YAHYA 11:52 - KITABI HABARI MOPIOHE

⁵² Wau diila bo ode bangusa lo Yahudi wambao̒, bo olo u mongambu wau mopotuwau mao̒ mongo walao̒ Allahu Taa̒ala tamalo bubuua̒yawa.

YAHYA 11:52 ပူးပေါင်းရင်းမြစ်များ

ILOOWALI 49:10

Tei Yehuda mamodihu tunggudu lo bele biluloa̒ saaha li olongia, waliilio mola mamomalenta ohiheo-hiheolo mao̒. Babaa-ngusawalo mamodelo mai doi uwajibu pomayali odeli olongia, wau mosujudu wolo taa̒luku totalulio.

JABURU 22:15

Lotolo watotia helo pulito debo odelo taluhu u lobangguwato, ngoa̒amila tulalo watotia lolopato lonto leletualio, wau hilaa lowatotia lodidi debo odelo talu.

JABURU 22:27

Taa mosikini mamolamelo tunggula mobutuhu; taa u monao̒ mai ode Eeya mamomuji mola to Eeya. Pohileaala dua̒ timongoli aamani sontosa wau maa̒muru ohihieo-hiheolo mao̒!

JABURU 72:19

Ilopujiaalo mola tanggu-Lio u udaa̒ ohiheo-hiheolo mao̒; pohileaala dua̒ ngoilanggubu dunia mopolu mai wolo omumulia-Lio! Powaliilo mola odito. Amin!

YESAYA 49:18

Bilohilo wau tontoongilo mota to palitumu, ulipumu, malo tia̒mbu wau lonao̒ mai de olemu. Domi Wau̒, Allahu Taa̒ala tatumu-tumulo, Wau̒ motahuda mai, otutu, yio̒ mameengahu sababu tuango lipumu, debo odelo bulaintiti taabua meengahu sababu pakelio.

YESAYA 49:6

Eeya lotahuda mai ode laatia, “Tuugasi ulebe udaa̒ mao̒ hemohima olemu, wuu wato-U̒; yio̒ diila bo mamopo walinga labito wali mai lei Yako wau moponguli odudaa̒ susuu-kuwaalo Isirai̒lu, bo powaliyo-U̒ mai olo baango lo babaa-ngusawalo, alihu ngoilanggubu dunia poa̒ahuwolo.”

YESAYA 55:5

Timongoli mamotianga babaa-ngusawalo deli, wau timongolio hua̒a monao̒ mai de olemu, domi Wau̒, Eeya Allahu Taa̒alamu, Allahu Taa̒ala tamantali lo Isirai̒lu, sababu Wau̒ malo pou̒daa̒ olimongoli.”

YESAYA 56:8

Odieelo mola tahuda mai lo Eeya Taa Laba-labaalo molanggato talo depita Isirai̒lu lohualingai lonto polayahu, “Wau̒ mamodelo tau-tauwalo wewo u moheehea̒ woli mongolio tamalo tia̒mbu.”

YESAYA 60:4

Bilohilo wolo u lotoduo to palitumu; ulipu lotia̒mbu u mohualingai de olemu. Mongo walau̒mu talolai̒ monao̒ mai monto u molamingo, mongo walau̒mu taabua biloowolio.

YEHESKIEL 34:12

debo odelo ngotaalio lodiiti mololohe wau mohimoa̒ hihii-mbaalio u lobubuu-ayaawa tulusi lolaalaao̒ olimongolio. Timongolio madeloo-U̒ mohualingo monto totoonulalo tambati iloololade limongolio to dulahee u modio̒lomo wau marapo boito.

HOSEA 1:10

Bangusa lo Isirai̒lu mamowali mola dadaata wau daatalio debo odelo hungayo to deheto, tilinggula diilalo otonggade meaalo oyia̒apo. Botia Allahu Taa̒ala lotahuda ode limongolio, “Timongoli diila umati-U̒,” bo mamei dungga wakutuulio Tio mamotahuda mai ode limongolio, “Wau̒lo Allahu Taa̒ala tatumu-tumulo wau timongoli mongo walau̒u-U̒!”

LUKASI 15:8

“Meaalo humayaalo mao̒ taabua ngota odoi mopulo pita doi talaa̒, tulusi iloolia ngopita – tingga wolo umaa pohutuolio? Tio mamo podei̒to tohe wau mongaa̒to belelio wau mololohe penu boli deu̒toonu tunggula motapulio doi boito.

LUKASI 2:32

debo odelo baango ulopo baangai dalalo babaa-ngusawalo wewo, tau monao̒ mai ode Eeya; deu̒ito-yito baango u mopotoduo mai ohulumati duo̒lo umati-Mu Isirai̒lu.”

YAHYA 1:12

Penu boli odito debo woluo olo talo lolimo o-Lio wau palacaya o-Lio: timongolio yilohia-Lio haku lowali Walao̒ Allahu Taa̒ala,

YAHYA 1:29

Loloombulio mola, tei Yahya loo̒onto li Isa lonao̒ mai ode olio. Tulusi tei Yahya loloi̒ya mao̒, “Bilohi, boi-boitolo Walao̒ Himba lo Allahu Taa̒ala tamo luluto dusa lodunia.

YAHYA 10:16

Donggo woluo hihii-mbawaalo uwewo hakuu-U̒ olo, bo diila waiwaito todelomo himbala lohimba botie. Timongolio olo musi deloo-U̒ wau timongolio mamo dungohe sualaa-U̒. Timongolio ngoa̒amilalo mamowali ngopo himbala wolo ngota ditilio.

YAHYA 12:32

Bo Wau̒ botie, wonu Wau̒ mapilo laii̒o toitaato dunia, mabantanga-U̒ ngoa̒amila tau ode ola-U̒.”

WUNGGULI LOMONGO RASULU 18:10

Sababu Wau̒ pee̒-pee̒enta wolemu. Diaaluo penu boli ngotaa mao̒ tamoo̒hutu mai u moleeto olemu, sababu ngohuntua taa tokota botie yito tautau-U̒.”

ROMA 3:29

Meaalo Allahu Taa̒ala boito Allahu Taa̒ala taulo Yahudi wambao̒? Diila, Tio olo Allahu Taa̒ala lobangusa wewo? Ooo̒, memangi Tio olo Allahu Taa̒ala lobangusa wewo!

ROMA 4:17

Sababu Allahu Taa̒ala lotahuda odie odelei Abraham, “Wau̒ malo powali olemu tiyamo ode dadaata bangusa.” Odieelo mola Allahu Taa̒ala longohi mai danti boito odelei Abraham, wau tei Abraham palacaya to o-Lio. Tiolo Allahu Taa̒ala tamopo tumulai taa mate; Tiolo olo Allahu Taa̒ala u wolo tahuda-Lio wambao̒ helohutu mai wolo udipo pee̒enta woluo lowali woluo.

EPESUS 1:5

yi Tio malolantu leimulo deu̒ lotimbulude li Isa Almasi, Tio mamomuduo̒ olanto mowali mongo wala-I̒o lohihilao. Wau memangi ui-uitolo u otohilaa pohutuo-Lio.

EPESUS 3:11

Allahu Taa̒ala lohutu mai uito lotuuu̒de wolo lanjana-Lio u ohiheo-hiheolo mao̒, upilo ponao̒-Lio lotimbulude li Isa Almasi Eeyanto.

YAKOBUS 1:1

Mongo wutato umati lo Allahu Taa̒ala ngoa̒amilalo taloo̒-loo̒opo to ngoilanggubu dunia! Salamu lonto olaatia, Yakobus, wato lo Allahu Taa̒ala wau wato lo Eeya Isa Almasi.

1 PETRUS 1:1

Mongo wutato umati tatilulaoto Allahu Taa̒ala taloo̒-loo̒opo tolipu wewo tambati popeehumolo tutumulo tomadala lo Pontus, Galatia, Kapadokia, Asia, wau Bitinia! Watia, Petrus, rasulu li Isa Almasi, motiwunela pohileaala dua̒ Allahu Taa̒ala mongohi mai balakati wau salaamati olimongoli lou̒ daata-daatalo mao̒. Timongoli tilulaoto lowali umati lo Allahu Taa̒ala lotuu̒de wolo lanjana lo Allahu Taa̒ala ti Paapa. Wau Rohullah malo powali olimongoli umati tamantali, tolomodu duo̒lo Allahu Taa̒ala, alihu timongoli modungohe li Isa Almasi wau pomantaliyo wolo duhu-Lio.

1 YAHYA 2:2

Lou̒ motimbulude li Isa Almasi boitolo duduu-saanto ilambungu-Lio. Wau diila bo duduu-saanto wambao̒, tumbao̒ dusa ngoilanggubu umati lomanusia olo.

1 YAHYA 3:1

Bilohi mao̒ malo odito ponu lo Allahu Taa̒ala olanto, tilinggula ito ilaku-Lio odelo mongo wala-I̒o. Wau memangi ito yito mongo walao̒ Allahu Taa̒ala. Uitolo sababuulio dunia u moleeto botie diila motota olanto, sababu dunia diila motota lo Allahu Taa̒ala.

1 YAHYA 3:10

Utieelo hiheedio towolota lomongo walao̒ Allahu Taa̒ala wolo mongo walao̒ Ibilisi; titaalo tita diila mohutu kahandaki lo Allahu Taa̒ala, meaalo diila motolia̒ngo wutatio, yi tio diila walao̒ Allahu Taa̒ala.

1 YAHYA 3:2

Mongo wutato tao̒tolia̒ngo! Ito botia yito mongo walao̒ Allahu Taa̒ala, bo owowoluwonto de diipo mopatato. Bo otaawanto deu̒ wonu ti Almasi meidungga mai, ito mamowali debo odelo Tio, sababu mamoo̒onto o-Lio todelomo owowoluwoa-Lio u otutuulio mao̒.

WAHI 5:9

Timongolio hemo polahu mola lahu tuwau u bohu: “Yio̒ paatuti mohama mao̒ buku boito wau momoo̒ sesee-heliilio. Sababu Yio̒ mapilatelio yila-yilateelo mao̒, wau wolo opopate-Mu, manusia monto totoonulalo suku, bahasa, lipu wau bangusa matilali-Mu ode Allahu Taa̒ala.