutihula totalu lohuhebu wau hemongokoo̒. Wonu woluo taa u modungohe sualaa-U̒, wau momuo̒ mao̒ huhebu, Wau̒ matumuwoto modunggaya wolio; Wau̒ mamo lamela pee̒-pee̒enta wolio wau tio molamela pee̒-pee̒enta wola-U̒.