YAHYA 11:41 - KITABI HABARI MOPIOHE

⁴¹ Yi timongolio malo pohinggi botu boito. Lapatao̒ ti Isa yilumanggela mola ode hulungo wau loloi̒ya, “Oduo̒lo, Paapa, sababu ti Paapa malo dungohei olaatia.

YAHYA 11:41 ပူးပေါင်းရင်းမြစ်များ

JABURU 123:1

Lahu jiara. Watotia motitalu mola ode Eeya yaa Eeya tahemo malenta tosologa.

MATIUSI 11:25

Tou̒ boito ti Isa lodua̒, “Paapa, Eeya tamotolo kawasa hulungo wau dunia! Watia mosukuru mola odeli Paapa sababu u ngoa̒amilalo boito hehuliyo li Paapa lonto tahi tootawa wau tao̒ ilimi bo pilopo bilohei li Paapa to tau-tauwalo ode tadiila hio̒o sikolawa.

MATIUSI 11:26

Ui-uitolo umoo̒ sanangi hilaa li Paapa.”

MATIUSI 27:60

Lapatao̒ pilopo balatio milate li Isa todelomo kuubulu milikiilio lohihilao u pilohutu todelomo huludu botu tuwau. Lapatao̒ uito tio lopo lilideo̒ botudaa̒ tuwau pilo heu̒tio wangopa lokuubulu boito, lapatao̒ lonao̒lo.

MARKUSI 15:46

Lapatao̒ tei Yusu malotali watu lenani u moa̒aluti wau tou̒ pilopo laahio mai milate li Isa, matilaputio lokaingi boito. Lapatao̒ tio lopo wulideo̒ milate boito tokuubulu tuwau u pilohutu todelomo huludu botu. Lapatao̒ uito tio lopo lilideo̒ botu leidaa̒ tuwau pilopo heu̒tio tongango kuubulu boito.

LUKASI 10:21

To wakutu boito olo, ti Isa leengahu sababu kiluwasa lo Rohullah. Ti Isa loloi̒ya, “Paapa, Eeya takawa-kawasa hulungo wau dunia! Watia mosukuru toli Paapa sababu ngoa̒amilalo boito u hitua-tuawua u sangaja hetuuo̒ li Paapa totau-tauwala tahi tootawa wau tahi o ilimua, bo piloi̒laalo li Paapa totau-tauwalo tadiila osikolawa. Uitolo umopo sanangi hilaa li Paapa.

LUKASI 18:13

Bo tamootagia beya boito tilimihula tou̒ molamingo wau tumbao̒ diila buheli lumanggela ode hulungo. Sambela hemoleaapu duhelio tio maloloi̒ya, ‘Oo Allahu Taa̒ala, ponua mai watotia, taa odusa botie!’ ”

LUKASI 24:2

Tokuubulu ilodungga limongolio botu heu̒tio malo lilidu.

YAHYA 11:22

Boli odito otaawa lowatotia deu̒ masaatia botieelo Allahu Taa̒ala mamongohi mai penu boli wolo upohile mola lo Eeya o-Lio.”

YAHYA 17:1

Lapatao̒ lotahuda mao̒ odito, ti Isa yilumanggela mola ode hulungo wau loloi̒ya, “Paapa, botia malei dungga wakutuulio. Pou̒daa̒alo mai Walai̒ Paapa, alihu Walai̒ Paapa olo mopou̒daa̒ mola li Paapa.

YAHYA 20:1

Todulahu ahadi dimodupo, tou̒ donggo modio̒lomo, ti Maria Mahadalena lonao̒ ode kuubulu. Tio loo̒onto mao̒ botu poheu̒tio mahileilio lonto huango kuubulu boito.

WUNGGULI LOMONGO RASULU 7:55

Bo tei Stepanus tamaa kiluwaasa lo Rohullah, yilumanggela mola ode hulungo. Tio loo̒onto mola ololaio̒ Allahu Taa̒ala wau ti Isa tihutihula totambati okawasa to ambahu olowala lo Allahu Taa̒ala.

PILIPI 4:6

Diila polawalo tomimbihu penu boli wolo. Todelomo totoonulalo sua̒li, podua̒alo wau wudua mola hihiilemu ode Allahu Taa̒ala. Wolo palaluo limongoli, poo̒taa mao̒ uito laito ode Allahu Taa̒ala wolo molapali mola oduo̒lo.