YAHYA 11:40 - KITABI HABARI MOPIOHE

⁴⁰ Ti Isa lolametao̒ oli Marta, “Diila mapilo tahuda-U̒ mai olemu; Wonu yio̒ palacaya, yio̒ mamoo̒onto malo odito udaa̒ kawasa lo Allahu Taa̒ala!”

YAHYA 11:40 ပူးပေါင်းရင်းမြစ်များ

OLUO TAWARI 20:20

Loloombulio mola didimodupo daa̒, ulipu yilumualao̒ wau lonao̒ ode madala tohuta datahu wau luasi udelita totili lo Tekoa. Tou̒ timongolio ohilaa momonggato, tei Yosapat helongohi mao̒ tahuli botie olimongolio, “Ulipu lo Yehuda wau Yerusalemu! Potiyakini lomola to Eeya Allahu Taa̒ala limongoli, yi timongoli maa mambo moo̒taahangi. Tolimowalo potua monto mongo nabi limongoli, yi timongoli mamoo̒haama!”

JABURU 63:2

Yaa Allahu Taa̒ala, Eeyaalo Allahu Taa̒ala lowatotia, helolohu lo watotia wau ilowooloola mola lowatotia, yaa Eeya. Debo odelo huta delita mototoa̒ngo lo taluhu odi-odieelo mola watotia mooloolo to Eeya.

JABURU 90:16

Pobilohelo mai huhutu lo Eeya ode mongowatotia mongo wato lo Eeya, wau kawasa lo Eeya u molamahu ode wali mai lo mongowatotia.

PILOTIMUA̒TA 16:7

Loombu mola dumodupo timongoli mamoo̒onto tinelaa owoluo lo Eeya. Eeya maloo̒ dungohe olimongoli hemoingo Olio; ooo̒ to Eeya, sababu ami botie bo hipohutua upilo malentaa-Lio mai.

MATIUSI 17:20

Ti Isa lolametao̒, “Sababu timongoli diila boti palacaya. Eelai mao̒! Wonu timongoli o iimani penu bo odelo udaa̒ bili losawi, timongoli mowali moloi̒ya ode huludu botie, ‘Limbatolo mola odito!’ tantuulo mao̒ huludu botie mamo limbato. Diaaluo penu boli tuwau mao̒ udiila opohutuo limongoli! [

MARKUSI 9:23

“Wolo heloi̒yamu? Wonu ti Paaa̒ mowali?” tametao̒ li Isa. “Ngoa̒amilalo mowali, asali tau palacaya!”

YAHYA 1:14

Tahuda malowali manusia, Tio bilubiluloa̒ to wolotanto, wau ito maloo̒onto odudaa̒-Lio. Odudaa̒ boito tilolimo-Lio odelo Walao̒ Allahu Taa̒ala tatuwa-tuwaulo. Lotimbulude o-Lio ito maloo̒onto Allahu Taa̒ala wau ponu-Lio ode olanto.

YAHYA 11:4

Tou̒ ti Isa lao̒dungohe habari boito, Tio lotahuda mao̒, “Ngongoto botie diila tamoo̒pate. Utie lotoduo mai alihu Allahu Taa̒ala pou̒daa̒alo, wau alihu woleeto olo Walao̒ Allahu Taa̒ala pou̒daa̒alo mola.”

YAHYA 12:41

Tei Yesaya loloi̒ya odito sababu tio maloo̒onto odudaa̒ li Isa, wau helo bisala tomimbihu o-Lio.

YAHYA 9:3

Ti Isa lolametao̒, “Tio pitoo̒ diila sababu dusalio lohihilao meaalo dusa lomongo dulaa̒lio, bo alihu tau mowali moo̒onto mao̒ okokawasa lo Allahu Taa̒ala mokalaja todelomo batangalio.

ROMA 6:4

Wolo polihu boito, ito yilobungio woli Almasi, wau lodudua̒ yilate pee̒-pee̒enta wo-Lio, alihu debo odelo ti Almasi pilopo tumulai lonto opopate tokawasa li Paapa talailaio̒, odito olo ito mowali tumumulo todelomo tutumulo u bohu.

2 KORINTUS 3:18

Masaatia bayanto ngoa̒amila diila tilau̒be lo beleu̒to, wau ito mopo bulilangao̒ otinelo mobaango tutu li Isa Eeya. Wau masababu uito ito mololaalaaita bolio̒lo mowali debo odelo Tio; lebe hihiiheo mao̒ ito mowali helebe motinelo mobaango tutu. Otinelo mobaango tutu boito monto Rohu, wau Rohu boito yito Eeya.

2 KORINTUS 4:6

Allahu Taa̒ala talo tahuda, “Mamusi monto delomo dio̒lomo mobutu mai tilango,” Allahu Taa̒ala boitolo olo tamo pobutu mai tilango boito todelomo hilaanto, alihu pikiilanginto, mowali mobaangai u momaahamu otinelo mobaango tutu lo Allahu Taa̒ala u tinetinelo tobaya li Almasi.