YAHYA 12:16 - KITABI HABARI MOPIOHE

¹⁶ Tou̒ boito tahidudua̒ li Isa diipo mongalati ngoa̒amilalo boito. Bo lapatio mao̒ ti Isa pilou̒daa̒ wolo opapate-Lio, bolo timongolio loo̒e̒ela mola deu̒ u pilohutu lotau-tauwala o-Lio boito malei tuladu todelomo Kitabi tomimbihu o-Lio.

YAHYA 12:16 ပူးပေါင်းရင်းမြစ်များ

MARKUSI 16:19

Lapatao̒ ti Isa Eeya helo bisala woli mongolio, Tio bilinta-I̒o, mola ode sologa. Mola teto Tio momalenta pee̒-pee̒enta wolo Allahu Taa̒ala.

MARKUSI 9:32

Tahidudua̒ o-Lio diila mongalati u pilo ngaajali li Isa, bo timongolio moohe mohintu o-Lio.

LUKASI 18:34

Ngoa̒amilalo boito diila ilotonea̒ penu boli ngoi̒di mao̒ lo tahidudua̒ li Isa boito. Boli lo tataahe-Lio boito hehuliyo-Lio monto olimongolio. Diila otaawa limongolio Tio helo bisala pasali loolo.

LUKASI 24:25

Lapatao̒ ti Isa lotahuda mao̒ olimongolio, “Timongoli memangi mohulodu! Mailaba pomboyongi mongoli u momalacaya ngoa̒amila u mailoi̒ya lomongo nabi!

LUKASI 24:45

Lapatao̒ ti Isa malomuo̒ pikiilangi limongolio alihu mongalati makusudu lo Kitabi.

LUKASI 9:45

Bo tahidudua̒ li Isa boito diila mongalati tahuda-Lio boito. Sua̒li boito hitua-tuawua u sangaja hetuuo̒lo toli mongolio alihu timongolio diila mongalati. Bo timongolio moohe mohintu sua̒li boito o-Lio.

YAHYA 12:23

Ti Isa lotahuda mao̒ ode limongolio, “Mawakutuulio Walao̒ Manusia pou̒daa̒alo.

YAHYA 14:26

Bo Rohullah, Tamoo-tulungia tamaa laolo mai li Paapa-U̒ to tanggulu-U̒, Tiolo tamaa mongaajali olimongoli totoonulolalo mao̒ wau mamopoe̒ela olimongoli ngoa̒amila umaa piloo̒taa-U̒ olimongoli.

YAHYA 16:4

Bo botia poo̒taa-U̒ mai uito olemu, alihu wonu uito bolo motoduo mai, mae̒ela mola limongoli deu̒ Wau̒ malo poo̒taa mai uito olimongoli.” “Sua̒li botie diila piloo̒taa-U̒ olimongoli tou̒ bohulio mai, sababu Wau̒ donggo pee̒-pee̒enta woli mongoli.

YAHYA 17:5

Paapa! Pou̒daa̒alo mai Watia botia toli Paapa, wolo odudaa̒ u mililiki lo Watia pee̒-pee̒enta woli Paapa tou̒ dunia botie diipo pilowali mai.

YAHYA 2:22

Oditolio lapatio mao̒, tou̒ ti Isa bilongu mai monto opopate, mai̒loe̒ela mola lo tahidudua̒ o-Lio deu̒ sua̒li boito mapee̒enta pilotahuda-Lio. Yi malo malacaya timongolio tou̒ wolo u tulatuladu todelomo Kitabi wau tou̒ wolo u tilahuda li Isa.

YAHYA 7:39

Ti Isa lotahuda pasali lo Rohullah, u matolimo lotau-tauwalo tapalacaya o-Lio. Sababu tou̒ boito Rohullah diipo yilohi-Lio mai; sababu ti Isa diipo pilolaio̒ wolo opopate-Lio.)

WUNGGULI LOMONGO RASULU 2:33

Tio piludu-I̒o ode huhuloa̒a ulailaio̒ wau yiludua kawasa lo Allahu Taa̒ala, lapatao̒ lololimo Rohullah umaa pilodanti li Paapa. Wau u masaatia botie u ilodungohe wau iloontonga limongoli deu̒ito-yito Rohu boito u bilangguwa-Tio mai ode olami.

WUNGGULI LOMONGO RASULU 2:36

Uito sababuulio ngoa̒amila taulo Isirai̒lu musi motota otu-otutuulo mao̒ deu̒ ti Isa tasilalipu limongoli boito, ti Isa boitolo olo tamaa pilowali lo Allahu Taa̒ala lowali Eeya wau Olongia Tamoo-poa̒ahua!”

WUNGGULI LOMONGO RASULU 3:13

Allahu Taa̒ala tahe tuboo lei Abraham, lei Isihaka, lei Yako, Allahu Taa̒ala linenemoyanto, Allahu Taa̒ala boito tamaa lopolaio̒ Wato-Lio, deu̒ito-yito ti Isa. Ti Isa boitolo tailudu limongoli ode tahidihima kawasa, wau hetiluwali limongoli totalu lei Pilatus, tou̒ tei Pilatus ohilaa molopata o-Lio.

IBRANI 12:2

Mamusi bibilohunto duludulunga odeli Isa, sababu Tiolo talo pobongu mai iimaninto wau lolaalao̒ tou̒ bohuliolo mai dilumutu pulitio. Ti Isa tatapu owowoluwoalio lodutolo to ayu salipu! Tio diila paduli deu̒ mate to ayu salipu boito yito tala tuwau sua̒li umoo̒olito. Tio bo hemoe̒ela mola oweengahe umaa olasaa-Lio lapatio mao̒. Masaatia Tio hulohuloa̒ to ambahu olowala totambati huhuloa̒lo Allahu Taa̒ala wau hemo malenta pee̒-pee̒enta wo-Lio.

IBRANI 8:1

Bungo lou̒ ngoa̒amilalo bisalanto botie yito: Ito o Iimamu Daa̒ tadebo odelo uito, tahulo-huloa̒ hemomalenta pee̒-pee̒enta wolo Allahu Taa̒ala Laba-labaalo udaa̒ tosologa.