YAHYA 11:47 - KITABI HABARI MOPIOHE

⁴⁷ Sababu uito tau-tauwalo Parisi wau mongo iimamu tau̒wa malohutu dudunggaya wolo Mahakama Agama. Timongolio loloi̒ya, “Wolo umusi pohutuwonto? Tau botie malohutu dadaata u moo̒linggolabu!

YAHYA 11:47 ပူးပေါင်းရင်းမြစ်များ

MATIUSI 26:3

Tou̒ boito mongo iimamu tau̒wa wau mongo tau̒wa lo Yahudi hia̒mbua totambati bele biluloa̒ saaha li Iimamu Daa̒ Kayapas.

MATIUSI 5:22

Bo botia potahuda-U̒ mai olimongoli, titaalo tita tamoingo taawewo, maa adiliyolo; wau titaalo tita tamomuayo taawewo, maa adiliyolo totalu lo Mahakama Agama. Wau titaalo tita moloi̒ya taawewo, ‘Mohulodu’, paatuti tapilola ode delomo tulu lonalaka.

MARKUSI 14:1

Donggo duuhui mola Dulahu Paska, wau Lameyangi lo Roti Diila Oragi. Mongo iimamu tau̒wa wau guguu-ruwaalo agama donggo hipololohe dalalo u moheu̒pa li Isa lou̒ poo̒poo̒yo, wau momate o-Lio mate-mateelo mao̒.

LUKASI 22:2

Mongo iimamu tau̒wa wau guguu-ruwaalo agama hipololohe dalalo lou̒ poo̒-poo̒oyo u momate li Isa mate-mateelo mao̒, sababu timongolio moohe totaa dadaata.

YAHYA 11:57

Timongolio loloi̒ya mao̒ uito sababu mongo iimamu tau̒wa wau tau-tauwalo Parisi malo polualao̒ palenta deu̒ taa motota tou̒toonu ti Isa woluo, musi mopo dulohei alihu Tio mowali wau̒polo.

YAHYA 12:19

Yi tau-tauwalo Parisi malo loi̒ya ngota timongota, “Ito diila mowali mohutu wolo-wolo! Bilohilo wambao̒, ngoilanggubu dunia lonao̒ lodudua̒ o-Lio!”

YAHYA 2:11

Ui-uitolo bohulo moo̒linggolabe u pilohutu li Isa. Tio lohutu uito to Kana to Galilea. Wolo tuoto boito Tio lopobilohe odudaa̒-Lio. Yi tahidudua̒ o-Lio palacaya o-Lio.

YAHYA 6:2

Leidungga mola odito, dadaata talo dudua̒ o-Lio sababu timongolio maloo̒onto u moo̒linggolabu hepilohutu-Lio wolo lopoo̒luli tahi ngongota.

YAHYA 7:32

Tau-tauwalo Parisi loo̒dungohe woloolo mola taa dadaata boito hipo loloohuma pasali li Isa. Sababu uito pee̒-pee̒enta wolo mongo iimamu tau̒wa, timongolio malo poa̒hu dengolo lota tamoo-kawalia Bele lo Eeya loheu̒pa li Isa.

YAHYA 7:45

Tou̒ tahi pokawalia Bele lo Eeya taa ilahulalio mota loheu̒pa li Isa luli lohualingai, mongo iimamu tauwa wau tau-tauwalo Parisi boito lohintu mao̒ olimongolio, “Yilongola timongoli diila lodelo mai o-Lio odia?”

WUNGGULI LOMONGO RASULU 5:21

Yi mongo rasulu boito olo malo dungohe tahuli lo malai̒kati boito. Didimodupo daa̒ timongolio lonao̒ mota ode Bele lo Eeya wau malo ngaajali teto. Tou̒ boito, ti iimamu daa̒ wau tahidudua̒ olio lonao̒ mai, tulusi lohutu mao̒ sidangi lo mahakama wolo mongo tau̒wa lo Yahudi, lapatao̒ timongolio lopoa̒hu tau mola lohama mongo rasulu boito lonto tutupa mai lotaalua woli mongolio.

WUNGGULI LOMONGO RASULU 5:24

Tou̒ polowila tamoo-kawalia Bele lo Eeya wau mongo iimamu tau̒wa loo̒dungohe poo̒taa boito malolingu timongoli pasali lomongo rasulu boito wau moohe tou̒ wolo u mamotoduo mai.