YAHYA 11:54 - KITABI HABARI MOPIOHE

⁵⁴ Sababu uito ti Isa diilalo lotibilohei totalu lotaa dadaata towolota taulo Yahudi. Tio malo lolaa mao̒ Yudea, tulusi lonao̒ ode kota u ilunte Epraim membideo̒ lohuta datahu u luasi daa̒ wau delita. Mota teto Tio lotibiluloa̒ pee̒-pee̒enta wolo tahidudua̒ o-Lio.

YAHYA 11:54 ပူးပေါင်းရင်းမြစ်များ

OLUO LO SAMUEL 13:23

Dulo taunu mola lapatio mao̒ tei Absalom helohutu pohuntingalo lambuto himba to Baal-Hajor, membideo̒ lokota Epraim, wau tio helo loduo ngoa̒amila walao̒ talolai̒ li olongia.

OLUO TAWARI 13:19

Tou̒ tei Abia helo hilapita pasuukani lei Yerobeam, tio helohama dengolo kota wolo kakaa-mbunguwalo totililio. Kokoo-tawaalo boito yito Betel, Yesana wau Epron.

YAHYA 10:40

Ti Isa luli lohualinga ode ngotuwali lo Dutula Yordan, totambati u muloololio mai hepopolihua lei Yahya, lapatao̒ malo tibiluloa̒ mola teto.

YAHYA 18:20

Ti Isa lolametao̒, “Wau̒ laito hemo bisala wolo juujulu totalu lotaa dadaata. Wau̒ laito hemo ngaajali tobele potabiyaalo wau to Bele lo Allahu Taa̒ala, tambati taulo Yahudi u biasaalio hemo ambuwa. Diila pee̒enta mao̒ Wau̒ helo bisala wolo-wolo lou̒ tuua̒ao̒-tuua̒ao̒.

YAHYA 7:1

Lapatao̒ uito ti Isa malonao̒ ode utoonulalo mao̒ to Galilea. Tio diila lohuto ode madala lo Yudea sababu tahidihima kawasa lo Yahudi mola teto o makusudu momate olio mate-mateelo mao̒.

YAHYA 7:10

Lapatao̒ mongo wuta-Tio lonao̒ ode lameyangi boito, wolo poo̒-poo̒oyo ti Isa malonao̒ lohihilao lou̒ diila ilotaawa lotau.

YAHYA 7:13

Bo diaaluo penu boli ngotaa mao̒ tabuheli mobisala juujulu tomimbihu o-Lio sababu timongolio moohe to tahidihima kawasa lo Yahudi.

YAHYA 7:4

Diaaluo taa u mamoluuo̒ wolo u pohutuolio, wonu tio motohilaa mowali otaawa lotaa dadaata. Wonu Yio̒ mohutu susuu-aliyaalo debo odelo uito ngoilanggubu dunia musi motota!” (